Ézai 40:2 - Kazambale lé Sebe Sauunu 1979

² ’Ka siaa Jérusalɛm munu lɛ, ’ka fe wo lɛ léé: Wolé luu kɛlɛle nyaa, Wolé weple ’yibo, Gakelebale we lɛdɔ wo gi Wolé wenyané faa ma gɔnɔ fié.

Ézai 40:2 ပူးပေါင်းရင်းမြစ်များ

Wepélisiananu 34:3

A bli bɔ Jakɔb lu Dina ma. Blɛnzan sɔ a lɛ yé é blaané pa a ma.

2 Minwiinmunu lé Wezuofe Sɛbɛ 30:22

Ézékia fuu dɔ Lévinu faa ta é dérenu nya. Wo ’wuo a wo ta Gakelebale va nyanama pale we ma. Wo sarakabowinu ble yi sɔrafié wuo, ’té woo bɔvɔ sarakanu boo, ’té woo Gakelebale wo tranu lé Bale tɔ bɔa.

Lɛrɛvɔ Sɛbɛ 32:1

Bale tɔbɔlɛrɛ lé David a vɔ. Mian Bale a ma we vo alé bélidɔwe sɛrɛle ma, Yé é alé wenyanénu fwi, azé a néné.

Lɛrɛvɔ Sɛbɛ 85:3

I ilé munu ma we vo wolé weplenu ma, I wolé wenyanénu faa ta yɔɔ. Ka ye do.

Bale Lé We Gifezan 3:4

wuvɔbléyi a, yé yérisibléyi a; gyɛ wuvɔbléyi a, yé nɛnɛbobléyi a;

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 14:3

Dé Gakelebale flinle nɔ ka lɛ ka wɔlɛi nyaale ka ma valé kalé kleblele zuo, kalé luu gi nyanéblele zuo,

Ézai 27:9

’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.

Ézai 33:24

Ana nyanazan do kpen ’ka dan a fe lɛ léé, gyɛ a ’é ma, lo. Bale é dan Jérusalɛm munu ma we vo lɛ wolé weplenu ma.

Ézai 35:4

Munu lé wo gi ke é vurule wo ma, ’ka fe wo lɛ léé: ’Ka bli ta dɔ plɛplɛ, té ka kana pelo; Kalé Bale lé é dan ka ’lɛ bɛ, é dan we lɛgi pa lɛ; Yeeboen é dan da lɛ yé é dan ka si lɛ we gi.

Ézai 43:25

Maa, maa ɛ ilé bélidɔwe sɛrɛlenu fwi, an sɔ anbo lɛ, azama. Yé ilé wenyané sele ’ka dan dɔ lɛ an gi é dɛrɛ lo.

Ézai 44:22

Maa ilé bélidɔwe sɛrɛle fwian bélé lati fwile zo; Maa ilé wenyané fwian bélé lati borozan fwile zo; Maa i tabo, Amalé ’i da an va i pa gi.

Ézai 49:25

Gakelebale léé: lin, wo dan mi plɛplɛ lé luu si lɛ é lee, Yé vakɛlɛzan lé gulizarafɛ é dan san lɛ é lee; Maa dan guli dan lɛ i nyanézannu va, Yé maa dan i benu si lɛ we gi.

Ézai 51:17

Jérusalɛm munuoo, ’ka vuo, ’ka nwa, Ka lé ka Gakelebale leekana gi bliflile mini, ’Yiminikana lé a gifɛ éé mi yuɛi nɔɔan, ka lé ka ’yi mini a gi, ’té ka foroloo vɔa fɔɔ yé ka bɔ a bo ma, ’ka vuo.

Ézai 53:5

Kolé wenyané ma lé é tuo, Kolé weplenu ma lé wa ’wii; We lɛ lé é a kɔɔn lé wa dɔ ko gi, é dia yee ɛ ta, yé ko vo drɔɔ, Yé a tuolenu ma lé ko béli.

Ézai 53:6

Ko faa zi saan bélé ’blanu zo, Ko faa do do kobo lé zi sia, Yé Gakelebale kolé weplenu faa dɔ a nwiin.

Ézai 54:15

Dé munu i ma vɔɔ, ’bɛ ’ka sié maa va lo; Dé miomian péli vɔ i ma, i dan a ye lɛ é diale i wuo.

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Ézai 6:7

É a zun an lɔ ma yé é léé: Fɛ ’ko mane i lɔlu ma; amalé ilé weple si i lee yé ilé wenyané ’yibo.

Ézai 61:7

Ka dan tɔnɔ ble lɛ gɔnɔ fié, serele bole ka ma pa gi; Wo gi é dan nana lɛ, yaragyɛwe lé é bɔ wo ma, ’bɛ pa gi; Wo dan tɔnɔ ble lɛ gɔnɔ fié wolé tɛrɛ la, Yé wo ginanale glɛ ’ka lo.

Ézai 66:13

Maa dan ka tɔrɔ paa lɛ bélé nébu é be tɔrɔ paan fɛan zo, a zo. Maa dan ka tɔrɔ paa lɛ Jérusalɛm.

Jérémi 16:18

É vinin maa dan wolé weple valé wolé wenyané ma ban wo lɛ gɔnɔ fié; wo anlé tɛrɛ la sɛrɛ, yé wo anlé tɔnɔtɛrɛ fan miyili galenu koo, wolé bozowenu koo, wo nya, azama.

