Ézai 47:1 - Kazambale lé Sebe Sauunu 1979

¹ Babilɔn blɛnzan, ’I zun, ’i nyana vungoi va. Kaldé le, ’I nyana tɛrɛ va, ilé fuablin ’ka lo. Wo ’ka dan i laa lɛ léabo le é dɛrɛ lo, wo ’ka dan a fe lɛ léé, le a é zénle i ma lo.

Ézai 47:1 ပူးပေါင်းရင်းမြစ်များ

JOB (Job) 2:13

Yé wo vo é nyanale tɛrɛ va a sɔnɔ yi sɔrafié, béli koo, yiéyi koo, ’té wo ’ka we do kpen sié a ta lo, naa, wa ye léé, alé kleblele a blɛn, ’bɛzama.

JOB (Job) 2:8

Yé Job bɔple sia, ’té éé ma kɔɔn‐an a nya yé é nyana kyɛyee va.

Lɛrɛvɔ Sɛbɛ 137:8

Babilɔn munu, ’kaa kɔn ’wiizannu, Wenaané lé ka kɛlɛ ko lɛ, Mian é a lɛgi kɛlɛ ka lɛ, ’bɛzan zé a néné.

Lɛrɛvɔ Sɛbɛ 18:27

Ibo nagɔɔn‐an mi gibɔle nya mi gibɔle lɛ, Yé i we kɛla mi vɔnle lɛ alé we vɔnle yɛrama.

Lɛrɛvɔ Sɛbɛ 89:44

I alé gwɔun si ana, Yé i ’ka bɔ lɛ a va gulidanna lo.

Ézai 13:1

Babilɔn ma we lé Bale a gɔɔn Amosi be Ézai lɛ, yee lé ke ’ko.

Ézai 13:13

Bɛwemalé maa dan lanu puo lɛ. Tɛrɛ dɔralafɛ ma é dan nyɔɔn lɛ lai sunyanu lé Gakelebale bli flile we ma, a wɛwɛbabané yi la.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 21:1

Balelawe lé Ézai a fe wɛyi bwi lé we ma, yee lo. Fu plɛplɛ si yirinwana bɛyilazia fɛan zo, a zo lé nyanézan si kanazénmigi bwi la.

Ézai 23:12

É léé: Sidɔn munu lé ke blɛn sɛrɛle zo, ka gi ’ka dan nana lɛ é dɛrɛ lo. ’Ka nwa, ’ka go Kitim tɛrɛ la. Dé ka go ’bɛna boen‐oo, ka ’ka dan flinle ye lɛ lo.

Ézai 26:5

Munu lé woo nyanaan loru, é wo zana a gi, Yé fla lé a tɔ ke blɛn, é a zun, É a zun fɔɔ tɛrɛ va, É a kɛlɛ vun nya.

Ézai 3:26

Siɔn flagɔrɔ ’léé wo dan dunnu lɛ yé wo dan gyɛ bo lɛ; Siɔn munu é dan nyana lɛ tɛrɛ va wo leekoro nya.

Ézai 37:22

Dére lé Gakelebale a fe a mawe nya, yee lé ke ’ko: Blɛn lé é ka tan gɔné dɔɔ lɛ lo, Siɔn lu, Éé serele boo i ma, éé we nanaan i ma, Jérusalɛm le Éé ’wuo nyɔɔn‐an i zuo.

Ézai 52:2

’Ka nwa, ’ka vungoi si ka ma, ’ka ma puo. Jérusalɛm munu, ’ka nyana ka pa gi. Siɔn munu, luugizannu, ’Ka luubale si ka bɔrɔ ma.

Jérémi 13:18

Bé fe minwiinzan blɛn valé minwiin le lɛ léé: Tɔkoro lé é ke ka nyɛɛfɛ nya, é si ka ’wuo ma, é dia, amalé ’ka nyana tɛrɛ va.

Jérémi 46:11

Éjipiti lu, blɛnzan, ’I go bomélia nagini Galaad tɛrɛ la; Ilé lia kiɛre ginile a we pla nya, ’Bɛ ’ka dan i béli lɛ lo.

Jérémi 48:18

Dibɔnzan, blɛnzan, ’I si ilé fua nyanana, ’i zun, ’i nyana tɛrɛ gale ta. Naa, Moab sɛrɛzan nwa i ma, É a i yɔɔna plɛplɛ sɛrɛna.

