Ézai 39:8 - Kazambale lé Sebe Sauunu 1979

⁸ Ézékia a zi pa Ézai lɛ léé: Gakelebale dére lé bé fe, é a é zima. Yé é lé é ziin léé: Anzé tɛrɛla bléyi va, munu é dan vo lɛ drɔɔ, ’té wo gi a é sanle wobo ma.

Ézai 39:8 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 32:26

Yé Ézékia daan élé boblɛn ma, yé yee valé Jérusalɛm munu wobo kɛlɛ kiéné. Yé Gakelebale ’ka we kɛlɛ lɛ wo lɛ é bliflile nya Ézékia zé bléyi va lo.

2 Minwiinmunu lé Wezuofe Sɛbɛ 34:28

Bé ye, i dan go lɛ drɔɔ i tranu zuo yé we tɔntɔnnu faa lé maa dan wo bɔ lɛ fɛkona valé ana munu ma, i ’ka dan wona ye lɛ lo. Wo go yé wo we zi pa dére ’ko zuo fe minwiinzan blɛn lɛ.

1 Piɛri 5:6

’Kabo kɛlɛ kiéné Kazambale bɛ plɛplɛ wuo, yé dé a bléyi bɔ yé Kazambale ’é ka kɛlɛ blɛn;

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

Zakari 8:16

We lé é a lé ka kɛlɛ, yee lé ke ’ko: ’ka webozen fe ka ke lɛ; ’ka we ble ’é blena kalé flagɔrɔ ’léénu na, ka vole drɔɔ we gi;

Jérémi Lé Wuvɔ Sɛbɛ 3:39

Mɛmalé blaminu woo voo gun gyɛna wolé tɛrɛla gii? É a lé wo we pla ’wobo lɛ, wolé wenyané ma.

Jérémi Lé Wuvɔ Sɛbɛ 3:22

Gakelebale lé zin ’ka nyaan lo, A nyanai zénle glɛ ’ka lo.

Lɛrɛvɔ Sɛbɛ 39:9

’I an si anlé bélidɔwe sɛrɛlenu faa zuo ma. Té i an kɛlɛ serelebomafɛ nya ’tugyɛzan yuɛ gi lo.

JOB (Job) 1:21

yé é léé: An bɔra an bu bɔn gi é porole; yé maa dan go lɛ tɛrɛ gi é porole. Gakelebale ɛ wo nɔ yé Gakelebale ɛ wo si. ’Wo Gakelebale tɔ drɔɔ vo ma.

2 Samuɛl 15:26

Naa, dé Bale a fe léé, an ’ka é gi nana lɛ lo, ’té maa lo, dé wean dɔ a gi wezin nya, ’é a kɛlɛ an lɛ ma.

1 Samuɛl 3:18

Samuɛl a zuo faa fe a lɛ, yé é ’ka we do kpen yɔɔ lɛ a ma lo. Yé Éli léé: Gakelebale lé; dé wean dɔ a gi wezin nya, ’é a kɛlɛ ma.

Lévinu 10:3

Moizi lé Arɔn lɛ léé: We ’koan Gakelebale a fe yi la loo? É ’ka a fe lɛ léé, mi lé é bié ’é va, ’é kana ’é lee, yé é ’é tɔ kɛlɛ blɛn munu faa yuɛ va loo? Arɔn ta vo é dɔle.