Ézai 41:9 - Kazambale lé Sebe Sauunu 1979

⁹ Bii lé, maa i si tɛrɛ glɛ sina Yé maa i laa, ’té i a tɛrɛ baa ta, Yé maa lé i lɛ léé, bii a an wuozan nya, Maa i si a va, yé maa ’ka dan sɔn vɔ lɛ i ma lo.

Ézai 41:9 ပူးပေါင်းရင်းမြစ်များ

Lɛrɛvɔ Sɛbɛ 135:4

Naa, Gakelebale Jakɔb si a va É Izraɛl si a va a kɛlɛle ’ézé nya we gi.

Lɛrɛvɔ Sɛbɛ 94:14

Naa, Gakelebale ’ka daan élé munu ma lo, É ’ka sɔn vɔa élé munu ma lo;

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 41:2

Mi lé éé tawoo wetegele kɛlɛle nya, De ɛ ’bɛzan nwa yirinwanaziaa? De ɛ bɛnnu pa a lee yé minwiinmunu pla a wuoo? De ɛ wolé gwɔunnu kɛlɛ vungoi zo, Yé é wolé sanu kɛlɛ ’sagoi lé fu éé goo a nya, a zoo?

Ézai 41:8

Naa, bii Izraɛl, an wuozan, Jakɔb lé maa a si a va, Abraam kulu lé é sɔ an lɛ,

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Ézai 44:1

Jakɔb‐oo, an wuozan, ’i tɔné dɔ sin, Izraɛl lé maa si a va, ’i tɔné dɔ sin.

Ézai 45:4

Maa i laa i tɔ nya, An wuozan Jakɔb sɔle an lɛ we ma, Izraɛl lé maa a si a va anzé nya, a sɔle an lɛ we ma; Maa i tɔ kɛlɛ blɛn, ’té i ’ka an dɔɔa lo.

Malasi 1:2

Gakelebale léé: Ka sɔ an lɛ. Yé ka léé: Ko sɔ i lɛ kaa? Gakelebale léé: Ézau ’ka Jakɔb bwe nya loo? Duowo, Jakɔb sɔ an lɛ,

WENÉNÉ LÉ LUK A GYE (Évangile selon Luc) 13:29

Munu é dan si lɛ yirinwana koo, yirivɔna koo, yirinwana bɛbola koo, yirinwana bɛyila koo, wona zia; yé wo dan nyana lɛ fɛblele zi Kazambale lé fuatɛrɛ la.

Bélidɔwesɛbɛ Fiézan 14:2

Ka a munu lé Gakelebale, kalé Bale wo pa é yɛrama ’ézé nya, wo nya, ’bɛzama; Yé Gakelebale, kalé Bale ka si munu faa lé wo ke tɛrɛ la, wo va, ka kɛlɛle ’ézé munu nya we gi.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;

1 Samuɛl 12:22

É a Gakelebale gi léé, é ka kɛlɛ élé munu nya, amalé é ’ka dan élé munu vo lɛ wo saa lo, a tɔ blɛn lé we ma.