Ézai 48:12 - Kazambale lé Sebe Sauunu 1979

¹² Jakɔb, ’i tɔné dɔ an lɛ. Bii Izraɛl lé maa i laa, ’i tɔné dɔ an an lɛ. Maa, maa lé ke a vininzan nya, Yé maa lé ke é ziin a voélazan nya.

Ézai 48:12 ပူးပေါင်းရင်းမြစ်များ

Wegɔnévɔlenu 7:24

Yé sin, an benu, ’ka an ban ka tɔné nya, ’ka tɔné dɔ an ’léé dére lɛ.

Wegɔnévɔlenu 8:32

Yé sin an benu, ’ka tɔné dɔ an lɛ; Munu lé woo tawoo anlé tawobɛ gi, wozé a néné.

Ézai 34:1

Bɛnnu, ’ka bié, ’ka we ’ma. Munu, ’ka tɔné dɔ. Tɛrɛ valé é tafɛnu faa, tɛrɛ valé fɛnu faa lé éé a dɔa, ’ka tɔné dɔ ma.

Ézai 40:26

’Ka yuɛ vɔ loru, ’ka nagini, Dé de ɛ fɛ ’konu kɛlɛɛ? De ɛ wo giéna gɔɔn wo lɛɛ? Éé wo faa laan wo tɔ nya; Alé se blɛn valé alé plɛplɛ baba lé we ma lé A do kpen ’ka sié é dɔna lo.

Ézai 41:4

De ɛ we ’konu kɛlɛ yé é wo lɛ sɔɔ? Mi lé é migɔnɔnu bɔra a pélisia bléyi va, Maa, Gakelebale lé; maa a é vinin, Yé maa a an dɔbɛ gi fɔɔ yé tɛrɛla é nyaa a zo.

Ézai 43:10

Gakelebale léé, ka a anlé wenayezannu nya, Ka valé an wuozan lé maa a si a va, wo nya, léé, Ka gi dɔɔ, Yé ka bli vo an lɛ, yé ka a gi ’ma léé, maa lé. Bale bɛ ’ka an ’lɛ é kyɛn lo, Yé a bɛ ’ka an zuo lo.

Ézai 43:11

Maa, maa ɛ ke Gakelebale nya, Yé dé é ’ka maa nya lo, misiéwegizan bɛ ’ka lo.

Ézai 44:1

Jakɔb‐oo, an wuozan, ’i tɔné dɔ sin, Izraɛl lé maa si a va, ’i tɔné dɔ sin.

Ézai 44:6

Gakelebale lé ke Izraɛl munu nwiinzan valé wo tabozan nya, ’Té é ke lai sunyanu lé Gakelebale nya, é léma: Maa ɛ ke a vininzan nya, yé maa ɛ ke a voélazan nya, Dé é ’ka maa nya lo, Bale bɛ ’ka lo.

Ézai 46:3

Jakɔb lé munu, ’ka tɔné dɔ an lɛ, ’Kaa Izraɛl lé mi pɔné lé ka vo, ’Té kalé we a an nwiin, é sia ka pélisiana, ’Té maa ka kɔné si, é sia ka yaabléyi va bɛ, ’Ka faa tɔné dɔ an lɛ.

Ézai 46:4

Ka dan kwa gyɛ lɛ, ’té maa a an dɔbɛ gi, Ka dan kwa gyɛ lɛ, ’té maa bɔa ka va; Maa ka kɔné si é kyɛn, yé maa dan a si lɛ é ziin, Maa dan bɔ lɛ ka va, yé maa dan ka si lɛ we gi.

Ézai 49:1

Wɛyiworona tɛrɛ lamunu, ’ka tɔné dɔ. Tɛrɛ baa lamunu, ’ka an ban ka tɔné nya. Gakelebale an laa an yaabléyi va, An bu lé an yaale tɔɔn é an tɔ pa.

Ézai 51:1

Ka lé ka tawoo we tegele zuo, ’Té ka Gakelebale naginian, ’ka tɔné dɔ an lɛ. Gɔlɛ lé wo ka so a ma, a sele ’é dɔ ka gi ma, Guru lé wo ka si a gi, a sele ’é dɔ ka gi ma.

Ézai 51:4

Anlé munu, ’ka tɔné dɔ. Anlé bɛn, ’ka an ban ka tɔné nya. Bélidɔwe é dan si lɛ maa ɛ va, Maa dan anlé bélidɔwe kɛlɛ lɛ migɔnɔnu vakinisan nya.

Ézai 51:7

Ka lé ka wetegele dɔɔ, ’ka tɔné dɔ an lɛ; ’Kaa munu lé anlé bélidɔwe ke ka bli gi, ’ka tɔné dɔ an lɛ. Dé munu serele bo ka ma, té ’bɛ é kana zén ka gi lo, Dé wo ka sɔnɔ, té ’bɛ é gligli zén ka gi lo.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Matio 20:16

’Ko zo lé mi voélazannu é dan kɛlɛ lɛ mi vininzannu nya, yé mi vininzannu é dan kɛlɛ lɛ mi voélazannu nya.

Rom munu 1:6

’Kaa lé Bale ka laa léé, ’ka kɛlɛ Jézu zé nya, ka a wo va mi kenu nya.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

1 Korent munu 1:24

naa, munu lé Kazambale wo laa, dé é a Juifi mi nyaoo, dé é a Grɛki mi nyaoo, wa yé Kazambale lé plɛplɛ valé alé wedɔɔle nya.

Bélidɔwesɛbɛ Fiézan 32:39

Amalé, ka gi dɔɔ léé, maa ɛ ke Bale nya, Yé bale bɛ ’ka lo; Maa ɛ mi voo é yuɛma, yé maa ɛ mi gya, Maa ɛ mi tuoan, yé maa ɛ mi bélié, Yé mi do kpen ’ka bɔa mi sile lɛ an lee lo.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

Wegɔɔnle 1:11

Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 2:8

’I sɛbɛ pa Simii léglizi lé lanje lɛ zia. ’Bé fe a lɛ léé: Mi lé é ke mi vininzan nya, ’té é ke a voélazan nya, ’té é ga yé é béli é ziin, a dére lé é ke ’ko:

Wegɔɔnle 22:13

Maa lé ke Alfa valé Oméga nya, a vininzan valé a voélazan nya, we pélisiana valé we ’wuoplana nya.