Ézai 42:1 - Kazambale lé Sebe Sauunu 1979

¹ An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Ézai 42:1 ပူးပေါင်းရင်းမြစ်များ

Wepélisiananu 49:10

Plaminwiin soowolivwii ’ka dan si lɛ Juda lee pelo, Plaminwiin yili ’ka da si lɛ a gane worona lo Fɔɔ yé Siilo é da, ’bɛ gi léé, mi drɔɔ, Yé munu a lɛdɔma.

Lɛrɛvɔ Sɛbɛ 72:4

Minwiinzan é dan we tegele kɛlɛ lɛ Bale wuozan kiénénu lɛ, É dan nyanégyɛzan lé nénu si lɛ we gi, Yé mi lé éé yaan wo ta, é dan azan zɔn lɛ.

Lɛrɛvɔ Sɛbɛ 89:4

Maa an gi pa do munu lé maa wo si a va anzé nya, wo va; Wean maa anbo ’nyɔɔn a nya an wuozan David lɛ, yee lé ke léé:

Ézai 2:4

É dan bɛnnu lé we ble lɛ, Yé é dan kɛlɛ lɛ milɛgɔnɔ kiɛre lé we yuɛgibozan nya. Wo dan wolé gwɔunnu foli lɛ gwanénu nya, Yé wo dan wolé dinnu foli lɛ sénblanu nya; Bɛn do ’ka dan gwɔun sia lɛ wo bɔlu bɛn bɛ ma é dɛrɛ lo, Wo ’ka dan gulidanle draan lɛ é dɛrɛ lo.

Ézai 32:16

Yé we drɔle é dan kɛlɛ lɛ bwi la, yé we tegele é dan kɛlɛ lɛ tɛrɛ lé éé fɛ dɔa di, a ta.

Ézai 41:8

Naa, bii Izraɛl, an wuozan, Jakɔb lé maa a si a va, Abraam kulu lé é sɔ an lɛ,

Ézai 41:9

Bii lé, maa i si tɛrɛ glɛ sina Yé maa i laa, ’té i a tɛrɛ baa ta, Yé maa lé i lɛ léé, bii a an wuozan nya, Maa i si a va, yé maa ’ka dan sɔn vɔ lɛ i ma lo.

Ézai 42:2

É ’ka dan siaa lɛ lo, é ’ka dan é dére nwa lɛ lo, Wo ’ka dan a dére ’ma lɛ zi do ta lo. É ’ka dan gyan yélile wii lɛ lo;

Ézai 43:10

Gakelebale léé, ka a anlé wenayezannu nya, Ka valé an wuozan lé maa a si a va, wo nya, léé, Ka gi dɔɔ, Yé ka bli vo an lɛ, yé ka a gi ’ma léé, maa lé. Bale bɛ ’ka an ’lɛ é kyɛn lo, Yé a bɛ ’ka an zuo lo.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Ézai 52:13

Ka ye, we faa nyian é dan wo lɛ an wuozan ma, É dan nwa lɛ, é dan kɛlɛ lɛ blɛn, é dan kɛlɛ lɛ blɛn é baba.

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Ézai 59:21

Gakelebale léé: An dan gi pa lɛ wo va ’ko zo: An Léli lé ke ka ta, ’bɛ valé an dére lé maa pa ka ’léé, wo ’ka dan si lɛ ka ’léé lo, wo ’ka dan si lɛ kalé nénu ’léé lo, wo ’ka dan si lɛ ka nénénu ’léé lo; é sia bléyi ’ko va, fɔɔ a glɛ ’ka lo. Gakelebale ɛ fe.

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Ézai 63:1

Mi kyɛn ɛ ke sina Édom valé Bozra, ’té éé dan varɔ sɔɔn valé sɔ bile nyananyana nya é ta bɛɛ? Alé plɛplɛ blɛn lé é a fe, yé é ébo kɛla a gi blɛn bɛ, de léé? Maa lé; maa ɛ mi sile we gi fe yé mi vole éboma lé plɛplɛ a an lee.

Agajé 2:23

Lai sunyanu lé Gakelebale léma: ’Bɛ yi la, bii an wuozan Séaltiɛl be Zorobabɛl, maa dan i si lɛ, maa dan yuɛ pa lɛ i va bélé minwiinzan lé bɛmakyan zo; maa i si a va, azama. A zo lé lai sunyanu lé Gakelebale a fe.

Zakari 3:8

Amalé Balebanmunu ’lɛzan Jozué, ’i tɔné dɔ an lɛ, bii valé i bɔlunu lé wo ke é nyanale i ’lɛ bɛ, ’té wo ke tɛlɛ tɛlama tɔmasenu nya bɛ, wo nya. Bé ye, an leezan lé wa laama mipunla, maa dan a pa lɛ zia.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

Matio 17:5

É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.

