Ézai 39:2 - Kazambale lé Sebe Sauunu 1979

² É sɔ Ézékia lɛ, yé fɛ vlɛzannu koo, gɔɔlifu valé kyan koo, zianbla ginzannu valé nyɔnɔwezan koo, alé gulidanfɛnu koo, fɛ faa lé ke alé fɛwezannu nya koo, é a faa pana gɔɔn wo lɛ. Fɛ lé ke alé kɔn gi valé alé tɛrɛ faa la yé Ézékia ’ka ’bɛ gɔɔn lɛ wo lɛ lo, ’bɛ fɛ ’ka lo.

Ézai 39:2 ပူးပေါင်းရင်းမြစ်များ

1 Minwiinzannu 10:10

Kyan talan yɔ suiɛdo koo, zianbla ginzannu kiɛre koo, gɔlɛwezannu koo, é a nɔ minwiinzan lɛ. Zianbla ginzannu lé Séba munu nwiin le a nɔ minwiinzan Salomɔn lɛ, mi bɛ ’ka da lɛ ’bɛ zo fɛ kiɛre nya lo.

1 Minwiinzannu 10:15

’té ’bɛ lé é ’bɛ yé fɛdanzannu koo, yaawomunu koo, Arabi minwiinzannu faa koo, tɛrɛ la gbɔrɔnamanu koo, wo lee, ’bɛ a é yɛrama.

1 Minwiinzannu 10:2

É bɔ Jérusalɛm é zuomunu kiɛre koo, nyɔgɔménu lé zianbla ginzannu valé kyan kiɛre valé gɔlɛwezannu kɔné ke wo punu koo, wo nya. É go Salomɔn va, yé we faa lé ke a bli gi, é a fe ’bɛ lɛ.

1 Minwiinzannu 10:25

Yé wo faa do do éé dan a blan nya, gɔɔlifu valé kyanfɛnu koo, sɔnu koo, gulidanfɛnu koo, zianbla ginzannu koo, wisoonu valé sokofalenu koo, wo nya; é a ’bɛ zo lɛɛ faa do do ma.

2 Minwiinzannu 20:13

Ézékia nwunvɔzannu si, yé fɛ vlɛzannu koo, gɔɔlifu valé kyan koo, zianbla ginzannu valé nyɔnɔwezan koo, alé gulidanfɛnu koo, fɛ faa lé ke alé fɛwezannu nya koo, é a faa pana gɔɔn wo lɛ. Fɛ lé ke alé kɔn gi valé alé tɛrɛ faa la yé Ézékia ’ka ’bɛ gɔɔn lɛ wo lɛ lo, ’bɛ fɛ ’ka lo.

2 Minwiinmunu lé Wezuofe Sɛbɛ 32:25

Naa, Ézékia bli nwa boblɛn nya, yé é ’ka Gakelebale bɔvɔ lɛ we zin lé Gakelebale a kɛlɛ a lɛ, alé we ma lo. Gakelebale bli fli a ma, yee valé Juda valé Jérusalɛm ma.

2 Minwiinmunu lé Wezuofe Sɛbɛ 32:27

Ézékia fua ble yé alé fua tɔ bɔ. É fɛwezannu zun dɔ; gɔɔlifu koo, kyan koo, gɔlɛwezannu koo, zianbla ginzannu koo, mibotakuunfɛnu koo, fɛnu faa lé mi bli éé bɔa wo ma koo, woo lé.

2 Minwiinmunu lé Wezuofe Sɛbɛ 32:31

Naa, duowo, Babilɔn nwiinzannu ’wolé nwunvɔzannu pa a lɛ zia bléyian va, we blɛɛn lé é bɔ alé tɛrɛ la, a gi laale a lee we ma, Bale si a ma a gi danle we ma, yé we faa lé é ke a bli gi, yé ’é a gi dɔɔ.

2 Minwiinmunu lé Wezuofe Sɛbɛ 9:1

Tɔ lé Salomɔn a ye, Séba munu nwiin le a tawe ’ma aan wo, é da Jérusalɛm Salomɔn gi dan lɛ tɔraléé gyɛle nya. A zuomunu a kiɛre; alé nyɔgɔménu nwiin kɔnénu lé ke zianblan ginzannu valé kyan kiɛre valé gɔlɛwezannu nya. É go Salomɔn va, yé we faa lé é ke a bli gi, é a fe ’bɛ lɛ.

2 Minwiinmunu lé Wezuofe Sɛbɛ 9:9

Kyan talan yɔ suiɛdo koo, zianbla ginzan kiɛre koo, gɔlɛwezannu koo, é wo nɔ minwiinzan blɛn lɛ. Zianbla ginzannu lé Séba munu nwiin le a nɔ minwiinzan blɛn Salomɔn lɛ, wo ’ka ’bɛ zoɛ zianbla ginzannu yé é dɛrɛ lo.

JOB (Job) 31:25

Dé an gi nana anlé fɛ zin kiɛre Valé fuafɛ kiɛre lé maa ye, alé we ma,

Wegɔnévɔlenu 4:23

’I yuɛ pa i bli va é mini fɛ bɛ faa ta; bélile ’wuo si ana, bɛwema.

Bale Lé We Gifezan 7:20

Weboen nya, mi tegele lé éé wezin kɛla, té é ’ka wenyané kɛla pelo, ’bɛzan ’ka tɛrɛ la lo.

Jérémi 17:9

Mi bli ’ka zi yɛrama lo; é a é nyané; De ɛ bɔa mi bli lé we dɔɔle lɛɛ?

2 Korɛnt Munu 12:7

Té an blii boblɛn nya lo we gi wegɔɔnle zinnu ’ko lé we ma, Kazambale Satan lé nwunvɔzan do wɔra an kɔlɛ gi, é a an ma bélé léli zo, yé é an tua yé ’bɛ an bliile boblɛn nya yi ga.

1 Jan 1:8

Dé kaa fe léé, kaalé wenyané ’ka lo, ’té kaa a dabli kɛlɛna kaabozen lɛ, ’té webozen ’ka kaa gi lo.