Ézai 3:14 - Kazambale lé Sebe Sauunu 1979

¹⁴ Gakelebale a weblena élé munu va mi segelenu valé wo nwiinzannu va; é léé: Ka dɔrɔféi ble. Fɛnu lé ka si nyanégyɛzannu lee gla nya, wa kalé kɔnnu gi nuu.

Ézai 3:14 ပူးပေါင်းရင်းမြစ်များ

JOB (Job) 22:4

I tegele ma lé éé we lɛdɔa i gi Yé ka we blé a nyaa?

JOB (Job) 24:14

Migyɛzan éé nwaan é bladi tutu, Nyanégyɛzan valé mi lé a se do kpen ’ka a lɛ lo, éé wo gya, ’Té éé kyeen woo é béli.

JOB (Job) 24:9

Woo tigalazan soo é bu nyɔ ma, Woo bɛfɛ sié nyanégyɛzannu lee.

JOB (Job) 34:23

Kazambale mawe ’ka a gi léé, é mi do nagini gɔnɔ fié Yé é da a nya weblena é va lo.

Lɛrɛvɔ Sɛbɛ 10:9

É a é yɔɔle é yɔɔna bélé golizra lé ke é yiana, a zo. É a é yɔɔle é yɔɔna, a bɔrale wenaané bɔmazan ma fiaa yé é dia wo ta we ma. Éé din‐é a ta yé éé a ganaan élé séli nya.

Lɛrɛvɔ Sɛbɛ 14:4

Munu faa lé woo weple kɛla, dé wedɔɔle saan é wo wo ’wuo gii? Woo anlé munu minié, woo anlé munu sian wo blefɛ nya. Wo ’ka Gakelebale tɔ laan pelo.

Lɛrɛvɔ Sɛbɛ 143:2

Té i kun i wuozan lé weblele ma lo, Naa, mi yuɛmalenu va mi do kpen ’ka tegele i yuɛ gi lo.

Wegɔnévɔlenu 30:14

Migɔnɔ do ana yé wo suiɛ a gwɔun nya yé wo puowɔlɛ a sɛnnénu nya tɛrɛ la nyanéblemunu minile we gi, munu va nyanégyɛzannu minile we gi.

Ézai 10:1

Munu lé woo bélidɔwe naané bɔraan koo, sɛbɛgyɛmunu lé wo ’ka weblesɛbɛ gya mi dére ta lo, ’té wo ’ka a nyi sié léé, wo nyanégyɛzannu lé we ble lo, ’té woo anlé munu va wenaanébɔmazannu lé se sié wo lee, ’té woo we kɛlɛ zanagalalomu lɛ bélé wo blewi lé, ’té woo fɛ sié ti valé bugalazannu lee bélé gulizarafɛ sile zo. Wenaané ’é kɛlɛ wo lɛ ma.

Ézai 11:4

Naa, é dan nyanégyɛmunu lé we ble lɛ é boen ma; Yé é dan tɛrɛ la nyanaizénlamunu lé we gi bɔi lɛ tegele; É dan tɛrɛlamunu bla lɛ é dére nya bélé vlewɔlɛ zo, Yé é dan mi nyanénu gyɛ lɛ ’é ’léé fu nya.

Ézai 14:30

Yé nyanégyɛzan babanu é dan fɛblele ye lɛ, yé wenaané bɔmamunu é dan nyana lɛ woboma; naa, maa dan ilé nénu gyɛ lɛ lɔrɔ nya yé ’wo ga. Yé i pɔné lé ’bɛ vo, wo dan ’bɛnu gyɛ lɛ.

Ézai 26:6

Wo dan a zɔn lɛ ’wo gane nya, Nyanégyɛmunu gane nya, nyanaizénlamunu gane nya.

Ézai 29:19

Wenaanébɔmazannu gi nanale lɛ é dan si lɛ Gakelebale lé we ma, yé Izraɛl lé Mi Sauun é dan kɛlɛ lɛ nyanégyɛzannu lé ginanamazan nya.

Ézai 30:12

Bɛwemalé Izraɛl lé Mi Sauun léma: Ka sɔn vɔ dére ’ko ma, ka a pale glawe valé viéwe ɛ ta, yé ka wo kɛlɛ ka bɔvafɛ nya,

Ézai 5:7

Lai sunyanu lé Gakelebale lé dɔrɔféi lé ke Izraɛlnu nya, Yé Juda munu a yiliné lé a we ke a lee, a nya. A bli a a lɛ kɔɔn léé, ’wo we drɔle kɛlɛ, naa, wo mi nyɛ zana; A bli a a lɛ kɔɔn léé, ’wo we tegele kɛlɛ, naa nyanéblezannu a siaana wo va.

