Ézai 40:5 - Kazambale lé Sebe Sauunu 1979

⁵ Yé Gakelebale lé fua ta é dan bɔra lɛ, Yé mi faa é dan a ye lɛ a bléyi duo nya; Maa Gakelebale ɛ fe, azama.

Ézai 40:5 ပူးပေါင်းရင်းမြစ်များ

1 Minwiinzannu 14:11

Dé Jéroboam lé mian é ga fla, blénnu é dan a ble lɛ, dé alé mian é ga féi, lagi mianénu é dan a ble lɛ. Naa, Gakelebale ɛ fe.

Lɛrɛvɔ Sɛbɛ 102:16

Yé bɛnnu é dan kana lɛ Gakelebale tɔ ma, Yé tɛrɛ la minwiinzannu faa é dan kana lɛ alé fuasan lee.

Lɛrɛvɔ Sɛbɛ 102:17

Iin, Gakelebale é dan Siɔn dɔ lɛ é ziin. É dan ébo gɔɔn lɛ munu lɛ élé fua nya.

Lɛrɛvɔ Sɛbɛ 72:19

’Wo a tɔ zin bɔle drɔɔ vo yifaama ma! Tɛrɛ faa ’é fan a tɔbɔle nya ma! Amɛɛn! Amɛɛn!

Lɛrɛvɔ Sɛbɛ 96:6

Zevɔfɛ blɛnblɛnnu a kolé Bale blɛɛn zi, Fuasan alé kɔn sauun nɔnɔmi fan.

Lɛrɛvɔ Sɛbɛ 97:6

Lanu alé we tegele zana dɔɔan, Yé migɔnɔnu faa alé fua yé.

Fwile 16:7

Yé tɛlɛ bladi ka dan Gakelebale lé plɛplɛ ye lɛ, gun lé ka a gyɛ Gakelebale ma, é a ’ma, azama; naa, ko a de ɛ nya yé ka gun gya ko maa?

Ézai 1:20

Naa, dé ka ’ka a nyi si lɛ lo, dé ka nwa an ma, ka dan ga lɛ gwɔun ’léé, maa Gakelebale ɛ fe, azama.

Ézai 11:9

Wo ’ka dan wenaané kɛlɛ lɛ anlé gɔ sauun faa nwiin lo, Yé wo ’ka dan fɛ sɛrɛ lɛ ana lo; Naa, Gakelebale dɔɔle é dan tɛrɛ ta sɔɔla lɛ, Bélé ’yi éé wɛyi wɔlɛ ma sɔɔlaan fɛan zo, a zo.

Ézai 26:15

Gakelebaleoo Gakelebale, ’i munu kɛlɛ kiɛre; ’I munu kɛlɛ kiɛre, ’i tɔbɔle nagɔɔn, ’I tɛrɛ glɛ faa buru so é zuo.

Ézai 34:16

’Ka Gakelebale lé sɛbɛ gi gini, ’ka a ta fe. Wi ’konu faa é dan kɛlɛ lɛ ana, a do kpen ’ka dan vuru lɛ ana ma lo; naa, Gakelebale ɛ fe; yee ɛ dan wo zén lɛ ékema.

Ézai 35:2

Ana é dan sɔɔla lɛ flɛrinu nya yé a gi é dan nana lɛ; É dan ginanalɛrɛ vɔ lɛ yé é dan siaa lɛ guliwuovolɛ dére nya; Wo dan Liban gɔ tɔbɔle nɔ lɛ a lɛ, Wo tɔ é dan kɛlɛ lɛ blɛn bélé Kaamɛl gɔ valé Sarɔn tɛrɛ zé zo. Wo dan Gakelebale tɔbɔle ye lɛ; Wo dan kolé Bale lé migisanmawe blɛn kɛlɛle ye lɛ.

Ézai 40:4

Gɔworonanu faa é dan fan lɛ, Yé gɔnu faa valé gɔpanénu faa ta é dan zana lɛ. Fɛna nwale faa na é dan bɔ lɛ ékema; Gɔ lé a giéle ke tɔntɔn, alé zi é dan drɔ lɛ,

Ézai 41:20

Munu lé a naginile we gi, ’té woo bɔn‐in daan a ma, ’Té wa yé, yé wa gi dɔɔ léé, Gakelebale bɛ ɛ we ’konu kɛlɛ, We ’konu si Izraɛl lé Mi Sauun va.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézai 52:10

Gakelebale a mi sauun nya fɛan zo, É a nagɔɔn bɛnnu faa yuɛ va; Kolé Bale éé mi sié we gi fɛan zo, Tɛrɛ glɛ sina munu faa é dan a ye lɛ.

