Ézai 40:18 - Kazambale lé Sebe Sauunu 1979

¹⁸ Ka dan Bale dan lɛ mi kyɛn maa? Mɛ lé i dan a gɔɔn lɛ a foto nyaa?

Ézai 40:18 ပူးပေါင်းရင်းမြစ်များ

JOB (Job) 40:9

Dé bé kɛlɛ Maa dan i bɛ plɛplɛ tɔ bɔ lɛ.

Lɛrɛvɔ Sɛbɛ 113:5

De ɛ ke bélé kozé Bale, Gakelebale zoo? A nyanana a loru;

Lɛrɛvɔ Sɛbɛ 89:6

Oo Gakelebale, lanu i bɔ vɔa i kɛlɛwe blɛnblɛnnu lé we ma. Woo i yara pale we ta glewoo mi sauunnu lé wo zén ékeva, wo va.

Lɛrɛvɔ Sɛbɛ 89:7

Naa, lagimunu va, mi kyɛn ɛ bɔa ébo danle lɛ Gakelebale maa? Bale benu va, mi kyɛn ɛ ke bélé bii zoo?

Lɛrɛvɔ Sɛbɛ 89:8

Bale a kanamazan blɛn nya mi sauunnu lé wo zén ékeva, wo va, Éé kana zén‐é munu faa lé woo dirian a zi, wo gi.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Fwile 20:4

Té i miyili nyaa lo; fɛnu lé wo ke lanu gi koo, wo lé wo ke tɛrɛ la koo, wo lé wo ke ’yinu va tɛrɛ sɔnɔ mi koo, té i wo va fɛ do kpen foto kɛlɛ lo.

Fwile 8:10

Wo wo zun dɔ, yé tɛrɛ gin dɔ.

Fwile 9:14

Naa, gɔnɔ do ’ko nya ’é dan ’élé dunuvɔmagyɛnu faa pa lɛ zia, bii koo, i wuozannu koo, ilé munu koo, ka ma, ilé a gi dɔɔle we gi léé, ’é bɔmazan ’ka tɛrɛ faa la lo.

Ézai 40:25

Mi Sauun léma: Ka dan an dan lɛ mi kyɛn ɛ ma, yé ko bɔ a nya ékemaa?

Ézai 44:6

Gakelebale lé ke Izraɛl munu nwiinzan valé wo tabozan nya, ’Té é ke lai sunyanu lé Gakelebale nya, é léma: Maa ɛ ke a vininzan nya, yé maa ɛ ke a voélazan nya, Dé é ’ka maa nya lo, Bale bɛ ’ka lo.

Ézai 46:5

Ka dan an dan lɛ de ɛ ma yé ko bɔ ’bɛ nya ékemaa? Ka dan de ɛ gɔɔn lɛ an bɔmazan nya, yé ’bɛzan é kɛlɛ bélé an zoo?

Ézai 46:9

Wenu lé wo kɛlɛ é kyɛn bɛ, wo sele ’é dɔ ka gi ma; Naa, maa a Bale nya, ’bɛ bɛ ’ka lo, Maa a Bale nya, an bɔmazan ’ka lo.

Jérémi 10:1

’Kaa Izraɛl munu, dére lé Gakelebale a fena ka lɛ, ’ka tɔné dɔ a lɛ.

Jérémi 10:16

Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl ɛ ke alé tɔnɔ nya; A tɔ lé lai sunyanu lé Gakelebale.

Jérémi 10:6

Bii Gakelebale, i danmafɛ do kpen ’ka lo; I a blɛn yé i tɔ a é bɔle ilé plɛplɛ ma.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Kelewenu 17:29

Bɛwemalé, dé ko a Kazambale dɔgɔnɔ nya, té é dɔ ko gi léé, Bale a bélé kyan koo, gɔɔli fu koo, gɔlɛ lé munu a nyaa gi kini valé nyanama pale nya koo, wo zo lo.

Bélidɔwesɛbɛ Fiézan 33:26

Izraɛl lé Bale bɔmazan ’ka lo, É da la gi yé é bɔ ka va, É da lati ta élé fuasan blɛn tagɔɔnle nya.

Bélidɔwesɛbɛ Fiézan 4:15

Yian nya lé Gakelebale we fe ka lɛ kyɛ worona Orɛb gɔ nwiin, ka mi yara yee? Amalé ’ka yuɛ pa kabozennu va é zima,

Kolɔs munu 1:15

Jézu valé Bale lé, mi ’ka a yé lo, wo bɔ ékema, yé yee ɛ ke Bale kɛlɛfɛnu faa va né vinin nya.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

1 Samuɛl 2:2

Mi do kpen ’ka sauun Gakelebale zo lo; Bii do kpen ɛ ke Bale nya. Kolé Bale ɛ ke gɔlɛgɔ nya é do kpen.