Jérémi 17:18

Munu lé woo nyané paan an ta yaragyɛwe ’é bɔ wo ma ma. Té yarawe é bɔ an ma lo ma. Wo ma ’é nyɔɔn ma, naa, té an ma é nyɔɔn lo ma. ’I we tɔntɔn bɔ wo ma ma. ’I dunuzénmitawe bɔ wo ma fié ma.

Jérémi 29:11

Naa, Gakelebale léma: We lé ke an gi kazé nya, maa a dɔɔ. Ka vole drɔɔ we lé, we tɔntɔn kaan lo, léé, tɛlɛ tɛlama yé ka vo ana, yé ka bli é vo we lɛ.

Jérémi 51:10

Gakelebale kolé we tegele nagɔɔn munu yuɛ gi; ’ka da, yé ’ka Gakelebale kolé Bale kɛlɛwenu glewo Siɔn.

Jérémi Lé Wuvɔ Sɛbɛ 4:22

Siɔn munu, wo kalé weple ’yibo; É ’ka dan go lɛ ka nya luu gi é dɛrɛ lo. Édom munu, é dan we lɛdɔ lɛ ka gi kalé weplenu ma, É dan kalé wenyanénu bɔra lɛ gɔrɔ la.

Ézékiɛl 16:42

Maa dan anlé bliflile lɛ sɔɔ lɛ i ma, yé i ’ka dan kɛlɛ lɛ anlé maawobli nwazan nya é dɛrɛ lo. An bli é dan zun lɛ; yé an bli ’ka dan fli lɛ é dɛrɛ lo.

Daniɛl 11:35

Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

Daniɛl 12:4

Bii Daniɛl, ’i dérenu ’ko tadɔ yé ’i sɛbɛ ’ko ’léé béé fɔɔ yé bléyi voélazan é bɔ. Mi kiɛre é dan a ta fe lɛ, yé wedɔɔle gi é dan gyɛ lɛ.

Daniɛl 12:9

É a zi pa léé: Daniɛl, ’i go. Naa, dére ’konu é dan vo lɛ ana é yɔɔle ’kyɛ, ’té wo ’léé a é bééle fɔɔ yé a nyaabléyi é bɔ.

Daniɛl 9:12

Dérenu lé é a fe ko valé ko nwiinzannu lé woo zi gɔɔn‐an ko lɛ, kolé we nya, é wo lɛ sɔɔ. É we tɔntɔn blɛn bɔ ko ma. We lé é bɔ Jérusalɛm ma, ’bɛ zo we ’ka bɔ lɛ tɛrɛ la fɛ bɛ do kpen na lo.

Daniɛl 9:2

a plale mi nwiin lɛɛ vininzan nya, maa Daniɛl, maa a ye sɛbɛ gi léé, é a lé Jérusalɛm é vo é ’bin nya lɛɛ yɔ yaa wɔlɛ vu wuo, lɛɛ lé Gakelebale a ’léé fe balelayezan Jérémi lɛ, a yɛrama.

OZÉ (Osée) 2:14

Alé dɔrɔféi valé bɔrɔyili féi lé éé a fé léé, ’é bwɛnu a nɔ ’é lɛ ’é ban nya, maa dan wo sɛrɛ lɛ. Maa dan wo kɛlɛ lɛ pɔrɔ nya, yé bwigiwinu é dan wo ble lɛ.

OZÉ (Osée) 2:16

Bɛwemalé é sɔ an lɛ léé, maa a sia ana, yé an go a nya bwi gi, yé maa a tɔrɔ paa ’bɛna.

Abaku 2:3

Naa, é a balelawe lé a lɛsɔɔbléyi ke é dɔle é kyɛn, a nya; é a bɔna a ’wuoplana sɔnɔ, yé é ’ka dan vié wo lɛ lo. Dé é a mɔnna, bé tabɛn, naa, a lɛ é dan sɔɔ lɛ weboen nya.

Sofoni 3:15

Gakelebale we lɛdɔle ka gi yi ga, Yé é ka nyanézannu si ka ma baa; Izraɛl nwiinzan blɛn, Gakelebale a ka méléna; We tɔntɔn ’ka dan bɔ lɛ ka ma é dɛrɛ lo.

Zakari 1:13

Gakelebale a zi pa lanje lé ko we fé a nya, a lɛ, dére zinnu valé tɔrɔpaadére nya.

Zakari 1:15

yé an bli flile nwa blɛn boblɛn bɛnnu ma; an bli a flina sɛ anlé munu ma, yé wozé kɛlɛ naané ’bɛ mini anzé ta.

Zakari 9:12

’Kaa luugimunu lé ka bli ke we lɛ, ’ka go kɔn plɛplɛ gi ka pa gi. Maa fe ka lɛ kyɔ é ziin, Maa dan a lɛgi kɛlɛ lɛ ka lɛ gɔnɔ fié.

Kelewenu 1:7

É a zi pa wo lɛ léé: Yinu valé bléyinu lé an Ti wo dɔ é boan, kalé we ’ka ’bɛ nya lo.

Galasi munu 4:4

Naa, a bléyi lɛ sɔɔ aan wo, Kazambale é Be pa zia; le do a yaa bélidɔwe wuozan nya;

Wegɔɔnle 18:6

’Ka a banwo bélé fɛan zo lé éé mi banwoo, a zo, yé ’ka a nɔ a lɛ gɔnɔ fié a kɛlɛwenu yɛrama. Kana lé, é fɛ zén a gi, ’ka azé zén a gi gɔnɔ fié.