Ézai 40:9 - Kazambale lé Sebe Sauunu 1979

⁹ ’Ka go gɔ grɔgrɔ nwiin, ’Ka we néné zana dɔɔ Siɔn munu lɛ, ’Ka dére nwa, té ka kana lo, ’Ka we néné zana dɔɔ Jérusalɛm; ’Ka fe Juda tɛrɛ la flanu lɛ léé: Kalé Bale looo, kalé Bale lo!

Ézai 40:9 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 13:4

Sémaraim gɔ lé ke Éfraim gɔnu va gɔ do nya, Abija nwa yé é dɔ a nwiin loru, yé é léé: Jéroboam valé Izraɛlnu faa, ’ka tɔné dɔ an lɛ.

Ézai 1:1

We lé Amosi be Ézai a fe balelawefele nya Juda valé Jérusalɛm ma, yee lé ke ’ko. É a fe Ozias koo, Jotam koo, Akaz koo, Ézékia koo, wo plale Juda munu nwiin bléyi va.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Ézai 35:2

Ana é dan sɔɔla lɛ flɛrinu nya yé a gi é dan nana lɛ; É dan ginanalɛrɛ vɔ lɛ yé é dan siaa lɛ guliwuovolɛ dére nya; Wo dan Liban gɔ tɔbɔle nɔ lɛ a lɛ, Wo tɔ é dan kɛlɛ lɛ blɛn bélé Kaamɛl gɔ valé Sarɔn tɛrɛ zé zo. Wo dan Gakelebale tɔbɔle ye lɛ; Wo dan kolé Bale lé migisanmawe blɛn kɛlɛle ye lɛ.

Ézai 41:27

Maa a mi vininzan lé é a fe Siɔn munu lɛ léé: Wo looo lo! a nya. Yé maa ɛ fe Jérusalɛm munu lɛ léé: Maa mi do nwunvɔ léé, ’é da wenéné zuo fe ka lɛ.

Ézai 44:26

Maa an wuozan dére dɔa plɛplɛ; Tɛlɛ tɛlamawe lé anlé nwunvɔzannu a fé, maa a lɛ sɔɔan; Maa lé Jérusalɛm ma léé, munu é dan nyana lɛ ana, Yé maa lé Juda lé flanu ma léé, wo dan wo pa lɛ ’wo pa gi; Yé wolé flanu lé wo vo ’wo ’bin nya, maa dan wo pa lɛ ’wo pa gi.

Ézai 51:12

Maa, maa ɛ ke ka tɔrɔpaazan nya. Mi kaa lé i nya, blami lé ke bélé lu zo, ’Té é dan ga lɛ bɛ, yé i kana a lee?

Ézai 51:7

Ka lé ka wetegele dɔɔ, ’ka tɔné dɔ an lɛ; ’Kaa munu lé anlé bélidɔwe ke ka bli gi, ’ka tɔné dɔ an lɛ. Dé munu serele bo ka ma, té ’bɛ é kana zén ka gi lo, Dé wo ka sɔnɔ, té ’bɛ é gligli zén ka gi lo.

Ézai 52:6

Bɛwemalé anlé munu é dan an tɔ dɔɔ lɛ; Bɛwemalé wo dan a gi dɔɔ lɛ ’bɛ yi la léé, Maa lo, maa ɛ we fé. A zo lé Gakelebale a fe.

Ézai 58:4

Ka ye, ka lɔrɔ sɔn‐o zavɔle valé we siale we gi, yé ka fɔlɛ duun‐an bli nyané nya. Ka ’ka lɔrɔ sɔn‐o lɔrɔsɔnbɛ yɛrama lo; ka kɛla léé, wo ka dére ’ma loru baa.

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Jérémi 22:20

’I vɔ Liban gɔ nwiin. ’I siaa Bazan tɛrɛ ta. ’I siaa Abarim gɔ nwiin, Naa, munu faa lé i sɔ wo lɛ, wo wo guru ’wii.

Jérémi 29:11

Naa, Gakelebale léma: We lé ke an gi kazé nya, maa a dɔɔ. Ka vole drɔɔ we lé, we tɔntɔn kaan lo, léé, tɛlɛ tɛlama yé ka vo ana, yé ka bli é vo we lɛ.

WENÉNÉ LÉ LUK A GYE (Évangile selon Luc) 24:47

yé wo dan bli nɔlale valé mi ma we vole lé we fe lɛ a tɔ nya bɛnnu faa lɛ, é sia Jérusalɛm.

Kelewenu 2:14

Piɛri a é dɔle munu vu ta do va, yé é siaa yé é lé wo lɛ léé: ’Kaa Juifinu, ’kaa munu faa lé ka ke Jérusalɛm, ’ka tɔné dɔ an lɛ yé ka we ’ko gi ’ma.

Kelewenu 4:13

Wa ye léé, Piɛri valé Jan bli ta dɔ plɛplɛ yé wa gi dɔɔ léé, wa flami planu lé wo ’ka we dɔɔa lo, wo nya, yé wo gi vuru. Yé tɔɔn, é dɔ wo gi léé, wa é kyɛn Jézu va.

Kelewenu 4:29

Laona, Mizambale, ’i wolé glawe plale ko lɛ ’ma ma. ’I wuozannu bli ta dɔ plɛplɛ yé wo ilé we fe ma;

Rom munu 10:18

Naa, maa léé: Wo ’ka a ’ma lɛ loo? ’Bɛ kaan lo. Wo dére nwɛɛn tɛrɛ faa la, Yé wenu lé wa fe, wo bɔ fɔɔ tɛrɛ glɛ sina.

Éfez munu 6:19

’Ka bazoro an tɔ ma é ziin, léé, dé an kun Wenéné lé ke é yɔɔle, a fele ma, Bale ’é a fedére nɔ an lɛ yé maa fe anbo ma bli ta plɛplɛ nya.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

1 Piɛri 3:14

Dé é kɛlɛ léé, ka kle ble we tegele ma, ’té kazé a é zima. Té ka kana wo kana?-?mawe lee lo; té ka gi kyɛ é dɔ lo;

Weblezannu 9:7

Wa zuo fe Jotam lɛ. É go yé é dɔ Garizim gɔ nwiin yé é siaa dére plɛplɛ nya yé é léma: Sisɛm munu, ’ka tɔné dɔ an lɛ yé Bale ’é tɔné dɔ ka lɛ ma.