Ézai 58:4

Ka ye, ka lɔrɔ sɔn‐o zavɔle valé we siale we gi, yé ka fɔlɛ duun‐an bli nyané nya. Ka ’ka lɔrɔ sɔn‐o lɔrɔsɔnbɛ yɛrama lo; ka kɛla léé, wo ka dére ’ma loru baa.

Jérémi 12:10

’Blatabinzannu kiɛre ’wii anlé dɔrɔféi ta, Woo anlé féi zɔn‐o ’wo gane nya; Woo anlé ginanama féi kinié bwi nya, Wa kɛlɛ fɛna tété nya.

Jérémi 5:27

Mane?-?nu woo zénkɔɔ faan fɛan zo, a zo lé wolé kɔnnu a é fanle dablifɛnu nya. ’Bɛ zo lé woo kɛla mi plɛplɛnu valé fuablezannu nya.

Ézékiɛl 18:12

’té éé yaan we tɔntɔn bɔmazan valé nyanégyɛzan ta, dé éé glawenu kɛla, dé é ’ka mi bɛfɛ no ézan lɛ lo, dé éé miyilinu baan, yé ’té éé bozowenu kɛla,

Ézékiɛl 20:35

Maa dan go lɛ ka nya bɛngɔnɔnu lé bwi gi, yé maa dan kalé we ble lɛ ka yara tegele.

Ézékiɛl 20:36

Fɛan zo lé maa ka tranu lé we ble bwi gi, Éjipiti tɛrɛ la, a zo duo lé maa dan kazé ble lɛ. A zo lé Mizan Gakelebale a fe.

Lévinu 25:14

Dé ka fɛ dɔ ka bɔluzan lee, ɛɛ, dé ka fɛ dɔle si ka bɔluzan lee, té ka dabli kɛlɛ ka ke lɛ lo.

Lévinu 25:17

Té ka va mi do kpen é dabli kɛlɛ é bɔluzan lɛ lo, ’i kana ilé Bale lee; naa, maa a Gakelebale, kalé Bale nya.

Amɔs 2:7

É sɔ wo lɛ léé, ’wo nyanaizénlazan ye tɛrɛ nya é nwiin, yé wo wenaané bɔmazannu lé se si wo lee. Gɔnézan valé é be éé goo le do kpen va, an tɔ ’lɛzan sɛrɛle we ma.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Misé 2:1

Munu lé woo weple bɔrɔan ’wo bɔn‐in, ’té woo wenaané paan do ’wo yiɛna, wenaané ’é kɛlɛ wo lɛ ma. Dé tu kini tɔɔn, ’té wa kɛlɛna; wo bɛ a plɛplɛ, azama.

Misé 2:2

Wo bli éé bɔa féinu ma, ’té woo wo sié. Wo bli éé bɔa kɔnnu ma, ’té woo wo sié. Woo gla kɛla munu valé wolé kɔnnu ta; woo gla kɛla munu valé wolé zarafɛnu ta.

Misé 3:3

Woo anlé munu wi blé, woo wo kɔlɛ boo, woo wo wɔlɛnu ’wiié, woo wo wi kinié ékema woléwoléné bélé wa dɔnena bɔ gi, bélé wi lé wa dɔnena lɛeda gi, a zo.

Misé 6:10

Fɛwezan lé wa ye weple ma, é ana tan mi nyané lé kɔn gii? Fɛdangifɛ lé wa wɔra ékeva, ’té é ke balepamafɛ nya bɛ, é ana mii?

Matio 21:33

’Ka tɔné dɔ gɔné do vɔle lɛ é ziin. Gɔnézan do ana, kɔnzan lé, yé é dɔrɔféi pa. É gɔrɔ bo a zi, yé é dɔrɔ borona kɛlɛ, yé é dɔtafɛ kɛlɛ féi naginile we ma. A zuo é a bɛ pa féinwiinzannu lee, yé é si tɛrɛ ’ko la.

SEBE LÉ JAK A GYE (Épitre de Jacques) 2:6

Yé ’kaa, ka a nyanégyɛzannu sɔnɔna. Fuanuan wo ke nyané pana ka ta loo? Woan wo ke ka ganana weble?-?kɔnnu ’léé loo?