10 Ka ye, Mizan Gakelebale a dana élé plɛplɛ nya; Éé plaan munu nwiin é bɛ plɛplɛ nya. Ka ye, ka banwofɛ a a lee, Éé ka gooli paan zia, yé yeeboen éé dan a zuo.
Ka yua, mi plɛplɛ lé Mizan a pa zia, yee lé é dan bɛ; é a dana bélé goowɔlɛlɛɛ dale zo, bélé fɛsɛrɛfu plɛplɛ zo, bélé lɛɛ blɛn lé é da yé é ’yiyoro kiɛre so, a zo. Bale tɔkoro ’ko dia tɛrɛ va gla nya.
Yé maa, maa léé: An nyanama pa é pla, Anlé plɛplɛ sɛrɛ é pla, ’té a tɔnɔ ’ka lo; Naa, a se a an lɛ yifaama Gakelebale vazia, Yé an gooli a anlé Bale va.
Anlé wetegele kɛlɛle bɔ é pu, anlé mi sile we gi é dan bɔra lɛ, An dan munu lé we ble lɛ an bɛ nya; Wɛyiworona tɛrɛ lamunu bli é dan kɛlɛ lɛ an lɛ, Dé wa an bɛ gi, wo gi é dan san lɛ wo ma.
Bɛwemalé maa dan azé nɔ lɛ a lɛ mi blɛnnu va; Maa dan gulizarafɛ guli lɛ yee valé mi plɛplɛnu ma, Ébo nɔ ga lɛ Yé wa pa wenaané kɛlɛzannu va, ’bɛzama; É mi kiɛre lé wenyanénu si Yé é dɔ wegyɛzannu lé we gi, ’bɛzama.
É dan mi faa do do banwo lɛ wo kɛlɛwe yɛrama; é dan é mazannu banwo lɛ é wɛwɛ nya; é dan é nyanézannu banwo lɛ yee duo zo; é dan wɛyiworona tɛrɛ la munu banwo lɛ yee duo zo.
We lé Gakelebale a zana dɔɔ fɔɔ tɛrɛ glɛ sina, yee lo; É léé, ’Ka fe Siɔn munu lɛ léé, Ka yua, ka siwegizan lé é dan bɛ; Ka ye, ka gooli a a lee, Yé a ’lɛvlɛ lé ke mibanwole nya.
Ka ye, maa dan anlé nwunvɔzan pa lɛ zia; é dan zi ma’lɛrɛ lɛ an ’lɛ. Yé Mizan lé ka ke a naginina, é dan bɔra lɛ ka ma fiaa élé kɔn gi; gipawe dɛrɛ gizan lé ka bli bɔ a ma, yee lé é dan bɛoo bɛ; lai sunyanu lé Gakelebale ɛ fe.
Naa, kɔlɛ lé nénu éé sié a nya wo ti valé wo bu va, yee kɔlɛ duo nya lé Jézu da. Yé a gale nya lé, mi lé gale lé plɛplɛ ke a lee, ’bɛ gi léé, yonufaatagɔné, yé é ’bɛzan kulu ga,
Yonufaatagɔné wenyané kɛlɛle sia a pélisia bléyi va fɔɔ kyɔ, amalé mian éé wenyané kɛla ’bɛzan a yonufaatagɔné zé nya. Kazambale Be da yonufaatagɔné lé nyanama sɛrɛle we ma.
Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.