WENÉNÉ LÉ LUK A GYE (Évangile selon Luc) 3:22

yé Léli Sauun zun a ta é kɔlɛ nya bélé plala zo. Yé wo dére do ’ma la gi yé é léé: An Be, i sɔ an lɛ é baba; i va sɔlɛle a an gi blɛn.

WENÉNÉ LÉ LUK A GYE (Évangile selon Luc) 4:18

Mizambale Léli a maa ta Yé é nyɔnɔ zén an nwiin anlé wenéné fele nyanégyɛmunu lɛ we gi; É an pa zia munu lé blikyɛdɔwe blɛn bɔ wo ma, wo va, wo bélile koo, Luugimunu vole woboma valé Yuɛwiimunu yuɛ fuole koo, Munu lé woo yaan wo ta, wo vole woboma valé

WENÉNÉ LÉ LUK A GYE (Évangile selon Luc) 4:19

Mizambale lé zin kɛlɛ lɛɛ lé we fele gɔrɔ la koo, wo faa we ma.

WENÉNÉ LÉ LUK A GYE (Évangile selon Luc) 9:35

Yé Bale we fe lafu gi yé é léé: Mi ’ko a an Be lé maa a si a va, a nya. ’Ka tɔné dɔ a lɛ.

WENÉNÉ LE JAN A GYE (Évangile selon Jean) 16:32

Ka ye, a bléyi é dan bɔ lɛ yé é bɔ tɛkɛ, yé ka dan fwila lɛ yé ka faa é go kalé fɛna do do, yé ka an vo an do; naa, an Ti a an va, amalé maa ’ka an do lo.

WENÉNÉ LE JAN A GYE (Évangile selon Jean) 3:34

Naa, Kazambale ’ka ’é Léli nɔle glɛ dɔ lɛ a lɛ lo; bɛwemalé, mi lé Kazambale a pa zia, Kazambale dérenu lé éé a fé.

WENÉNÉ LE JAN A GYE (Évangile selon Jean) 6:27

Té ka nyanama pa fɛblele lé é dan gié lɛ bɛ, ’bɛ lé we ma lo. ’Ka a pa yee lé é vo vole é yuɛma lé a glɛ ’ka lo, azé nya, alé we ma; yee lé maa blami Be é dan a nɔ lɛ ka lɛ. Naa, Tibale ézé tɔmase pa maa ɛ ma.

Kelewenu 10:38

Kazambale Léli Sauun valé plɛplɛ zén Nazarɛtzan Jézu ta fɛan zo, ka ’bɛ gi dɔɔ. Kazambale a Jézu va, amalé é gié flanu ta wezin kɛlɛle valé munu lé wo ke é plale yonufaatagɔné wuo, wo faa bélile nya.

Kelewenu 11:18

Bale lé munu we ’ko ’ma aan wo, wo bli vo drɔɔ, yé wo Kazambale tɔ zin bɔ a fele nya léé: Kazambale bli nɔlale nɔ é ziin bɛn bɛnu lɛ, wo vole é yuɛma we gi.

Kelewenu 28:28

Kazambale lé mi sile we gi ’ko, wa we pa bɛn bɛnu ɛ lɛ zia, yé wo dan a ’ma lɛ. ’Ka we ’ko gi dɔɔ ma.

Kelewenu 9:15

Mizan lé a lɛ léé: ’I go. Mi ’ko, maa a si anlé wekɛlɛfɛ nya an tɔ bɔrale we gi, bɛnnu koo, minwiinmunu koo, Izraɛlnu koo, wo va.

Éfez munu 1:4

Krist gi lé Kazambale kaa si a va tɛrɛ bɔrale ’lɛ, kaa kɛlɛle a yuɛ va sauun valé wéiin we ma.

Éfez munu 3:8

Maa lé an ke Kazambale lé munu faa va mi kiéné nya, Bale zin ’ko kɛlɛ an lɛ léé, Krist lé fuawenu lé wo ’ka wo gi ’male nyaan lo, maa wolé we fe bɛn bɛnu lɛ,

Filip munu 2:7

Naa, é ’élé fua si é ta, yé é wɔra mi wuozan dɔbɛ gi yé é kɛlɛ bélé mi zo.

Kolɔs munu 1:13

É kaa si gunuti lé plɛplɛ wuo, yé é kaa pla é sɔlɛbe wuo.

1 Piɛri 2:4

’Ka bié Jézu va; gɔlɛ yuɛmale lé, munu sɔn vɔ a ma yé Kazambale a si élé fɛwezan nya bɛ, ’ka bié a va;

1 Piɛri 2:6

Naa, é a é gyɛle Kazambale lé sɛbɛ gi léé: Ka ye, maa kɔnsungɔlɛ wezan si a va yé maa a pla Siɔn; Mi lé é bli voo a lɛ, ’bɛzan gi ’ka dan vuru lɛ é ma monomono lo.