Ézai 48:18 - Kazambale lé Sebe Sauunu 1979

¹⁸ Dé é vo kɔɔn lé i tɔné dɔ anlé bélidɔwe lɛ, ’Té ilé we zin yele zén i ta bélé ’blɛ zo, Yé i dan fan lɛ ginanale nya;

Ézai 48:18 ပူးပေါင်းရင်းမြစ်များ

Bélidɔwesɛbɛ Fiézan 5:29

Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

Ézai 66:12

Gakelebale léma: Maa dan vole drɔɔ nɔ lɛ a lɛ bélé yuu zo. Maa dan bɛnnu lé fua nɔ lɛ a lɛ bélé ’yiyoro lé é bɔra ’é gɔ la, a zo. Yé ’bɛ é dan kɛlɛ lɛ kalé fɛblele nya; wo dan ka si lɛ ’wo bɛ gi, wo dan ka si lɛ ’wo bɔrɔ la.

Lɛrɛvɔ Sɛbɛ 119:165

Munuan ilé bélidɔwenu sɔ wo lɛ, vole drɔɔ kiɛre a wozé nya, Yé wenaané do ’ka bɔa wo ma lo.

Bélidɔwesɛbɛ Fiézan 32:29

Dé é a lé wo we dɔɔ, ’té we lé wa ’ma, yee lé ke ’ko: Yé ’té wo gi bɔrɔan we lé é dan bɔ lɛ wo ma, a lɛ.

Ézai 45:8

Wetegele ’é vɔ tɛrɛ la bélé lolu zo, Yé wetegele ’é da tɛrɛ la bélé lɛɛ éé sié lati gi fɛan zo, a zo. Yé mi sile we gi valé mi sole we lee, ’é kɛlɛ tɛrɛ la di Bélé lɛɛ nyian wo bléyi va fɛ dɔle zo. Maa Gakelebale, maa ɛ we ’konu kɛla.

Lɛrɛvɔ Sɛbɛ 36:8

Oo Bale, ilé zin wea é baba. Blaminu woo yɔɔna ginian i bɛ wuo.

Rom munu 14:17

Naa, Kazambale plale mi nwiin ’ka fɛblele valé fɛminile lé we nya lo; naa, kɛlɛle tegele koo, vole drɔɔ koo, gi nanale koo, wo nya lé é ke Léli Sauun gi.

Amɔs 5:24

Naa, wedrɔle ’é kɛlɛ bélé ’yiyoro zo, yé we tegele ’é kɛlɛ bélé ’yiyoro plɛplɛ lé é ’ka bélié lo, a zo.

Matio 23:37

Jérusalɛm munuoo, Jérusalɛm munu, ka lé ka balelayemunu gya, ’té munu lé maa wo paan ka lɛ zia, ka wo gya gɔlɛ nya, gɔnɔ kiɛre nya maa a a va léé, maa ka wɔra an va, bélé fɛan zo lé mane tina élé nénu wɔraan ’é bɛa wuo, a zo, yé ka ’ka a nyi si lɛ lo.

Ézai 33:21

’Bɛna lé Gakelebale givuruwe blɛnnu kɛlɛ ko lɛ weboen nya; ’bɛna lé é kɛlɛ ko lɛ bélé yuu blɛnnu zo, bélé ’yi laala blɛn zo. ’Yitagoro lé wa vɔa payili nya, é ’ka dan bɔ lɛ ’bɛna lo; ’yitagoro blɛn ’ka dan bɔ lɛ ’bɛna lo.

Ézai 42:24

De ɛ Jakɔb nɔ léé, wo ’wii alé fɛ taa? De ɛ Izraɛl pa ’wiiéfɛtazannu lee? Gakelebale kaan loo? Ko wenyané kɛlɛ a ma. É ’ka sɔ lɛ ko lɛ léé, ko alé zi ta tawo lo, Ko ’ka tɔné dɔ lɛ alé bélidɔwe lɛ lo.

Ézai 54:13

I benu faa é dan kɛlɛ lɛ Gakelebale zuozannu nya, Yé wenu nyian é dan wo lɛ i benu lɛ kiɛre.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 61:11

Naa, tɛrɛ éé fɛ kɛla fɛan zo, Yé zian féi gɔn éé bɔa fɛan zo, A zo duo lé Mizan Gakelebale é dan silewegi valé tɔzinfele bɔra lɛ, Bɛnnu faa yuɛ va.

Ézai 62:1

Siɔn sɔle an lɛ lé we ma léé, an ’ka dan tadɔ lɛ lo; Jérusalɛm sɔle an lɛ lé we ma léé, an ’ka dan flin lɛ pelo, Fɔɔ yé munu faa a silewegi ye bélé tukinile zo, Fɔɔ yé munu faa a vole éboma ye bélé sona bile zo.

OZÉ (Osée) 10:12

’Ka nyana dɛrɛ wo, ’ka we tegele vɔ yé ’ka nyanai zénle gyɛ. Gakelebale nagini bléyi lo, fɔɔ yé é da yé é we tegele nwɛɛn ka lɛ.