Ézai 41:14 - Kazambale lé Sebe Sauunu 1979

¹⁴ Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Ézai 41:14 ပူးပေါင်းရင်းမြစ်များ

JOB (Job) 19:25

Maa gi dɔɔ léé, an Tabozan a é yuɛma, Yé é dan we ’wuodɔdére fe lɛ tɛrɛ la é voéla.

JOB (Job) 25:6

’Té é kɛla kaa yé blami lé ke é blibli nya, ’Té é ke é blibliné boen nya, ’naan, yé ’bɛ gi é bɔ a yuɛ gii?

Lɛrɛvɔ Sɛbɛ 19:14

’I i wuozan tabin boblɛnzannu lee, Té wo pla an nwiin lo ma. A zo lé an dan kɛlɛ lɛ tata, yé an pagi ’ka dan kɛlɛ lɛ wenyané blɛn nya lo.

Lɛrɛvɔ Sɛbɛ 22:6

Wo siaa bii ɛ lɛ, yé i wo si wenu gi; Wo pa bii ɛ ta, yé yara do kpen ’ka wo gyɛ lɛ lo.

Lɛrɛvɔ Sɛbɛ 46:5

Yuu do ana, Bale lé fla blɛn lé ke Loruzan nyanana lé kɔn sauun nya, ana, A yorole éé ana munu gi nanama;

Lɛrɛvɔ Sɛbɛ 78:35

Yé a sele dɔ wo gi léé, Bale ɛ ke wolé gɔlɛgɔ nya, Loruzan Bale a wo Siéwegizan nya.

Ézai 35:10

Munu lé Gakelebale wo tabo, wo dan nɔla lɛ yee zi ’léé, Wo dan go lɛ Siɔn guliwuovolɛ lɛrɛ vɔle nya, Yé ginanale lé a glɛ ’ka lo, é dan kɛlɛ lɛ bélé tɔkoro zo wo ’wuo ma; Gidrɔɔ valé ginanale é dan kɛlɛ lɛ wozé nya, Gikyɛdɔle valé dunnule é dan si lɛ ana.

Ézai 37:4

Dérenu lé Rabasaké a fe, ’té azan, Asiri munu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 43:14

Gakelebale, ka tabozan, Izraɛl lé Mi Sauun, é léma: Kalé we ma lé maa Babilɔn munu nyanézannu pa wo lɛ zia, Yé maa kɛlɛ léé, ’wo fwi yé ’wo dia, Kaldé munu lé wo wobo tɔ bɔa ’wolé ’yitagoronu gi, woo lé.

Ézai 43:3

Naa, maa a Gakelebale ilé Bale nya, Maa a Izraɛl lé Mi Sauun nya, i siéwegizan nya; Maa Éjipiti nɔ i tabofɛ nya, Maa Étiopi valé Saba nɔ i pa gi.

Ézai 44:22

Maa ilé bélidɔwe sɛrɛle fwian bélé lati fwile zo; Maa ilé wenyané fwian bélé lati borozan fwile zo; Maa i tabo, Amalé ’i da an va i pa gi.

Ézai 44:24

I tabozan Gakelebale lé É i ma’lɛrɛle sia i yaabléyi va, é léma: Maa Gakelebale, maa fɛ faa kɛlɛ; Maa lanu fwila an do kpen, An tɛrɛ pla an do kpen.

Ézai 44:6

Gakelebale lé ke Izraɛl munu nwiinzan valé wo tabozan nya, ’Té é ke lai sunyanu lé Gakelebale nya, é léma: Maa ɛ ke a vininzan nya, yé maa ɛ ke a voélazan nya, Dé é ’ka maa nya lo, Bale bɛ ’ka lo.

Ézai 47:4

Ko tabozan a mi lé wa laama lai sunyanu lé Gakelebale, a nya. Izraɛl lé Mi Sauun lé.

Ézai 48:17

I tabozan Gakelebale, Izraɛl lé Mi Sauun léma: Maa, Gakelebale, ilé Bale, maa we paan i gi ilé zin yele we ma, Zi lé é a lé i tawo a ta, maa goo i nya ’bɛna.

Ézai 49:26

Maa dan yaaitazannu bozen wi nɔ lɛ wo lɛ wo blefɛ nya; Wo dan wobo nyɛ mini lɛ yé é dan wo gyɛ lɛ bélé dɔrɔ dɛrɛ zo; Yé mi faa é dan a gi dɔɔ lɛ léé, maa lé ke i siéwegizan Gakelebale nya, Maa a i tabozan nya, Jakɔb lé mi plɛplɛ nya.

