Ézai 48:4 - Kazambale lé Sebe Sauunu 1979

⁴ Maa gi dɔɔ léé, ka bli a plɛplɛ, Yé ka tɔné gi a plɛplɛ bélé foliɛwɔlɛ zo, Yé ka yuɛ ma a plɛplɛ bélé gɔlɛ zo,

Ézai 48:4 ပူးပေါင်းရင်းမြစ်များ

2 Minwiinzannu 17:14

Naa, wo ’ka ’wo tɔné dɔ lɛ lo, yé wo kɛlɛ tɔnégiplɛplɛzannu nya bélé wo tranu lé wo ’ka bli vo lɛ Gakelebale, wolé Bale lɛ lo, wo zo.

2 Minwiinmunu lé Wezuofe Sɛbɛ 30:8

Té ka kɛlɛ wemaplɛplɛzannu nya bélé ka tranu zo lo; ’ka ka ’wuo dɔ Gakelebale wuo. Alé fɛna sauun lé é a pa é yɛrama lɛɛ faa zé nya bɛ, ’ka da ana, yé ’ka Gakelebale kalé Bale bɔ, léé, alé bliflile plɛplɛ ’é si ka ma.

2 Minwiinmunu lé Wezuofe Sɛbɛ 36:13

Minwiinzan blɛn Nébukanɛsaa lé, é lé Sédésias lɛ léé, ’i bale ’nyɔɔn, Sédésias nwa ’bɛ ma é ziin. É tɔné gi dɔ plɛplɛ yé é bli ta dɔ plɛplɛ léé, ’é ’ka nɔlana ’é pa gi Gakelebale, Izraɛl lé Bale va lo.

Néémi 9:28

Dé wo flinle ye, wo kun wenaané kɛlɛle ma i yuɛ gi é ziin. Yé i wo pa wo nyanézannu lee, ’té ’bɛnu éé plaan wo nwiin. Naa, wo siaa i lɛ é ziin, yé bii, i wolé siaalenu ’ma la gi loru, yé ilé nyanai zénle blɛn gi i wo si we gi gɔnɔ kiɛre.

Lɛrɛvɔ Sɛbɛ 75:5

Munu lé woo wobo ze vɔa, maa lé wo lɛ léé, té ka kabo ze vɔ lo. Yé maa lé mi nyanénu lɛ léé, té ka ’wuo nwa lo.

Lɛrɛvɔ Sɛbɛ 78:8

Léé, té wo kɛlɛ bɛn lé woo mi lɛgaan a ma, yé wo tɔné gi ke plɛplɛ bélé wo tinu zé zo, wo nya lo, Bɛn lé wo bli ta ’ka é dɔle plɛplɛ lo, Yé wo léli fuu ’ka é ta Bale lé we gi lo, té wo kɛlɛ ’bɛ nya lo.

Fwile 32:9

Gakelebale lé Moizi lɛ léé: Maa ye léé, munu ’ko, wa wemaplɛplɛzannu nya.

Fwile 33:3

’I go tɛrɛnyɔnɔzan na zia. Naa, maa ’ka dan go lɛ ka va lo, dé maa da ka guru zana a gi zia, ka a wemaplɛplɛzannu nya, azama.

Fwile 33:5

Yé Gakelebale lé Moizi lɛ léé: Bé fe Izraɛl lé nénu lɛ léma: Ka a wemaplɛplɛzannu nya, dé maa go ka va bléyi do kpen nya, maa dan ka guru zana lɛ a gi. Sin, ’ka ka ’lɛrɛfɛnu si ka ta, yé we lé maa dan a kɛlɛ lɛ ka lɛ yé maa dan a ye lɛ.

Fwile 9:7

Faraɔn we ’ko ta laa, yé bé ye, Izraɛl lé trubɛnu va wi do kpen ’ka ga lɛ lo. Naa, Faraɔn bli kɛlɛ plɛplɛ yé é ’ka daan lɛ munu ma léé, ’wo go lo.

Wegɔnévɔlenu 29:1

Mi lé a yara a lé, wo we pla a lɛ, yé é ’ka é ’wuo dɔa a wuo lo, wo dan a ’wii lɛ za ma, té a lia ’ka lo.

Ézai 30:9

Naa, munu ’ko lé we ma a plɛplɛ yé wa viéwozannu nya; wa munu lé wo ’ka a nyi sié léé, ’wo tɔné dɔ Gakelebale lé bélidɔwe lɛ lo, wo nya.

Ézai 46:12

Bli plɛplɛzannu, we drɔle nyanézannu, ’Ka tɔné dɔ an lɛ.

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 3:3

Amalé lɛɛné ’ka da lɛ lo yé lɛɛné vininnu vuru ka ma. Yé ka kɛlɛ yuɛmaplɛplɛ?-?zannu nya bélé gɔnégini le zo, yé yara ’ka ka gyɛ lɛ lo.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Ézékiɛl 2:4

Munu ’ko yuɛma a plɛplɛ yé wo bli a plɛplɛ; maa i pa wo lɛ zia, bé fe wo lɛ léma: Mizan Gakelebale léma:

Daniɛl 5:20

Naa, bléyian va lé é bo kɛlɛ blɛn yé a yuɛ ma kɛlɛ plɛplɛ fɔɔ yé é blii boblɛn nya, wa zun gla nya élé webleblin ta, yé wo alé fua si a lee.

Kelewenu 7:51

’Kaa wemaplɛplɛzannu, ka lé ka bli ’ka sié ka kɛlɛwe kyɛn lɛ lo yé ka tɔnénu ’ka voo we lɛ lo, ka a é dɔle Léli Sauun ma plɛplɛ yifaama. Ka tranu a fɛan zo, a bɛ duo gi lé ka ke é ziin.

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

Bélidɔwesɛbɛ Fiézan 10:16

Amalé ’ka bli si wenyané lɛ é ziin, yé té ’ka kɛlɛ wemaplɛplɛzannu nya é dɛrɛ lo.

Bélidɔwesɛbɛ Fiézan 31:27

Naa, maa kalé nwamimabli valé ka tɔnégiyuyu dɔɔ. Dé ka nwa Gakelebale ma bléyian va lé maa a é yuɛma ka méléna, an gale zuo zé ’ka dan mini lɛ loo?

Ébrunu 3:13

Naa, ’ka we pla ka ke lɛ yi faa do do ma, tu valé é kinile ma, té ka yi lɛbɛn lo, léé, té wenyané é dabli kɛlɛ ka va mi do kpen lɛ yé a tɔné gi é kɛlɛ yuyu lo.