Ézai 45:3 - Kazambale lé Sebe Sauunu 1979

³ Maa dan fɛwezan yɔɔlenu nɔ lɛ i lɛ, ’Bɛ valé fuafɛ yɔɔlenu nya, Ilé a gi dɔɔle we gi léé, Maa a Gakelebale lé maa i laa i tɔ nya, a nya, Maa a Izraɛl lé Bale nya.

Ézai 45:3 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 6:17

Gakelebale, Izraɛl lé Bale, blivolɛdére lé bé fe i leezan David lɛ, ’i a tawe kɛlɛ ma.

Ezidras 1:2

Pɛɛs munu nwiinzan blɛn Sirus léma: Gakelebale, lanu lé Bale tɛrɛ la fuatɛrɛ faa nɔ an lɛ yé é an bélidɔ léé, ’an kɔn dɔ Jérusalɛm, Juda tɛrɛ la.

Fwile 33:12

Moizi lé Gakelebale lɛ léé: Maa léma: bii lé an lɛ léé, ’an go munu ’ko nya. Yé dé i dan mi kyɛn pa lɛ an vaa? i ’ka a fe lɛ an lɛ lo, dɔlé té bé fe léé, ’é an dɔɔ an tɔ nya, yé ’é an ye mi zin nya ’é yuɛi.

Fwile 33:17

Gakelebale lé Moizi lɛ léé: I an yuɛi bɔ, yé maa i dɔɔ i tɔ nya, amalé we lé bé laa an lee, maa dan a kɛlɛ lɛ.

Ézai 41:23

We lé é dan bɔ lɛ é voéla, ’ka fe, Yé ko a gi dɔɔ léé, ka a balenu nya; ’Ka wezin kiéné do kɛlɛ, dé ’bɛ kaan lo, ’ka wenaané do kɛlɛ Yé ko ’bɛ ye yé ko bɔn‐in bɔrɔ ’bɛ ma.

Ézai 43:1

Jakɔb‐oo Jakɔb, Gakelebale lé é i kɛlɛ, é a wefena sin; Izraɛloo Izraɛl, mi lé é i bɔra, é léma: Maa i tabo, amalé té i kana we do kpen lee lo, Maa i laa i tɔ nya; bii a anzé nya.

Ézai 48:15

Maa, maa ɛ fe, yé maa ɛ a laa; Maa da a nya, yé alé nyanama é dan vɔ lɛ a ma.

Ézai 49:1

Wɛyiworona tɛrɛ lamunu, ’ka tɔné dɔ. Tɛrɛ baa lamunu, ’ka an ban ka tɔné nya. Gakelebale an laa an yaabléyi va, An bu lé an yaale tɔɔn é an tɔ pa.

Jérémi 41:8

Naa, wo va mi vu lé Ismaɛl lɛ léé: Té i ko gyɛ lo. Naa, blefɛ a ko lee é yɔɔle bwi gi, buruwɔlɛ koo, sɔnmlén koo, nyɔnɔ koo, zɔrɔnyɔnɔ koo, woo lé. Yé é wo vo yé é ’ka ’bɛnu gyɛ lɛ wo bwenu va lo.

Jérémi 50:26

’Ka si Babilɔn zi fɛfaana yé ’ka bɔra fla; ’ka alé fɛtadɔboonu lɛ so; ’ka wo gifɛ zun dɔ bélé ’sanwun zun dɔle zo yé ’ka a sɛrɛ tata. Té alé fɛ do kpen é vo ana é dɛrɛ lo.

Jérémi 50:37

’Wo gwɔun sia alé wisoonu valé alé gulidanmunu ma, Munu gɔnɔ faa lé wo ke a va, ’wa sia wo ma ma; ’Wo kɛlɛ bélé lomu zo ma. ’Wo gwɔun sia wolé fɛwezannu ma, ’wo wii wo ta ma.

Jérémi 51:13

Bii lé i ke é nyanale ’yi blɛnnu sɔnɔ, ’té ilé fɛwezannu ke di, i bɔ izé ’wuo plana; ilé fɛyilɔrɔ glɛ dɔ.

Jérémi 51:53

Gakelebale léma: Dé Babilɔn munu nwa kɔɔn, léé, ’wo go la gioo, dé wo wɔra ’wolé guliyɔɔkɔn torole plɛplɛnu gioo, maa dan fɛsɛrɛzannu pa lɛ wo lɛ zia duowo.