Ézai 48:16 - Kazambale lé Sebe Sauunu 1979

¹⁶ ’Ka bié an va, yé ’ka tɔné dɔ. É sia a pélisia bléyi va, maa ’ka we do kpen fe lɛ kyeen gi lo, We ’konu pélisiana, ’té maa ana. Yé sin, Mizan Gakelebale é maa valé é Léli nwunvɔ.

Ézai 48:16 ပူးပေါင်းရင်းမြစ်များ

WENÉNÉ LE JAN A GYE (Évangile selon Jean) 18:20

Jézu lé a lɛ léé: Maa we fe munu lɛ gɔrɔ la, ’té an we paan munu gi yifaama bazorokɔn valé Balebangikɔn gi, fɛana lé Juifinu éé zén‐é ékeva, ana; yé maa ’ka we do kpen fe lɛ kyeen gi lo.

WENÉNÉ LE JAN A GYE (Évangile selon Jean) 3:34

Naa, Kazambale ’ka ’é Léli nɔle glɛ dɔ lɛ a lɛ lo; bɛwemalé, mi lé Kazambale a pa zia, Kazambale dérenu lé éé a fé.

Ézai 45:19

Maa ’ka we fe lɛ kyeen gi Tɛrɛ la gunuti do kpen va lo; Maa ’ka a fe lɛ Jakɔb kulu lɛ léé: ’Ka an nagini é pla, lo. Maa Gakelebale, maa we fé é fena, Maa we drɔle ɛ fé.

WENÉNÉ LÉ LUK A GYE (Évangile selon Luc) 4:18

Mizambale Léli a maa ta Yé é nyɔnɔ zén an nwiin anlé wenéné fele nyanégyɛmunu lɛ we gi; É an pa zia munu lé blikyɛdɔwe blɛn bɔ wo ma, wo va, wo bélile koo, Luugimunu vole woboma valé Yuɛwiimunu yuɛ fuole koo, Munu lé woo yaan wo ta, wo vole woboma valé

Ézai 41:1

’Kaa ’yiworona tɛrɛ lamunu, ’ka tadɔ yé ’ka tɔné dɔ an lɛ. Munu bli ta ’é dɔ plɛplɛ ma; ’Wo bié, ’wo we fe ma. Kaa zén ékeva, kaa we ble.

Ézai 34:1

Bɛnnu, ’ka bié, ’ka we ’ma. Munu, ’ka tɔné dɔ. Tɛrɛ valé é tafɛnu faa, tɛrɛ valé fɛnu faa lé éé a dɔa, ’ka tɔné dɔ ma.

Ézai 43:13

Maa ɛ ke Bale nya a pélisia bléyi va, Mi do kpen ’ka mi sié an lee lo; Maa ɛ we kɛla, de ɛ a yi gaan an lee?

Ézai 57:3

Naa, ’kaa yokɛlɛ le benu, leginizan valé bɔrɔdɛ dɔgɔnɔ, ’ka bié ze.