Ézai 4:3 - Kazambale lé Sebe Sauunu 1979

³ Siɔn mi pɔnénu valé Jérusalɛm mi pɔnénu lé wo vo, ’té wo wo tɔ gyɛ mi yuɛmalenu va Jérusalɛm bɛ, wo dan wo laa lɛ Bale lé munu.

Ézai 4:3 ပူးပေါင်းရင်းမြစ်များ

Lɛrɛvɔ Sɛbɛ 69:28

’I wolé weple kɛlɛle taa pa weplenu nya, Ilé nyanai zénle mi ta ’é kele wo ma ma.

Lɛrɛvɔ Sɛbɛ 87:6

Bale munu tɔ gyɛ sɛbɛ ta a fele nya léé: ’Bɛna lé wo wo yaa. Ka ye do.

Ézai 1:27

Siɔn é dan si lɛ we gi élé we drɔle ma. Siɔn munu lé wo zi nɔla, wo dan si lɛ we gi ’wo kɛlɛwe tegele ma.

Ézai 28:5

’Bɛ yi la, lai sunyanu lé Gakelebale é dan kɛlɛ lɛ tɔkoro lé éé bié planplan, ’bɛ valé ’lɛrɛfɛ nɔnɔmi nya, élé munu pɔnénu lé wo vo, wo lɛ.

Ézai 35:8

Wo dan zi do pla lɛ ana gbéin nya; Zi ’ko, wo dan a laa lɛ Bale lé zi tinle. Mi tiridɔle do kpen ’ka dan gié lɛ ana lo; é dan kɛlɛ lɛ wo saa zé nya; Munu lé wo ke tawona zi ’ko ta, dé wa ’tugyɛzan boen nyaoo, wo ’ka dan saan lɛ a ’léé lo.

Ézai 46:3

Jakɔb lé munu, ’ka tɔné dɔ an lɛ, ’Kaa Izraɛl lé mi pɔné lé ka vo, ’Té kalé we a an nwiin, é sia ka pélisiana, ’Té maa ka kɔné si, é sia ka yaabléyi va bɛ, ’Ka faa tɔné dɔ an lɛ.

Ézai 52:1

Siɔn munu, ’ka vuo‐oo, ’ka vuo. ’Ka ’lɛrɛfɛ zén ka ta é ziin. Fla sauun Jérusalɛm, ’ka fɛtikɛlɛ?-?varɔ zén ka ta. Naa, mi lé a gane ’ka é dɔle lo, ’bɛ valé mi tiridɔle ’ka dan wɔra lɛ i va é dɛrɛ lo.

Ézai 6:13

Dé munu vuzan vo‐oo, ’bɛnu kulu é dan ga lɛ é ziin. Naa, dé wo térébɛnt yili valé sɛnéyili vɔ yé wo pun ’é vo fɛan zo, a zo duo lé, munu ’ko, wo punla do é dan nɛɛ lɛ mi sauunnu nya.

Ézai 60:21

Mi tegele saa ɛ dan kɛlɛ lɛ i va; Ana tɛrɛ é dan vo lɛ wozé nya yifaama; Munu ’ko lé maa wo suru, wo dan fɔn lɛ a la, An wo kɛlɛ an tɔbɔzannu nya.

Ézai 62:12

Wo dan wo laa lɛ, munu sauun lé Gakelebale wo tabo, Yé bii, wo dan i laa lɛ, blibɔmafla lé wo ’ka sɔn vɔa a ma lo.

Ézékiɛl 13:9

Balelayemunu lé wolé yuɛziwenu ke é pla, ’té wolé wefele a vié nya, maa dan an bɛ kɛlɛ lɛ wo ma; wo ’ka dan kɛlɛ lɛ anlé zén‐ékevamunu vazannu nya pelo. Wo ’ka dan wo tɔ gyɛ lɛ é dɛrɛ Izraɛlnu tɔgyɛlasɛbɛ gi lo, yé wo ’ka dan go lɛ Izraɛl tɛrɛ la é dɛrɛ lo, yé ka dan a gi dɔɔ lɛ léé, maa ɛ ke Mizan Gakelebale nya.

Ézékiɛl 43:12

’Bɛ zo lé kɔn ’ko lé we dɔnama ke. Gɔ nwiin fɛfaana lé é a lé ka kɔn dɔ ana, ana ’lɛ a é baba. Kɔn ’ko lé we dɔnama a yee ɛ zo.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Abudias 1:17

Naa, sile we gi é dan kɛlɛ lɛ Siɔn gɔ nwiin; é dan kɛlɛ lɛ sauun, Yé Jakɔb lé munu é dan ’wolé tɛrɛ si lɛ é ziin.

