Ézai 41:10 - Kazambale lé Sebe Sauunu 1979

¹⁰ Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 41:10 ပူးပေါင်းရင်းမြစ်များ

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 31:5

É lé wo lɛ léé: Maa ka ti yara ye, yé é ’ka an vazia bélé é vinin zé zo lo; naa, an ti lé Bale a an va.

Wepélisiananu 49:24

Naa, alé sa vo plɛplɛ, Naa, Jakɔb lé Bale plɛplɛ, Mitabinzan Bale, Izraɛl lé Gɔlɛ, A bɛ ɛ Jozɛfu bɛ dɔ plɛplɛ.

2 Samuɛl 22:19

Anlé klebleyi la wo bɔra an ma fiaa, Naa, Gakelebale kɛlɛ an vɔzizan nya.

Minwiinzannu lé Wezuofe Sɛbɛ 12:18

Amasai lé ke sunyanu nwiinzan blɛn do nya, Léli a kun yé é léé: David, ko a izé nya, Izai be, ko a i va. ’I vo drɔɔoo, ’i vo drɔɔ, yé munu lé wo bɔ i va, ’wo vo drɔɔ, naa, ilé Bale bɔ i va. Yé David wo si yé é wo pa sunyanu nwiinzannu va.

2 Minwiinmunu lé Wezuofe Sɛbɛ 20:17

É ’ka lé ka guli do kpen dan we ’ko gi lo; ’ka bɔra a gi, ’ka dɔ ana, yé Gakelebale é dan ka si lɛ we gi fɛan zo bɛ, yé ka ana ye. Judanu valé Jérusalɛm munu, té ka kana lo; té di é kini ka gi monomono lo. Tɛlɛ, ’ka go kee wo nya, yé Gakelebale é dan kɛlɛ lɛ ka va.

2 Minwiinmunu lé Wezuofe Sɛbɛ 32:8

Blaminu bɛ nya lé wo ’wozé kɛla, naa, Gakelebale, kolé Bale ɛ ke ko va, yé é dan bɔ lɛ ko va, yé é dan ko ta guli dan lɛ. Yé munu pa Juda nwiinzan blɛn Ézékia dére ta.

Lɛrɛvɔ Sɛbɛ 144:11

’I an si we gi, yé ’i an si bɛn lee, Bɛn lé, éé viéwoo, ’Té éé dabli kɛla, ’i an si a lee.

Lɛrɛvɔ Sɛbɛ 144:8

Bɛnnu lé woo viéwoo, ’Té woo dabli kɛla, ’i an si wo lee.

Lɛrɛvɔ Sɛbɛ 145:14

Munu faa lé woo diaan, Gakelebale éé wo kunwo, Yé wo faa lé wo ke é plinle, éé wo drɔan tegele.

Lɛrɛvɔ Sɛbɛ 147:12

Jérusalɛm munu, ’ka Gakelebale tɔ kɛlɛ blɛn. Siɔn munu, ’ka kazé Bale tɔ zin fe.

Lɛrɛvɔ Sɛbɛ 18:36

I ilé silewegi no an lɛ an takuunfɛ nya, I bɛyi éé an kunwo, Yé ilé zin ma lé an kɛla mi blɛn nya.

Lɛrɛvɔ Sɛbɛ 27:1

David zé lé. Gakelebale a an vakinizan nya, é a an Siéwegizan nya. Maa kanaan de ɛ lee? Anlé tɛrɛla a Gakelebale lee; ’Té de lee lé an kanaan?

Lɛrɛvɔ Sɛbɛ 29:11

Gakelebale éé plɛplɛ no élé munu lɛ; Gakelebale élé munu drɔɔ voo yé éé gi nanale no wo lɛ.

Lɛrɛvɔ Sɛbɛ 33:12

Bɛn lé Gakelebale ke wolé Bale nya, wozé a néné. Migɔnɔ lé Bale wo si a va élé tɔnɔ nya, wozé a néné.

Lɛrɛvɔ Sɛbɛ 37:17

Naa, mi nyanénu bɛ é dan yéli lɛ, Naa, Gakelebale éé mi tegelenu kunwo é zima.

