Ézai 47:9 - Kazambale lé Sebe Sauunu 1979

⁹ We ’ko fiénu é dan bɔ lɛ i ma yi do kpen nya, Né vurule i ma valé kɛlɛle gyɛzarale nya lé; Wo dan ’wii lɛ i ta, Dé i ’moné dɔ kiɛreoo, Dé i yo kɛlɛ kiɛreoo, wo dan ’wii lɛ i ta duowo.

Ézai 47:9 ပူးပေါင်းရင်းမြစ်များ

Lɛrɛvɔ Sɛbɛ 73:19

Yé bé gini do, keletɔɔn, wozé nyaa. Wo wo si ana é kele, yé ana vo é pla.

Ézai 13:16

Wo dan wolé nénu ’wii lɛ wo yuɛ va; wo dan wolé kɔnnu ’wii lɛ, yé wo dan zɔwɛgyɛ lɛ wo nanu ta gla nya.

Ézai 21:9

Yé bé ye, wisootazannu a dana, ’té woo tawoo mi fié, mi fié. É we fe é ziin yé é léé: Babilɔn diaoo, é dia! Alé miyilinu faa dia tɛrɛ va yé wo yéli nuu.

Ézai 47:11

We tɔntɔn é dan bɔ lɛ i ma, Yé i ’ka bɔa sole lɛ a lee lo, Dirikiniwe é dan bɔ lɛ i ma, Ilé yo kɛlɛle ’ka dan sɔ lɛ a nya lo, I guru é dan zana lɛ a gi fiaa I ma trɔnné va.

Jérémi 15:9

Lezan lé a benu ke sɔrafié, alé tɛrɛla lɔrɔ nyaa a ma, Yeeboen lɛ bo, Azé yiri vɔ yiri vɔle ’lɛ, Yara a gyɛ; yaragyɛwe bɔ a ma. Munu lé wo vo ana, maa wo pa ’wo nyanézannu lé gwɔun lee. Maa Gakelebale ɛ fe.

Jérémi 51:29

Tɛrɛ ma nyɔɔn; gligli zén a gi, naa, Gakelebale bligiwe lɛ sɔɔ Babilɔn ma. É dan Babilɔn tɛrɛ kɛlɛ lɛ bwi nya, ’té mi do kpen ’ka dan kɛlɛ lɛ ana lo.

Daniɛl 2:2

Yokɛlɛzannu koo, monénénu va ’monédɔzannu koo, ’monédɔzannu koo, Kaldémunu koo, minwiinzan blɛn munu nwunvɔ wo laana, léé, ’wo ’élé nyɛ ’konu fe. Wo da, yé wo dɔ minwiinzan blɛn ’lɛ.

Daniɛl 4:7

Yé yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo da. Maa nyɛo fe wo lɛ, yé wo ’ka a gi fe lɛ an lɛ lo.

Daniɛl 5:30

’Bɛ yi duo nya é béli, wo Kaldé munu nwiinzan blɛn Bɛlsasaa gyɛ.

Daniɛl 5:7

Minwiinzan blɛn sia plɛplɛ léé, monénénu va ’monédɔzannu koo, Kaldé munu koo, ’monédɔzannu koo, ’wo wo laa ’wo da. Minwiinzan blɛn we fe Babilɔn wedɔɔmunu lɛ yé é léé: Dé miomian sɛbɛ ’ko ta fe yé é a gi fe an lɛ, wo dan galunaa tɔvarɔ zén lɛ a ta yé wo kyan vɔ a bɔrɔ ma, yé wo dan nyanana yaazan nɔ lɛ a lɛ plale mi nwiin gi.

Naum 3:4

We ’konu bɔ gɔné gini le lé gɔnéginile kiɛre zi, Éé mi sian ana nuu; éé yo kɛla kaiiné. Yee ɛ bɛngɔnɔnu saan élé gɔnéginile nya, Yé éé munu saan élé yokɛlɛle nya.

1 Tɛsalɔnik munu 5:3

Dé munu a fena léé, ’wa drɔɔ, we do ’ka ’wo ma lo, kele tɔɔn yé mi?-?gyɛwe é bɔra wo ma fiaa, bélé fɛan zo lé nyanéblele tɔntɔn éé bɔraan bɔnzan ma fiaa a zo, yé wo ’ka bɔa sole lɛ a gi lo.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.

RUT (Ruth) 1:20

É lé wo lɛ léé: Té ka an laa Naomi lo; ’ka an laa Mara. Plɛplɛfaazan an ’léé kɛlɛ é nyanale, azama.

RUT (Ruth) 1:5

Maklɔn valé Kilijɔn ga é ziin yé Naomi vo é be fiénu valé é zana pa gi.