Zakari 14:2

Maa dan bɛngɔnɔnu faa zén lɛ ékeva, yé wo guli dan Jérusalɛm va. Wo dan fla ’ko si lɛ, wo dan kɔnnu gi puo lɛ, yé wo dan zɔwɛ gyɛ lɛ ana lomu ta. Flamunu lɛ do é dan go lɛ luu gi, naa, wo ’ka dan a pɔnénu gyɛ lɛ lo.

Malasi 3:16

Yé munu lé woo kanaan Gakelebale lee, wo we fe ’wo ke lɛ, yé Gakelebale é tɔné dɔ yé é a ’ma; yé wo sɛbɛ do gyɛ Gakelebale yuɛ va, munu lé woo kanaan a lee, ’té wa tɔ bɔa, wo sele dɔle a gi we ma.

WENÉNÉ LÉ LUK A GYE (Évangile selon Luc) 10:20

Naa, té ka gi é nana léé, yonu a é plale ka wuo lo; naa, ka gi ’é nana léé, ka tɔ a é gyɛle la gi.

Kelewenu 13:48

Bɛn bɛnu we ’ko ’ma aan wo, wo gi nana. Wo Mizan dére zin tɔ bɔ. Munu faa lé Bale a fe é kyɛn léé, wo dan vo lɛ é yuɛma lɛɛfaama a glɛ ’ka lo, wo bli vo we ’konu lɛ.

Rom munu 11:4

’Naan, Kazambale a zi pa a lɛ nɔɔ? É léé: Mi baa yaa wuru soru lé wo ’ka tan ’wo powuo zun lɛ Baal lɛ lo, maa wo tadɔ anzé nya. Yee kaan loo?

Rom munu 11:5

A zo duo lé, kyɔ é ziin, munu ’léé sɛ lé Bale wo si a va élé zin yɛrama, wo ana tan.

Éfez munu 1:4

Krist gi lé Kazambale kaa si a va tɛrɛ bɔrale ’lɛ, kaa kɛlɛle a yuɛ va sauun valé wéiin we ma.

Filip munu 4:3

Yé bii é ziin, an bɔluzan yarapawelazan, iin, ilé zanté, naa, lomu lé wo pa an va Wenéné fele lé guli danna bɛ, wo valé Kléman koo, an va nyanama pa béé bɛnu lé wo tɔ ke é gyɛle mi bélilenu tɔ gyɛlasɛbɛ gi koo, ’i bɔ wo va.

Kolɔs munu 3:12

Bɛwemalé, ’kaa lé Kazambale ka si a va ézé nya, mi sauun valé Bale sɔlɛzannu nya, nyanaizénbli koo, wezin koo, bo kiéné koo, bli drɔɔ koo, bli tiéé koo, ’ka wo zén ka ta bélé sɔ zo ma.

Ébrunu 12:14

’Ka kwa kuli yé ka vo mi faa va drɔɔ, yé ’ka kɛlɛ sauun. Dé mi ’ka kɛlɛ lɛ sauun lo, é ’ka dan Mizambale ye lɛ lo.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 17:8

Wi lé bé ye, é ana é kyɛn yé é ’ka ana é dɛrɛ lo. É a lé, ’é si guru lé a wɔlɛ ma nyaana ’ka lo, a gi, yé ’é go mi sanlenu gona. Yé tɛrɛlamunu lé wo ’ka wo tɔ gyɛ lɛ mi bélilenu tɔgyɛlasɛbɛ gi tɛrɛ pélisia bléyi va lo, wo gi é dan vuru lɛ wi ’ko yele ma; naa, é a é kyɛn, yé é ’ka ana é dɛrɛ lo, yé é dan bɔra lɛ é ziin, ’bɛzama.

Wegɔɔnle 20:15

Munuan wo tɔ ’ka é gyɛle mibélilenu tɔgyɛlasɛbɛ gi lo, wo wo vuli yee kyɛ blɛn ’ko ɛ va.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.

Wegɔɔnle 3:5

Mian we ’ko ’wuo vo a lɛ, wo dan sɔ fu zén lɛ a ta; yé maa ’ka dan a tɔ fwi lɛ mi bélilenu tɔgyɛla sɛbɛ gi lo, yé maa dan a tɔ bɔra lɛ an Ti valé élé lanjenu yara.