Ézai 58:14

’té Gakelebale é dan kɛlɛ lɛ i ginanamazan nya, yé maa dan i kɛlɛ lɛ tɛrɛ la mi blɛn nya. I gi é dan nana lɛ i ti Jakɔb zara blele ma. Naa, Gakelebale ɛ fe ébo ’léé.

Ézai 6:3

Woo siaan wo ke lɛ, ’té wa fé léé: Lai sunyanuzan Gakelebale a Sauun, sauun, sauun! Tɛrɛ faa la a é fanle alé fuasan nya!

Ézai 60:1

I nwa, i va ’é kini ma, naa, i vakinisan a dana, Yé Gakelebale lé fuasan a i ta.

Ézai 66:16

Kyɛ nya lé Gakelebale élé we lɛgi paan; alé gwɔun éé we lɛdɔa mi faa gi, yé Gakelebale é dan mi kiɛre gyɛ lɛ.

Ézai 66:18

Maa wo kɛlɛwenu valé wo bɔn‐in bɔrɔle dɔɔ. Bɛn faa zén ékeva bléyi bɔ, wo valé dére faa gimunu nya; wo dan da lɛ yé wo dan anlé fua tɔbɔle ye lɛ.

Ézai 66:23

Gakelebale léma: Mi faa é dan dia lɛ an ’lɛ moné dɛrɛ do do faa bɔrale valé flinyi do do faa nya.

Jérémi 32:27

Bé ye, maa a Gakelebale, munu faa lé Bale nya; an kelewe aa?

Jérémi 9:12

Wedɔɔzan lé éé we ’konu maan, é a kyɛɛn? Mi lé Gakelebale we fe a lɛ, yee ɛ fe ma. Mɛmalé tɛrɛ a é sɛrɛle yé ana kyɛ ble bélé bwi gi lé mi do kpen ’ka giéan ana lo, a zoo?

Joɛl 2:28

’Bɛ zuo, an dan an Léli zén lɛ mi faa ta; Ka benu valé ka lunu é dan balelawe fe lɛ, Kalé mi kwanu é dan nyɛ gyɛ lɛ, Yé kalé pɛniɛnu wo dan wenu ye lɛ yuɛzi gi.

Misé 4:4

Wo faa do do é dan nyana lɛ ’wolé dɔrɔyilinu valé ’wolé bɔrɔyilinu wuo, Yé mi do kpen ’ka dan wo gi kyɛ dɔ lɛ lo; Lai sunyanu lé Gakelebale ɛ fe, azama.

Abaku 2:14

Naa, Gakelebale lé fuatɔ dɔɔle é dan fan lɛ tɛrɛ la bélé wɛyi a é fanle fɛan zo, a zo.

Zakari 2:13

Munu faa ’é tadɔ Gakelebale ’lɛ ma. Naa, é nwa ’é nyanana sauun na, azama.

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.

WENÉNÉ LÉ LUK A GYE (Évangile selon Luc) 3:6

Yé mi faa é dan Bale lé mibélile ye lɛ.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 12:41

Bléyian va lé Ézai Mizan lé fuasan ye, é we ’konu fe, yé é a ma we fe.

WENÉNÉ LE JAN A GYE (Évangile selon Jean) 17:2

fɛan zo lé bé se kɛlɛ an lɛ léé, an pla mi faa nwiin, munu lé i wo nɔ an lɛ, vole é yuɛma lé a glɛ ’ka lo, anlé a nɔle wo lɛ we ma.

Kelewenu 2:17

Kazambale léé: Yi voélazannu nya an Léli é dan mi faa kun lɛ; Ka benu valé ka lunu é dan balelawe fe lɛ, Yé kalé pɛniɛnu é dan fɛnu ye lɛ yuɛ zi gi, Yé kalé mi kwanu é dan nyɛ gyɛ lɛ.

2 Korɛnt Munu 3:18

Yé sɔné ’ka ko yara lo amalé ko Mizan lé fuasan yé tegele bélé fɛan zo lé mi é ’é yara yé vlinvlin gi, a zo. ’Bɛ zo lé, Mizan Léli éé goo ko dɔbɛ nɔlale nya, ’té éé kolé fuasan taa paan, fɔɔ yé kolé fuasan é kɛlɛ bélé Mizan zé zo.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Wegɔɔnle 21:23

Fla mawe ’ka yiri valé moné gi é ta kinile we gi lo, naa, Kazambale lé fuasan ɛ a ta kinié, yé ’Blané ɛ ke alé sona nya.