Ézai 3:5 - Kazambale lé Sebe Sauunu 1979

⁵ Yaale mi ta é dan kɛlɛ lɛ munu méléna. Wo dan yaa lɛ wo ke ta, yé mi faa do do é dan yaa lɛ é bɔluzan ta. Pɛniɛ é dan guli vɔ lɛ mi segele lɛ, yé boazan é dan guli vɔ lɛ tɔzan lɛ.

Ézai 3:5 ပူးပေါင်းရင်းမြစ်များ

2 Minwiinzannu 2:23

É si ’bɛna yé é go Bétɛl; é a giéna zia bléyian va, pɛniɛnu si fla yé wo we nana a ma, ’té wa fé léé: Palogyɛzan, ’i go loru, palogyɛzan, ’i go loru.

Ézai 1:4

Wenyanékɛlɛ bɛn, wo gale nyɔ; wa é fanle weplenu nya, wa bɛn nyané nya, wa né sɛrɛlenu nya. Wo sɔn vɔ maa, Gakelebale ma, wo nyé yéli maa, Izraɛl lé Mi Sauun ma. Wo si an ma baa.

Ézai 11:13

Éfraim munu ’ka dan maawo lɛ é dɛrɛ lo; wo nyané lé ke Juda munu gi, ’bɛ yi é dan ga lɛ. Éfraim munu ’ka dan maawo lɛ Juda munu va é dɛrɛ lo. Juda munu ’ka dan bla gié lɛ ’wo péli ma yé wa pla Éfraim munu nwiin é dɛrɛ lo.

Ézai 19:2

Maa dan gulidanfɛnu nɔ lɛ Éjipiti munu lɛ léé, ’wo guli dan Éjipiti munu ma; bwe é dan guli dan lɛ é bwe va, béé é dan nwa lɛ é béé ma, fla é dan guli dan lɛ fla va, bɛn é dan guli dan lɛ bɛn va.

Ézai 9:18

Lai sunyanu lé Gakelebale lé bliflile éé tɛrɛ ta kyɛ dɔa yé munu a bélé kyɛblefɛ zo; mi do kpen ’ka é bwe vo lo.

Jérémi 22:17

Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Ézékiɛl 22:12

Bii fla ’ko la, woo blɛfɛ sié mi nyɛ zanale we ma; woo gɔɔli zuo tɔnɔ valé a pamale sié, woo ’wo bɔluzan leefɛ sié gla nya, yé maa, wo gi éé saan maa ma. Yee lé Mizan Gakelebale a fe.

Lévinu 19:32

Dé nwanabɔzan bɔ i ma é nyanale, ’i nwa; ’i mi segele lɛdɔma. ’I kana Bale lee. Maa a Gakelebale nya.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Misé 7:2

Mi zin ta saan tɛrɛ ’ko la, yé mi tegele do kpen ’ka blaminu va é dɛrɛ lo; wo faa a zi bɛnna mi nyɛ zanale we ma; wo faa do do éé san vɔa ’wo bwenu lee.

Zakari 11:6

Gakelebale léma: An nyanai ’ka zén‐é é dɛrɛ tɛrɛ ’ko la munu ta lo. Ka ye, maa ɛ munu vɔa ékema, yé maa ɛ wo paan wo nwiinzan blɛn lee; wo dan ’wii lɛ tɛrɛ ’ko ta, yé maa ’ka dan a si lɛ wo lee lo.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Matio 26:67

’Bɛ zuo, wo ’lélibɔlɛ vɔ a yara yé wo fɔlɛ duun a lɛ yé wa blin kyɛ si, a fele nya léé:

Maak 14:65

Mi kenu kun ’lélibɔlɛ vɔle ma a ma, yé wo sɔ vuru a yuɛ la, yé wo fɔlɛ duun a lɛ yé wo léé: ’I balelaye ma. Yé sunyanu a blin kyɛ si.

WENÉNÉ LÉ LUK A GYE (Évangile selon Luc) 22:64

Wo sɔ vuru a yuɛ la yé wo we laa a lee léé: ’I balelawe fe. De ɛ fɛ duun i lɛɛ?

SEBE LÉ JAK A GYE (Épitre de Jacques) 2:6

Yé ’kaa, ka a nyanégyɛzannu sɔnɔna. Fuanuan wo ke nyané pana ka ta loo? Woan wo ke ka ganana weble?-?kɔnnu ’léé loo?

SEBE LÉ JAK A GYE (Épitre de Jacques) 5:4

Ka ye, nyanamapamunu lé wo kalé féifɛnu gyɛ, yé ’té ka ’ka wo gooli pa lɛ bɛ lo, wo ban a siaana, yé féifɛgyɛmunu lé siaalenu bɔ Sunyanuzan tɔné gi.