Jérémi 50:1

Dére lé Gakelebale a pa balelayezan Jérémi ’léé, Kaldé tɛrɛ la Babilɔn mawe nya, yee lo.

Jérémi 50:42

Sa valé toané din a wo lee; Wa gi pɔnpɔnzannu nya; wo nyanai ’ka zén‐é lo. Wo dére gi éé wé bélé wɛyi zo; Wo vɔ wisoonu ta; Wo ma a é ’lɛrɛle gulidanle we ma bélé mi do kpen zo, Bii Babilɔn lé munu ma.

Jérémi 51:1

Gakelebale léma: Ka ye, maa dan fɛsɛrɛfu do pa lɛ zia Babilɔn munu valé Kaldé munu ma.

Jérémi 51:33

Naa, lai sunyanu lé Gakelebale, Izraɛl lé Bale léma: Babilɔn munu a bélé fɛ lé wo ’sa sunwo ana wo gane nya, a zo. É vo sɛ yé a sunwo bléyi é bɔ.

Jérémi 51:51

Ko sɔnɔle ’ma aan wo, ’bɛ kɛlɛ ko ma yaragyɛwe nya; dé bɛnnu wɔra Gakelebale lé kɔn sauun gi, yara wɔra ko ’wuo ma.

Jérémi Lé Wuvɔ Sɛbɛ 2:10

Siɔn mi segelenu woo nyanaan tɛrɛ va, ’té wo ’ka we sié a ta lo. Wo vun zén ’wo nwiin, Wo bɔlɔ zén ’wo ta; Jérusalɛm munu ’wo ’wuo dia tɛrɛ va.

Jérémi Lé Wuvɔ Sɛbɛ 2:21

Né valé mi kwanu wo dia zinu ta, Wo anlé blɛnnu valé anlé pɛniɛnu gyɛ gwɔun nya. I bli fliyi nya i wo gyɛ, I wo bɔrɔ bo; i nyanai ’ka zén lɛ wo ta lo.

Jérémi Lé Wuvɔ Sɛbɛ 4:5

Munu lé woo fɛ zinnu blé, Woo zamaga woo zinu ta; Yé munu lé wo tin fɛn zinnu nya, Woo yiaan bli vulina.

Ézékiɛl 26:16

Wɛyi sɔnɔ tɛrɛ la minisinu faa éé sié ’wolé fuablinnu ta yé wo zun tɛrɛ va; woo ’wolé varɔ blɛnnu sié ’wo ta, yé wolé varɔnu lé pɛɛ ke é gyɛle wo ta, woo wo sié ’wo ta. Di éé kinié wo gi, yé woo nyanaan tɛrɛ va, yé wo zuru va nyɛ éé kinié bléyi faa va, yé wo dan dɔ lɛ ’wo gane la ilé we ma.

Ézékiɛl 28:17

I nɔnɔmi pli zi i blii boblɛn nya. I zevɔle ilé wedɔɔle gi sɛrɛ, maa i vuli tɛrɛ va, maa i nɔ minwiinzan blɛnnu lɛ, léé, ’wo i sɛrɛle ye.

Jonas 3:6

Ninive nwiinzan blɛn we ’ko ’ma aan wo é si élé webleblin ta. É ’élé varɔ blɛn si é ta; yé é bɔlɔ zén é ta; yé é nyana kyɛyee va.

Agajé 2:22

Maa dan bɛnnu lé webleblinnu zana lɛ a gi; maa dan bɛnnu faa lé plɛplɛ sɛrɛ lɛ; maa dan goronu valé wo gizannu zana lɛ a gi; wisoonu valé wotazannu, wo dan ’wo ke gyɛ lɛ wolé gwɔun nya.

Zakari 2:7

Siɔn munu, ’kaa lé ka nyanaan Babilɔn munu va, ’ka vɔ flii.

Wegɔɔnle 18:7

Fɛan zo lé ébo tɔ kɛlɛ blɛn yé ébo nɔ fua kiɛre blele lɛ, a zo duo lé ’ka nyanéblele kaii valé gyɛbole nɔ a lɛ. Naa, é lé é bli gi léé, ’é a mi nwiin le nya é nyanale, ’é ’ka gyɛzara le nya lo, yé ’é ka dan gyɛ bo lɛ monomono lo.