Ézai 38:3 - Kazambale lé Sebe Sauunu 1979

³ Oo Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé ké é zima i yuɛ gi, yee lé maa a kɛlɛ. Yé Ézékia yuɛ’yi so kiɛre.

Ézai 38:3 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 6:9

Noé lé nénu lé ke ’ko: Noé a mi zin nya, é a mi tegele nya ézé bléyi va. Noé tawoo Kazambale va.

1 Minwiinzannu 15:14

Naa, gɔ nwiin yobannannu ’ka si lɛ ana lo, dɔlé ’té Aza bli faa kɛlɛ Gakelebale lɛ élé tɛrɛla faa gi.

1 Minwiinzannu 2:4

yé we lé Gakelebale a fe an lɛ, yé a lɛ é sɔɔ. Gakelebale lé an lɛ léma: Dé i benu ’wo yuɛ pa ’wolé tawobɛ va, dé wo tawo an ’lɛ yarapalale koo, wo bli faa koo, wo léli faa koo, wo nya, i ’ka dan vuru lɛ i paizan nyanale ma Izraɛl lé webleblin ta monomono lo.

2 Minwiinzannu 18:3

We lé ke é drɔle Gakelebale yuɛ gi, yee lé é a kɛlɛ, a tra David a kɛlɛ fɛan zo, a zo ’kyɛ.

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Minwiinzannu lé Wezuofe Sɛbɛ 29:19

Ilé bélidɔwenu koo, ilé weplalenu koo, i sɔnnénu koo, ’i wo lɛdɔama bli vɔ an be Salomɔn gi, yé ’é we ’konu faa kɛlɛ, yé fuakɔn lé maa a dɔfɛnu ma’lɛrɛ, yé ’é a dɔ ma.

Minwiinzannu lé Wezuofe Sɛbɛ 29:9

Munu gi nana wolé blɛ drɔɔ kɛlɛle we ma, naa, wo bli zin nya lé wo blɛ ’konu kɛlɛ Gakelebale lɛ; yé minwiinzan blɛn David gi nana fɔɔ é vɔ a ma wu nya.

2 Minwiinmunu lé Wezuofe Sɛbɛ 16:9

Naa, Gakelebale éé tɛrɛlamunu faa naginian, munu lé wo bli ke a lɛ é ta lé kɔn‐an, wo dɔle gligli we ma. I we ’ko kɛlɛ ’tu nya. Naa, guli é dan nwa lɛ i ma lao bɛ.

2 Minwiinmunu lé Wezuofe Sɛbɛ 25:2

É we tegele kɛlɛ Gakelebale yuɛ gi; naa, é ’ka a kɛlɛ lɛ é bli faa nya lo.

Ezidras 10:1

Ezidras a ba ’ko zorona bléyian va, ’té éé wolé wenyané fé wuvɔle nya, ’té é a é diale Bale lé kɔn ’léé; yé Izraɛlnu gu blɛn da zén lɛ a zi, gɔnénu koo, lomu koo, nénu koo, wo nya; yé wo yuɛyi vo yorona é baba wuvɔle nya.

Néémi 1:4

Maa we ’konu ’ma aan wo, an nyana wuvɔle nya, yé an yi kiɛre kɛlɛ anlé tɛrɛla lɔrɔ nyaale an ma gi. An lɔrɔ sɔn yé an bazoro lanu lé Bale lɛ,

Néémi 13:14

Oo Bale, an sele ’é dɔ i gi we ’ko lé we ma ma. Yé wezin lé maa kɛlɛ anlé Bale lé kɔn valé alé nyanama ma, té a sele é san i gi lo ma.

Néémi 13:22

Yé maa lé Lévinu lɛ é ziin léé: ’Ka kabo kɛlɛ tegele yé ’ka da ka yuɛ pa flagɔrɔ ’léénu ta, té wo flinyi sɛrɛ lo we gi. Oo, anlé Bale, an sele ’é dɔ i gi we ’ko ma ma, yé ’i an tabin ilé nyanai zénle blɛn yɛrama ma.

Néémi 13:31

Yé kyɛ lé woo dan a nya Bale lɛ blɛ nya, ’té wa nɔyi dɔ bɛ, ’é valé féifɛ vininnu nya, an dɔ a ta. Oo, anlé Bale, an sele ’é dɔ i gi yé ’i wezin kɛlɛ an lɛ ma.

Néémi 5:19

Anlé Bale, an sele ’é dɔ i gi ma; ’i wezin kɛlɛ an lɛ, we faa lé maa a kɛlɛ munu ’konu lɛ, a we ma.

Lɛrɛvɔ Sɛbɛ 101:2

Maa dan an yara pa lɛ zi tegele ta tawole ta, Dé i dan da lɛ an va mɛ bléyi vaa? An dan tawo lɛ anlé munu va, Bli lé, gun ’ka a ma lo, a nya.

Lɛrɛvɔ Sɛbɛ 102:9

Yi faa do do ma an nyanézannu éé sɔnɔdére fé an lɛ, Yé woo an tɔ ’nyɔɔn‐an yo nya wolé bliflile zi.

Lɛrɛvɔ Sɛbɛ 119:80

Té gun é vo an ma i déretawenu ma lo, Té yara an gyɛ lo we ma.

Lɛrɛvɔ Sɛbɛ 16:8

Bléyi faa ma Gakelebale a an yuɛ gi, Dé é a an bɛyila, an ’ka diaan lo.

Lɛrɛvɔ Sɛbɛ 26:3

Naa, ilé zin a an yuɛ gi, Yé an tawoo ilé webozen gi.

Lɛrɛvɔ Sɛbɛ 32:2

Mian Gakelebale ’ka weple dɔa a nwiin lo, Yé dabli ’ka a gi lo, azé a néné.

Lɛrɛvɔ Sɛbɛ 6:6

Naa, mian é ga, i sele ’ka a gi é dɛrɛ lo; De ɛ dan i tɔ zin fe lɛ migalenu nyananaa?

Lɛrɛvɔ Sɛbɛ 6:8

An bli kyɛdɔle we ma an yara sɛrɛ. Munu lé woo nyané paan an ta, wo faa lé we ma lé an yara kɛlɛ é kwa.

Ézai 38:2

Ézékia é yara nɔla kɔnguru ma yé é bazoro Gakelebale lɛ yé é léé:

Ézai 38:4

’Bɛ zuo Gakelebale lé Ézai lɛ léé:

OZÉ (Osée) 12:4

Jakɔb kun é bwe ganetɛn ma wo bu bɔn gi. Alé plɛplɛ bléyi va, é buo si Bale va.

WENÉNÉ LE JAN A GYE (Évangile selon Jean) 1:47

Jézu Natanaɛl ye aan wo dana é va, é a mawe fe léé: Izraɛl mi do lé, dabli we do kpen ’ka a gi lo, yee lé é ke ’ko webozen nya.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

Bélidɔwesɛbɛ Fiézan 6:18

We lé é ke tegele valé é zima Gakelebale yuɛ gi, ’ka ’bɛ kɛlɛ, ka gi nanale valé ka wɔrale we gi, tɛrɛ zima lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ bɛ, a ta,

Ébrunu 5:7

Bléyian va lé Jézu a blami nya, é bazoro yé é zanté vɔ Kazambale lé, éé bɔa a sile lɛ ga lee, a lɛ; é bazoro siaale plɛplɛ valé yuɛyi sole nya. Yé é pla Bale wuo é zima amalé Bale a ’ma.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.