Lɛrɛvɔ Sɛbɛ 37:24

Dé é dia é ’ka voo ana lo, Naa, Gakelebale a é kunle a bɛ ma.

Lɛrɛvɔ Sɛbɛ 41:12

Dé an nyanézan ’ka an kele lɛ lo, ’Bɛ nya lé maa dan a gi dɔɔ lɛ léé, an sɔ i lɛ.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Lɛrɛvɔ Sɛbɛ 63:8

Naa, bii a an bɔavazan nya, Yé ginanale lé éé giéan é glɛ la, maa a é nyanale a nya i bɛ wuo.

Lɛrɛvɔ Sɛbɛ 65:5

Mian bé si a va yé bé dale i va nyi sié, Léé, é nyana ilé gɔrɔ gi, azé a néné. Ilé kɔn gi fɛ zinnu é dan ko kan lɛ, Ilé kɔn sauun é dan kozé bɔ lɛ.

Lɛrɛvɔ Sɛbɛ 99:4

Minwiinzan blɛn lé, we tegele sɔ a lɛ, ’wo alé plɛplɛ tɔ bɔ ma. I wedrɔle dɔa gligli, I we tegele valé we drɔle kɛla Jakɔb bɛn gi.

Fwile 14:13

Moizi lé munu lɛ léé: Té ka kana we do kpen lee lo, ’ka dɔ flee, yé Gakelebale é dan ka si lɛ we gi fɛan zo kyɔ, ka dan a ye lɛ; naa, Éjipiti munu lé ka wo yé kyɔ, ka ’ka dan wo ye lɛ é dɛrɛ monomono lo.

Fwile 20:20

Moizi lé munu lɛ léé: Té ka kana lo; ka gi danle koo, kanale Bale lee kɛlɛle ka gi yé ka ’ka wenyané kɛla lo koo, ’bɛ lé we ma lé Kazambale da.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 35:4

Munu lé wo gi ke é vurule wo ma, ’ka fe wo lɛ léé: ’Ka bli ta dɔ plɛplɛ, té ka kana pelo; Kalé Bale lé é dan ka ’lɛ bɛ, é dan we lɛgi pa lɛ; Yeeboen é dan da lɛ yé é dan ka si lɛ we gi.

Ézai 37:6

Yé Ézai lé wo lɛ léma: We lé ka dan a fe lɛ kazan lɛ, yee lé ke ’ko: Gakelebale léma: An sɔnɔdérenu lé Asiri munu nwiinzan lé nwunvɔzannu a fe, ’té ka a ’ma bɛ, té ’wo kana vɔ i gi lo.

Ézai 43:5

Maa a i va, amalé té i kana we do kpen lee lo, Maa dan i bɛn si lɛ yirinwanazia, Maa dan wo si lɛ yirivɔnazia, yé maa wo zén ékeva.

Ézai 44:2

Gakelebale lé é i kɛlɛ, É sia i yaabléyi va, mi lé é i tin, Mi lé i tɛn a ma, é léma: An wuozan Jakɔb, té i kana lo, Anlé Izraɛl lé maa a si a va, té i kana lo.

Ézai 49:8

Gakelebale léma: Zin kɛlɛ mi lɛ bléyi va, maa dan i dére ’ma lɛ, Misiéwegi yi nya, maa dan bɔ lɛ i va; Maa dan i tabin lɛ yé maa dan i dɔ lɛ maa valé munu gipadozan nya Tɛrɛ vɔle a ma we ma, Yé tɔnɔfɛnu lé wo sɛrɛ turu, i dan wo guli lɛ é ziin wozannu ma;

Ézai 50:9

Mizan Gakelebale é dan bɔ lɛ an va; Mi kyɛn ɛ dan an gyɛ lɛ we nyaa? Wo faa é dan dia lɛ ’wo kuru nya bélé sɔ zo. Boworo é dan wo ble lɛ.

Ézai 52:7

Mi lé éé dan wenéné nya, ’Té éé vole drɔɔ zana dɔɔan, Mi lé éé dan wenéné nya, ’Té éé sile we gi zana dɔɔan, ’Té éé a fé Siɔn munu lɛ léé: Kalé Bale a é plale mi nwiin, Azan gane a é nɔnɔmi gɔnu nwiin.