Ézai 49:7

Mi lé woo serele boo a ma, ’té munu a yé naaninvɔmafɛ nya, ’Té é ke mi plɛplɛnu lé luu nya bɛ, Mitabozan Gakelebale, Izraɛl lé Mi Sauun lé a lɛ léma: Munu nwiinzannu é dan i ye lɛ yé wo dan dɔ lɛ loru, Mi segelenu é dan i ye lɛ yé wo dan dia lɛ wo bli la i ’lɛ, Gakelebale lé é ke yarapawelazan nya, Izraɛl lé Mi Sauun lé é i si a va, alé we ma.

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Ézai 54:8

An bliflile do gi, maa yara yɔɔ i ma bléyi sɛ nya, Naa, i sɔle an lɛ glɛ ’ka lo, amalé an nyanai é dan zén lɛ i ta; I tabozan, Gakelebale ɛ fe.

Ézai 59:20

Mitabozan é dan da lɛ Siɔn lé we ma. Jakɔb lé munu lé wo bli nɔla wolé wenyané ma, é dan da lɛ wolé we ma; Gakelebale ɛ fe.

Ézai 60:16

I dan bɛnnu lé fɛ nyɔnɔzannu ble lɛ Yé minwiinzannu é dan i pa lɛ, Yé i dan a gi dɔɔ lɛ léé, maa a Gakelebale, i siéwegizan nya, I tabozan nya, Jakɔb lé Mi plɛplɛ nya.

Ézai 63:16

Duowo, bii ɛ ke ko ti nya. Naa, Abraam ’ka ko dɔɔa lo, yé Izraɛl ’ka a gi dɔɔa léé, ko ana lo; bii Gakelebale ɛ ke ko ti nya; a péli sia bléyi va ibo laan ko siéwegizan.

Jérémi 46:27

Yé bii, an wuozan Jakɔb, té i kana lo; Izraɛl munu, té kana é zén ka gi lo. Naa, maa dan ka si lɛ tɛrɛ baa ta, Yé i kulunu lé wo ke luu gi tɛrɛ bɛ ta, maa dan wo si lɛ ’bɛna; Jakɔb é dan da lɛ, é dan flin lɛ drɔɔ ginanale nya, Yé mi lé é dan gibɔrɔ pa lɛ a ma, ’bɛzan ’ka lo.

Jérémi 50:34

Naa, wo lɛgipazan a plɛplɛ; yee lé wa tɔ laama lai sunyanu lé Gakelebale. Naa, é dan dɔ lɛ wo zuo, léé, é flinle nɔ wo lɛ wolé tɛrɛ la, yé Babilɔn munu ma ’é nyɔɔn.

Jérémi Lé Wuvɔ Sɛbɛ 3:57

Yian nya lé maa i laa, i bié an sɔnɔ, Yé i lé an lɛ léé: Té i kana lo.

Daniɛl 10:12

É lé an lɛ léé: Daniɛl, té i kana we do lee lo. Yian nya lé i bli bɔ we ’ko gi ’male ma yé ibo kɛlɛ kiéné ilé Bale ’lɛ, Bale i dérenu ’ma a yi nya yé i dérenu ’ko lé we ma lé an da.

OZÉ (Osée) 11:9

Maa ’ka dan we kɛlɛ lɛ anlé bliflile yɛrama lo; Maa ’ka dan Éfraim sɛrɛ lɛ lo; Maa ’ka mi nya lo, maa a Bale nya, azama. Maa a Mi Sauun nya ka méléna; An ’ka dan da lɛ bliflile nya lo.

Matio 7:14

Naa, zi lé éé goo mi bélina, a ’léé a kiéné yé a laala a prɔɔné yé mi kiɛre ’ka a yé lo.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

Rom munu 9:27

Ézai é ziin, é siaa Izraɛl lé we ma, léé: Dé Izraɛl benu ’léé kɛlɛ wɛyi ma nyéné zo, A ’léé kiéné ɛ dan si lɛ we gi.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

Bélidɔwesɛbɛ Fiézan 7:7

É ’ka kɛlɛ lɛ léé, ka kiɛre mini bɛn bɛnu faa ta, bɛwemalé Gakelebale é buvɔ ka ma yé é ka si a va lo, naa, ka ’léé a kiéné é mini bɛn bɛnu faa ta.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Jozué 17:18

Gɔ é dan kɛlɛ lɛ kazé nya, naa, é a pɔrɔ lé ka dan a wo lɛ, a nya, yé a pagi fɛnu é dan kɛlɛ lɛ kazé nya, yé dé Kanaan munu lé foliɛwɔlɛ goro anaoo, dé wa plɛplɛoo, ka dan wo bin lɛ.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;