Ézai 40:1 - Kazambale lé Sebe Sauunu 1979

¹ Kalé Bale léma: ’Ka anlé munu tɔrɔ paaoo, ’ka anlé munu tɔrɔ paa.

Ézai 40:1 ပူးပေါင်းရင်းမြစ်များ

Néémi 8:10

Yé wo lé wo lɛ léé: ’Ka go, ’ka wi nyɔnɔzannu ble yé ’ka dɔrɔ néné mini; yé munu lé wo ’ka fɛ do kpen kɛlɛ lɛ ’wozé nya lo, ’ka wozé pa zia, naa, yi ’ko a Kozan lé yi nyané nya; té ka kle pa kabo ta lo, naa, Gakelebale lé ginanale ɛ ke kalé plɛplɛ nya.

Lɛrɛvɔ Sɛbɛ 85:3

I ilé munu ma we vo wolé weplenu ma, I wolé wenyanénu faa ta yɔɔ. Ka ye do.

Lɛrɛvɔ Sɛbɛ 85:8

Gakelebale, ilé zin nagɔɔn yé ko ye, Yé ’i ko si we gi.

Bale Lé We Gifezan 3:4

wuvɔbléyi a, yé yérisibléyi a; gyɛ wuvɔbléyi a, yé nɛnɛbobléyi a;

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 3:10

’Ka fe léé, mi tegele bɛ ma é dan kɛlɛ lɛ néné; a gi é dan nana lɛ é kɛlɛwenu tɔnɔ ma.

Ézai 41:27

Maa a mi vininzan lé é a fe Siɔn munu lɛ léé: Wo looo lo! a nya. Yé maa ɛ fe Jérusalɛm munu lɛ léé: Maa mi do nwunvɔ léé, ’é da wenéné zuo fe ka lɛ.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Ézai 51:12

Maa, maa ɛ ke ka tɔrɔpaazan nya. Mi kaa lé i nya, blami lé ke bélé lu zo, ’Té é dan ga lɛ bɛ, yé i kana a lee?

Ézai 51:3

’Bɛ zo lé Gakelebale nyanai éé zén‐é Siɔn ta, A nyanai éé zén‐é Siɔn fla kwa la, É dan Siɔn bwi nɔla lɛ bélé Édɛn féi zo, É dan ana tɛrɛ gale nɔla lɛ bélé Gakelebale lé zianféi zo; Vole drɔɔ valé ginanale é dan kɛlɛ lɛ fla ’ko tamunu lee; Wo dan Bale bɔ vɔ lɛ, ’té woo lɛrɛ vɔa ana.

Ézai 52:9

Jérusalɛm ’bin, ’ka fɔn ékeva ginana siaale nya, Naa, Gakelebale élé munu tɔrɔ paan Yé é Jérusalɛm tabo, azama.

Ézai 60:1

I nwa, i va ’é kini ma, naa, i vakinisan a dana, Yé Gakelebale lé fuasan a i ta.

Ézai 61:2

É an pa zia Gakelebale lé zin‐yelɛɛ zana dɔɔle we ma, ’Bɛ valé kolé Bale lé welɛgipayi nya. É an pa zia nyanéblemunu faa tɔrɔpaale we ma,

Ézékiɛl 16:42

Maa dan anlé bliflile lɛ sɔɔ lɛ i ma, yé i ’ka dan kɛlɛ lɛ anlé maawobli nwazan nya é dɛrɛ lo. An bli é dan zun lɛ; yé an bli ’ka dan fli lɛ é dɛrɛ lo.

Zakari 1:13

Gakelebale a zi pa lanje lé ko we fé a nya, a lɛ, dére zinnu valé tɔrɔpaadére nya.

Zakari 1:17

’I siaa é ziin léma: Lai sunyanu lé Gakelebale léma: Anlé flanu é dan fan lɛ fɛ zinnu nya é ziin; Gakelebale é dan Siɔn tɔrɔ paa lɛ é ziin, yé é dan Jérusalɛm si lɛ a va.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

2 Korɛnt Munu 1:4

We tɔntɔn faa lé woo bɔa ko ma, éé ko tɔrɔ paan wo ma, léé, dé we tɔntɔn bɔ mi bɛnu ma, yé ko bɔalɛ léé, ko wo tɔrɔ paa, bélé Kazambale ko tɔrɔ paa fɛan zo, a zo.

1 Tɛsalɔnik munu 4:18

Bɛwemalé, ’ka ka ke tɔrɔ paa dére ’konu nya ma.