Ézai 41:11 - Kazambale lé Sebe Sauunu 1979

¹¹ Bé ye, munu faa lé wo bli fli i ma, Wo gi é dan blin lɛ wo ma, yé yara é dan wo gyɛ lɛ; Munu lé wo nwa i ma, Wo dan kɛlɛ lɛ é boa, wo dan zamaga wo lɛ.

Ézai 41:11 ပူးပေါင်းရင်းမြစ်များ

Fwile 11:8

Yé i wuozannu lé ke ’ko, wo faa dan da lɛ ’é va yé wo dan dia lɛ ’wo bli la ’é ’lɛ a fele nya léé: ’I go, bii valé i bɛmamunu faa nya. ’Bɛ zuo é dan go lɛ. Moizi si Faraɔn va, é bli flile baba nya.

Fwile 12:29

Tu la, né vininnu faa lé ke Éjipiti tɛrɛ la, Gakelebale wo gyɛ, é sia Faraɔn lé ke é nyanale élé webleblin ta, ’bɛlé né vinin ma fɔɔ yé é bɔ bokɔngizan lé né vinin ma, ’bɛ valé winu lé né vininnu ma.

Fwile 23:22

Naa, dé i tɔné dɔ a dére lɛ, yé we lé maa fe i lɛ, dé bé faa kɛlɛ, maa dan kɛlɛ lɛ i nyanézannu é nyanézan nya, maa dan kɛlɛ lɛ i mazannu é mazan nya.

Ézai 17:13

’Bɛnu gi éé wé bélé ’yi blɛnnu vun zo; naa, Bale bon‐ɛn wo nya, yé wo vlanburu baa. É wo bin bélé gɔ nwiin fu éé ’sapɛɛ sian fɛan zo, a zo, bélé vungoi lé barikoko a sian, a zo.

Ézai 29:5

I nyanézannu é dan kɛlɛ lɛ di bélé vun zo. Gulidanzannu ’ko, wo dan kɛlɛ lɛ kiɛre bélé ’sapɛɛ lé fu a sié, a zo, yé ’bɛ é dan bɔra lɛ wo ma fiaa bléyi do kpen nya.

Ézai 29:7

Bɛn kiɛrenu lé wo dan guli dan lɛ Ariɛl va, yé wo guli vɔ yee valé élé fɛna plɛplɛ lɛ, ’té wa fɔnɔ bɛ, wozé é dan kɛlɛ lɛ bélé nyɛgyɛle zo é béli.

Ézai 29:8

Mi lé lɔrɔ ke a gyɛna, yé é a ye nyɛfla léé, é fɛ ble, ’bɛ zuo é vuo, ’té a bɔn gi a é pla; mi lé ’yiminilɔrɔ ke a gyɛna, yé é a ye nyɛfla léé, ’é ’yi mini, ’bɛ zuo é vuo, ’té a lai a é gale, bɛn kiɛre lé wo dan guli dan lɛ Siɔn gɔ ma munu va, wozé é dan kɛlɛ lɛ bélé ’bɛ zo.

Ézai 34:12

Mi segelenu ’ka dan wo nwiinzan blɛn dɔ lɛ ana é dɛrɛ lo; alé mi blɛnblɛnnu faa nyaa.

Ézai 40:17

Bɛnnu faa ’ka we do nya a yuɛ gi lo, A vazia wa é pla, wa é boa.

Ézai 40:2

’Ka siaa Jérusalɛm munu lɛ, ’ka fe wo lɛ léé: Wolé luu kɛlɛle nyaa, Wolé weple ’yibo, Gakelebale we lɛdɔ wo gi Wolé wenyané faa ma gɔnɔ fié.

Ézai 41:24

Ka ye, ka ’ka we do nya lo; Ka kɛlɛwe ’ka lo, Mi lé é ka si, é a bélé bo zo.

Ézai 41:29

Ka ye, wo faa a é boa, Wo kɛlɛwe ’ka lo, Wolé miyilinu a bélé fu zo é pla.

Ézai 45:24

Wo dan a fe lɛ an lɛ léé: Gakelebale do kpen gi lé wetegele valé plɛplɛ ke; Munu faa lé wo bli fli a ma, Wo dan da lɛ a va, wo gi blinle wo ma we gi.

Ézai 49:25

Gakelebale léé: lin, wo dan mi plɛplɛ lé luu si lɛ é lee, Yé vakɛlɛzan lé gulizarafɛ é dan san lɛ é lee; Maa dan guli dan lɛ i nyanézannu va, Yé maa dan i benu si lɛ we gi.

Ézai 49:26

Maa dan yaaitazannu bozen wi nɔ lɛ wo lɛ wo blefɛ nya; Wo dan wobo nyɛ mini lɛ yé é dan wo gyɛ lɛ bélé dɔrɔ dɛrɛ zo; Yé mi faa é dan a gi dɔɔ lɛ léé, maa lé ke i siéwegizan Gakelebale nya, Maa a i tabozan nya, Jakɔb lé mi plɛplɛ nya.

Ézai 54:15

Dé munu i ma vɔɔ, ’bɛ ’ka sié maa va lo; Dé miomian péli vɔ i ma, i dan a ye lɛ é diale i wuo.

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

Jérémi 12:17

Naa, dé wo ’ka ’wo tɔné dɔ lɛ we do lɛ lo, maa dan ’bɛ zoɛ bɛn kulu ga lɛ; maa dan wo kulu ga lɛ, yé maa wo gyɛ za ma. A zo lé Gakelebale a fe.

Jérémi 2:3

Izraɛl a é pale é yɛrama Gakelebale zé nya Bélé féifɛ vinin zo; Munu faa lé wa blé, we a wo nwiin Yé wenaané bɔ wo ma; maa Gakelebale ɛ ke a fena.

Daniɛl 4:35

Tɛrɛlamunu faa ’ka a yuɛ gi bɔa lo. We lé é sɔ a lɛ léé, éé a kɛla lai sunyanu valé tɛrɛlamunu lɛ, yé mian ’bɛ éé dɔa a lee plɛplɛ yé ’bɛ lé a lɛ léé: Mɛ fɛ lé bé kɛla bɛɛ? ’bɛzan do ’ka ana lo.

Zakari 12:3

’Bɛ yi la maa dan Jérusalɛm kɛlɛ lɛ migɔnɔnu faa lɛ bélé gɔlɛ bɛnzan zo; munu faa lé wo dan a wuo vɔ lɛ, é dan wo gyɛ lɛ, yé tɛrɛ la bɛnnu faa é dan zén lɛ ékeva yé wo péli vɔ a ma.

Kelewenu 16:39

Wo da Pɔlnu bli dɔrala lɛ, yé wo wo bɔra yé wo zanté vɔ wo lɛ léé, ’wo si fla ’wo go.

Wegɔɔnle 3:9

Bé ye, Satan lé zén‐ékevamunu lé woo viéwoo léé, ’wa Juifinu nya, dɔlé ’té wo ’ka a nya lo, maa dan wo va mi kenu nɔ lɛ i lɛ; bé ye, maa dan da lɛ wo nya, yé wo dan ’wo ’wuo wɔra lɛ i gane wuo, yé wo dan a gi dɔɔ lɛ léé, i sɔ an lɛ.