Ézai 60:19

Yiri ’ka dan bi lɛ i ta é yiéyi é dɛrɛ lo; Moné ’ka dan i va kini lɛ é dɛrɛ lo. Naa, Gakelebale é dan kɛlɛ lɛ ilé san nya yifaama, Ilé Bale é dan kɛlɛ lɛ i tɔbɔmazan nya.

Jérémi Lé Wuvɔ Sɛbɛ 3:57

Yian nya lé maa i laa, i bié an sɔnɔ, Yé i lé an lɛ léé: Té i kana lo.

Daniɛl 10:12

É lé an lɛ léé: Daniɛl, té i kana we do lee lo. Yian nya lé i bli bɔ we ’ko gi ’male ma yé ibo kɛlɛ kiéné ilé Bale ’lɛ, Bale i dérenu ’ma a yi nya yé i dérenu ’ko lé we ma lé an da.

Daniɛl 6:16

Minwiinzan blɛn léé, ’wo da Daniɛl nya yé ’wa vuli golizranu guru gi. Minwiinzan blɛn lé Daniɛl lɛ léé: Ilé Bale lé bé bɔa yarapalale nya, ’é i si we gi ma.

OZÉ (Osée) 1:9

Yé Gakelebale léé: Bé tɔ pa Lo‐Ami, ’bɛ gi léé, anlé munu kaan lo; ka ’ka anlé munu nya lo, yé maa ’ka kalé Bale nya lo, azama.

Agajé 1:13

Agajé lé Gakelebale a pa zia, é Gakelebale dére fe munu lɛ léma: Gakelebale léma: Maa a ka va.

Agajé 2:5

Gipawe lé maa kɛlɛ ka va ka sile Éjipiti tɛrɛ la bléyi va, maa a é dɔle ’bɛ ta; an Léli a ka va, té ka kana lo.

Zakari 10:12

Maa dan wo dɔ lɛ gligli Gakelebale lé plɛplɛ nya, Yé wo dan tawo lɛ a tɔ gi. A zo lé Gakelebale a fe.

Zakari 10:6

Maa dan Judanu dɔ lɛ gligli, Maa dan Jozɛfunu si lɛ we gi; An nyanai zén wo ta, amalé an dan da lɛ wo nya wo pa gi, Yé wo dan kɛlɛ lɛ bélé an ’ka tan sɔn vinin vɔ lɛ wo ma lo. Naa, maa a Gakelebale wolé Bale nya, yé an dan wolé bazoro dére nyi si lɛ.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

WENÉNÉ LÉ LUK A GYE (Évangile selon Luc) 1:13

Naa, lanje lé a lɛ léé: Zakari, Bale ilé bazoro dére ’ma, amalé té i kana lo. I na Élizabɛt é dan né yaa lɛ gɔné nya i lɛ yé bé tɔ pa Jan.

WENÉNÉ LÉ LUK A GYE (Évangile selon Luc) 1:30

Lanje lé a lɛ léé: Mari, té i kana lo. I Kazambale lé zin ye.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

2 Korɛnt Munu 12:9

yé é lé an lɛ léé: Anlé plɛplɛ lɛ éé sɔɔan fɛ tɔɔtɔɔ nya, amalé anlé zin izé bɔ. Amalé maa dan anbo ze taa vɔ lɛ gi nanale nya an tɔɔtɔɔnu we ma, Krist lé plɛplɛ zénle an gi we ma.

Éfez munu 3:16

’é Léli wɔra kabozen nya bélé nyɔnɔbɔ zo, yé ka dɔ gligli boenwo alé fuasan yɛrama ma;

Bélidɔwesɛbɛ Fiézan 20:1

Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.

Filip munu 4:13

Krist lé é an dɔ plɛplɛ, an bɔa we faa kɛlɛle lɛ alé plɛplɛ nya.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Weblezannu 6:16

Gakelebale lé a lɛ léé: Naa, maa dan kɛlɛ lɛ i va, yé i dan Madiannu gyɛ lɛ bélé mi do zo.