Ézai 3:26 - Kazambale lé Sebe Sauunu 1979

²⁶ Siɔn flagɔrɔ ’léé wo dan dunnu lɛ yé wo dan gyɛ bo lɛ; Siɔn munu é dan nyana lɛ tɛrɛ va wo leekoro nya.

Ézai 3:26 ပူးပေါင်းရင်းမြစ်များ

JOB (Job) 2:13

Yé wo vo é nyanale tɛrɛ va a sɔnɔ yi sɔrafié, béli koo, yiéyi koo, ’té wo ’ka we do kpen sié a ta lo, naa, wa ye léé, alé kleblele a blɛn, ’bɛzama.

JOB (Job) 2:8

Yé Job bɔple sia, ’té éé ma kɔɔn‐an a nya yé é nyana kyɛyee va.

Ézai 14:31

Duoli, ’i dunnu; fla, ’i gyɛ bo. Filisitinu lé tɛrɛ faa tere, i ma ’é nyɔɔn. Naa, kyɛgoi a nwana yirinwana bɛbolazia; i nyanézannu lé sunya balenu a é tunule ékema.

Ézai 29:2

Maa dan Ariɛl mabɛn lɛ. Wo dan wuvɔ lɛ yé wo dan dunnu lɛ, yé fla ’ko é dan kɛlɛ lɛ an lɛ bélé balebanna lé wa laama Ariɛl, a zo.

Ézai 32:14

Wo nwiinzan lé fuakɔn vo, fla lé a gi éé wé turu, ana vo é pla. Alé gɔpané valé kɔn kiilii torole é dan kɛlɛ lɛ bélé gɔmaguru zo yifaama; bwi gi sokofalenu é dan zana gyɛ lɛ ana, é dan kɛlɛ lɛ winu lé fɛblena nya.

Ézai 33:9

Ana tɛrɛ a gyɛ bona bli kyɛdɔle nya; yara Liban munu gyɛ, yé wo yuɛi zun; Sarɔn tɛrɛ a bélé bwi zo; Bazan tɛrɛ valé Kaamɛl ma éé nyɔɔn‐an yé wo ta yililaanu zana.

Ézai 47:1

Babilɔn blɛnzan, ’I zun, ’i nyana vungoi va. Kaldé le, ’I nyana tɛrɛ va, ilé fuablin ’ka lo. Wo ’ka dan i laa lɛ léabo le é dɛrɛ lo, wo ’ka dan a fe lɛ léé, le a é zénle i ma lo.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 14:2

Juda munu a gyɛ bona, Alé flamunu bli kyɛ a é dɔle, gyɛbosɔnu a é zénle wo ta, yé wa é yiale tɛrɛ va, Yé Jérusalɛm munu dére éé nwaan siaale nya.

Jérémi 15:8

Alé gyɛzaralomu é dan kɛlɛ lɛ kiɛre é mini wɛyi gɔɔn ma nyéné ta, Gulidanzan boroné koo, é bu bozen koo, Maa dan kulugazan pa lɛ zia wo ɛ ma É yiéyi boenwo. Yé nyané blɛn blele valé di kinié mi gi we é dan bɔra lɛ wo ma fiaa.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Jérémi Lé Wuvɔ Sɛbɛ 1:4

Siɔn zinu ga, naa, mi ’ka gona ana fɛti kɛlɛna é dɛrɛ lo, Lunu tuu ana zinu faa ’léé; Alé Balebanzannu éé dunnuan, Alé blɛnnu a kle blena, yé fla ta kyɛ a é dɔle.

Jérémi Lé Wuvɔ Sɛbɛ 2:10

Siɔn mi segelenu woo nyanaan tɛrɛ va, ’té wo ’ka we sié a ta lo. Wo vun zén ’wo nwiin, Wo bɔlɔ zén ’wo ta; Jérusalɛm munu ’wo ’wuo dia tɛrɛ va.

Jérémi Lé Wuvɔ Sɛbɛ 2:8

É a Gakelebale gi léé, é dan Siɔn munu lé kɔn gurunu sɛrɛ lɛ. É kɔn dɔ baworo soi, é ’ka é bɛ si lɛ ana lo fɔɔ yé é wo sɛrɛ tata; É fla zi gɔrɔnu valé kɔn plɛplɛnu ma vo drɔɔdrɔɔ, Wo kɛlɛ ékeva é ’bin nya.

Ézékiɛl 12:20

Flanu lé munu éé nyanaan wo ta, wo dan wo sɛrɛ lɛ yé wo dan ’wii lɛ tɛrɛ ’ko ta. Yé ka dan a gi dɔɔ lɛ léé, maa lé ke Gakelebale nya.

Ézékiɛl 26:16

Wɛyi sɔnɔ tɛrɛ la minisinu faa éé sié ’wolé fuablinnu ta yé wo zun tɛrɛ va; woo ’wolé varɔ blɛnnu sié ’wo ta, yé wolé varɔnu lé pɛɛ ke é gyɛle wo ta, woo wo sié ’wo ta. Di éé kinié wo gi, yé woo nyanaan tɛrɛ va, yé wo zuru va nyɛ éé kinié bléyi faa va, yé wo dan dɔ lɛ ’wo gane la ilé we ma.

Misé 1:9

Wo manɔn a tɔntɔn, ’bɛzama. Éé goo fɔɔ Juda tɛrɛ la; éé goo fɔɔ anlé munu lé flagɔrɔ ’léé, fɔɔ yé é bɔ Jérusalɛm.

Matio 11:17

Ko séén fɛn ka lɛ, yé ka ’ka nɛnɛ bo lɛ lo, yé ko wu lɛrɛ vɔ ka lɛ yé ka ’ka wu bo lɛ lo.

WENÉNÉ LÉ LUK A GYE (Évangile selon Luc) 19:44

Wo dan i guru zana lɛ a gi tata, bii valé i ta munu nya. Bléyian va lé an da ka va, ka ’ka a gi dɔɔ lɛ lo, amalé wo ’ka dan i gɔlɛ do kpen vo lɛ é ke ta lo.