Ézai 3:8 - Kazambale lé Sebe Sauunu 1979

⁸ Jérusalɛm guru zana a gi yé Juda tɛrɛ sɛrɛ; naa, wo péli vɔ Gakelebale ma wo dére valé wo kɛlɛwenu nya, yé alé fuasan ’ka kana zén‐é wo gi lo, azama.

Ézai 3:8 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 28:18

Filisitinu da yé wo ’wii fɛna pɛblɛɛna flanu valé Juda tɛrɛ la yirinwana bɛyilazia flanu ta. Yé Bɛt‐Sémɛs koo, Ajalɔn koo, Gédérɔt koo, Soko valé é zi flanu koo, Timina valé é zi flanu koo, Gimzo valé é zi flanu koo, wo wo si, yé wo nyana a ta.

2 Minwiinmunu lé Wezuofe Sɛbɛ 33:11

Yé Gakelebale Asiri nwiinzan blɛn lé sunyanu nwiinzannu nwa yé é da wo nya Izraɛlnu ma. Wo Manasé kun yé wo foliɛwɔlɛbale vɔ a ma. Wa yere zéné gɔgɔbalenu nya, yé wo go a nya Babilɔn.

Wegɔnévɔlenu 26:27

Mi lé é guru bo, éé diaan a gi, yé gɔlɛ éé nɔlaan mi lé é a buru la, a ta.

Ézai 1:7

Kalé tɛrɛ vo é pla yé kalé flanu kyɛ ble. Bɛnnu kalé féinu si ka lee ka yuɛ va; wo ’wii kalé fɛnu ta yé wo wo sɛrɛ bélé bwigimunu zo.

Ézai 49:19

Ilé fɛnanu lé wo ’wii ana ta, ’té mi ’ka ana lao lo, Ilé tɛrɛ lé ke é sɛrɛle, É sia bléyi ’ko va, é dan kɛlɛ lɛ kiéné munu ma. Munu lé woo ’wiié i ta turu, wo dan si lɛ i ma baa.

Ézai 57:4

Ka a we nanana de ɛ maa? Ka ’léé blɛn fuoan de ɛ ma, ’té ka nɛnɛ bɔraan ’bɛ lɛɛ? Ka ’ka wenyané kɛlɛnénu valé viéwobɛn nya loo?

Ézai 59:3

Mi nyɛ ka bɛ tiri dɔ, yé wenyané ka bɛnwɔlɛnu tiri dɔ; ka lɔlu éé vié woo, woo weple maan ka nɛnɛ ta.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Ézai 9:17

Naa, wenyané kɛlɛle éé mi blé bélé kyɛ lé éé danan valé léliyilinu blé, a zo; éé kyɛ vɔa pɔrɔwɔlɛ ’léé, ’té a goi éé nwaan zuuu.

Jérémi 23:36

Naa, té ka fe é dɛrɛ léé, Gakelebale lé wevɔmilɛdére, lo. Naa, dé mian é a fe a zo, Bale é dan we gɔɔn lɛ ’bɛzan lɛ. Ka Bale yuɛmale, lai sunyanu lé Gakelebale, kolé Bale dére plɛn‐an.

Jérémi 26:18

Juda nwiinzan Ézékia bléyi va, Morésɛt zan Misé balelawe fe Juda munu faa lɛ léé: Lai sunyanu lé Gakelebale léma: Wo dan Siɔn fun‐an lɛ bélé bwi zo, Jérusalɛm é dan kɛlɛ lɛ é ’bin nya, Yé gɔ blɛn lé wo Bale lé kɔn dɔ a nwiin bɛ, pɔrɔ é dan kɛlɛ lɛ ana.

Jérémi 26:6

’té wean maa kɛlɛ Silo lɛ, yee duo lé maa dan a kɛlɛ lɛ munu ’ko lɛ, yé maa dan fla ’ko kɛlɛ lɛ balepama fla nya tɛrɛla bɛnnu faa yuɛ gi.

Jérémi 4:13

Ka ye, fɛsɛrɛzan a biéna bélé lafunu zo; alé gulidangoronu a bélé barikoko zo; alé wisoonu éé vlan sié é mini gola sile ta; we tɔntɔn bɔ ko ma, naa, wo ko sɛrɛ tata.

Jérémi 44:3

Naa, wo wenyané kɛlɛ an bli flile we ma. Wo lasikɔrɔpo kyɛ ble bale bɛnu lé wo ’ka wo dɔɔa lo, yé ka ’ka wo dɔɔa lo, yé wo tranu ’ka wo dɔɔa lo, wo lɛ, yé wo wo bɔ, amalé an bli fli.

Jérémi Lé Wuvɔ Sɛbɛ 1:9

Alé sɔ lɔlu tiri dɔ, yé é ’ka bɔn‐in bɔrɔan é nyaale ma lo; Munu gi vuru a diabɛ lé we ma, yé a tɔrɔpaazan ’ka lo; Oo Gakelebale, ’i anlé nyanainya we ye. Ko nyanézannu éé ko naginian ’wo yuɛ zuo.

Ézékiɛl 8:12

Yé é lé an lɛ léé: Blami be, we lé Izraɛl mi segelenu ke a kɛlɛna gunutinu va wolé kɔn gi do do, ’té fɛ fotonu a é fanle a nya, bé yee? Naa, wo léé: Gakelebale ’ka ko yé lo. Gakelebale sɔn vɔ tɛrɛ ’ko ma.

Ézékiɛl 9:9

Yé é a zi pa an lɛ léé: Izraɛl munu valé Juda munu lé weple a blɛn. É gié é glɛ ta. Tɛrɛ a é fanle migyɛwe saa nya. Fla a é fanle weple saa nya. Naa, wo léé, Gakelebale sɔn vɔ tɛrɛ ’ko ma. Gakelebale ’ka ’wo yé lo.

OZÉ (Osée) 5:5

Izraɛl lé boblɛn éé wo mawe fé; Izraɛl valé Éfraim é dan dia lɛ ’wolé weple ma, woo valé Judanu nya é ziin.

OZÉ (Osée) 7:16

Wo ’ka nɔlaan Loruzan Bale va lo. Wa dabli kɛlɛ sa nya. Wolé mi blɛnblɛnnu é dan dia lɛ gwɔun ’léé; woo dére blɛnblɛn fé, azama. We ’ko é dan wo kɛlɛ lɛ yérisiéamafɛ nya Éjipiti tɛrɛ la.

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.

Misé 6:12

Fla ’ko ta fuanu a é fanle glawe kɛlɛle nya, a tamunu éé vié woo, yé wo nɛnɛ a dabli nɛnɛnu nya wo ’léé.

Abaku 1:13

Bii a sauun fɛan zo, i yuɛ ’ka vɔa wenaané ta lo, yé i ’ka bɔa weple naginile lɛ lo. Mɛmalé i dabli kɛlɛ munu yé, yé i ta é vo é dɔlee? Yé dé mi nyané a mi zin sɛrɛna, yé i ’ka a siéla loo?

1 Korent munu 10:22

Kaa a a va léé, kaa Mizan lé maawole nwaa? Kaa plɛplɛ mini a lɛɛ?

SEBE LÉ JUD A GYE (Épitre de Jude) 1:15

mi faa lé we blele we ma, yé Bale lé zi ma wenyanénu faa lé Bale lé zi ma wenyané fezannu a kɛlɛ, é valé dére naanénu faa lé wa fe Bale ma, yé é a zuo laa yee Bale lé zi ma wenyané fezannu lee.