Ézai 4:4 - Kazambale lé Sebe Sauunu 1979

⁴ Mizan é dan Siɔn lomu lé weplenu si lɛ wo lee. Mi nyɛ lé wa zana Jérusalɛm Gakelebale é dan a sia lɛ we tegele kɛlɛle valé wo sɛrɛle nya.

Ézai 4:4 ပူးပေါင်းရင်းမြစ်များ

Wegɔné Ma Lɛrɛ 3:11

’Kaa Siɔn lomu, ’ka bɔra, ’Ka nwiinzan Salomɔn nagini, Alé tɔkoro lé a bu a wo a ’wuo ma Alé lesiyi la, A ginanayi nya, ’ka nagini. —

Ézai 1:15

Dé ka bɛ soi an vazia, an yara sié ka la; dé ka ba kiɛre zoro, an ’ka ’bɛ maan lo; ka bɛnu a migyɛbɛnu nya.

Ézai 1:25

An dan fɛ duun lɛ i lɛ; an dan ilé gɔɔlifu bo ’yibo lɛ bélé gwɛn lé wa zén a va. An dan lɛe wɔlɛnu si lɛ a ma.

Ézai 1:31

Mi plɛplɛ é dan kɛlɛ lɛ bélé ’sapɛɛ zo, yé alé nyanama é dan kɛlɛ lɛ bélé kyɛ flɛnné zo. Wo fiénu kyɛ é dan ble lɛ ékeva yé a dirizan ’ka dan kɛlɛ lɛ ana lo.

Ézai 27:9

’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.

Ézai 28:6

É dan we tegele kɛlɛbli vɔ lɛ, munu lé wo ke é nyanale weblena, wo gi; é dan plɛplɛ nɔ lɛ munu lé wo ’wo nyanézannu nyunu fɔɔ yé wo bɔ wo nya wolé flagɔrɔ ’léé, wo lɛ.

Ézai 9:19

Woo fɛ siaan gla nya wo bɛyilazia, ’té lɔrɔ éé wo gya; woo fɛ blé wo bɛbolazia, ’té wo ’ka kaan lo. Wo faa do do ’wobo bɛ blé.

Ézai 9:5

Naa, wo né do yaa ko lɛ, Bale négɔné do nɔ ko lɛ, É dan pla lɛ munu nwiin, Wo dan a laa lɛ, lɛamazan, weplamilɛzan Bale plɛplɛ, Lɛɛfaama Ti, vole drɔɔ ’wuo.

Jérémi 9:6

I nyanaan vié méléna, Vié nya lé wo sɔn vɔ an dɔɔle ma. Maa Gakelebale ɛ ke a fena.

Jérémi Lé Wuvɔ Sɛbɛ 1:9

Alé sɔ lɔlu tiri dɔ, yé é ’ka bɔn‐in bɔrɔan é nyaale ma lo; Munu gi vuru a diabɛ lé we ma, yé a tɔrɔpaazan ’ka lo; Oo Gakelebale, ’i anlé nyanainya we ye. Ko nyanézannu éé ko naginian ’wo yuɛ zuo.

Ézékiɛl 22:15

Maa dan i fwila lɛ bɛngɔnɔnu méléna; maa dan i nwɛɛn lɛ tɛrɛ kiɛre ta, yé maa dan i tiridɔwe si lɛ i lee.

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Ézékiɛl 36:29

Maa dan ka tiridɔwenu faa si lɛ ka lee. Maa dan ’sa laa lɛ ka lɛ yé maa dan a fan lɛ kiɛre. Maa ’ka dan lɔrɔ dɔ lɛ ka va é dɛrɛ lo.

Joɛl 3:21

Wo nyɛ lé wa zana, yé maa ’ka tan a lɛgi pa lɛ lo, maa dan a lɛgi pa lɛ, Yé maa, Gakelebale é dan nyana lɛ Siɔn.

Sofoni 3:1

Fla lé é ke é fanle yaamitazannu nya, tɔnégiplɛplɛzannu lé fla lé a tiri ke é dɔle, we tɔntɔn é bɔ a ma ma.

Zakari 13:1

’Bɛ yi la, ’yi’wuo do é dan fɔn lɛ David lé munu valé Jérusalɛm munu zé nya, wenyané valé mi tiridɔwenu lé we ma.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Matio 23:37

Jérusalɛm munuoo, Jérusalɛm munu, ka lé ka balelayemunu gya, ’té munu lé maa wo paan ka lɛ zia, ka wo gya gɔlɛ nya, gɔnɔ kiɛre nya maa a a va léé, maa ka wɔra an va, bélé fɛan zo lé mane tina élé nénu wɔraan ’é bɛa wuo, a zo, yé ka ’ka a nyi si lɛ lo.