Ézai 3:10 - Kazambale lé Sebe Sauunu 1979

¹⁰ ’Ka fe léé, mi tegele bɛ ma é dan kɛlɛ lɛ néné; a gi é dan nana lɛ é kɛlɛwenu tɔnɔ ma.

Ézai 3:10 ပူးပေါင်းရင်းမြစ်များ

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

Lɛrɛvɔ Sɛbɛ 58:11

Dé mi tegele we lɛgi pale ye tɔɔn, ’té a gi éé nanama, É dan é ganenu ma zuru lɛ mi nyanénu nyɛ nya.

Fwile 1:20

Kazambale wezin kɛlɛ dɔtrɔlomu lɛ; yé munu ’léé gi gyɛ yé wo kɛlɛ kiɛre é baba.

Wegɔnévɔlenu 10:6

Mi tegelenu drɔɔ a é vole, naa, mi nyanénu lɔlu nya lé wo ’wolé glawe ta yɔɔan.

Wegɔnévɔlenu 12:14

Mi ’léé dére ma lé é dan kan lɛ fɛ zin nya, yé mi do do éé fɛ yé é bɛ panyanama yɛrama.

Wegɔnévɔlenu 13:21

We tɔntɔn a yifaama wenyanékɛlɛzannu zuo, naa, wezin a mi tegelenu banwofɛ nya.

Wegɔnévɔlenu 18:21

Ga valé vole é yuɛma lé plɛplɛ a mi nɛnɛ lee; miomian wefele éé sɔa a lɛ, é dan a ma tɔnɔ ble lɛ.

Bale Lé We Gifezan 8:12

Duowo, dé wenyanékɛlɛzan wenaané kɛlɛ gɔnɔ yɔ soru, yé é mɔn a kɛlɛnaoo, maa gi dɔɔ é ziin léé, munu lé woo kanaan Kazambale lee, wezin a wozé nya; woo kanaan a lee, azama.

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

Jérémi 15:11

Gakelebale léé: Webozen lé, izé é dan kɛlɛ lɛ néné é voéla; webozen lé, maa dan glawe kɛlɛ lɛ i nyanézan lɛ yé é dan é ’wuo wɔra lɛ i gane wuo, we tɔntɔn bɔbléyi valé kleblebléyi va.

Jérémi 21:14

Maa dan we lɛdɔ lɛ ka gi ka kɛlɛwe yɛrama. Maa dan kalé pɔrɔ kyɛ vɔ lɛ yé é dan a zi fɛnu faa ble lɛ. Maa Gakelebale ɛ ke a fena.

Jérémi 22:15

Sɛdrɛyili lɔrɔ lé i gyɛle we ma lé i ke é plale mi nwiin? I ti ’ka fɛ ble lɛ loo? É ’ka ’yi mini lɛ loo? Naa, é we tegele valé we zima kɛlɛ Yé a gi nana.

Jérémi 7:23

Naa, ka ye, we lé maa fe wo lɛ, yee lé ke ’ko: ’Ka tɔné dɔ an dére lɛ yé an dan kɛlɛ lɛ kalé Bale nya yé ka dan kɛlɛ lɛ anlé munu nya; zinu lé maa wo ta tawole fe ka lɛ, ’ka tawo wo ta, ka gi nanale we gi.

Ézékiɛl 18:20

Mi lé éé wenyané kɛla, yeebozen ɛ gaan. Wo ’ka dan mi lé weple kɔné dɔ lɛ é be nwiin lo, yé wo ’ka dan a be zé dɔ lɛ a nwiin lo. Wo dan mi tegele lé we tegele dɔ lɛ ’é nwiin, yé wo dan mi nyané lé wenyané dɔ lɛ é nwiin.

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

Misé 7:13

Tɛrɛ é dan sɛrɛ lɛ a tamunu koo, wo kɛlɛwenu koo, wolé we ma.

Sofoni 2:3

Ka faa lé ka ke bokiénézannu nya tɛrɛ ’ko la, ’ka Gakelebale nagini; ka lé, ka a déretawenu kɛla, ka lé! ’Ka we tegele nagini; ’ka kɛlɛ bokiénézannu nya! Dé ka dan so lɛ we lee Gakelebale lé blifliyi nyaa?

Malasi 3:18

Yé ka dan a ye lɛ é ziin léé, mi tegele zé a é yɛrama, yé mi nyané zé a é yɛrama; mi lé ’bɛ éé Bale bɔa, ’bɛ zé a é yɛrama, yé mi lé ’bɛ ’ka Bale bɔa lo, ’bɛ zé a é yɛrama.

WENÉNÉ LÉ LUK A GYE (Évangile selon Luc) 19:19

Yé é lé ’bɛ lɛ léé: Bii é ziin, maa i pla fla soru nwiin.

Bélidɔwesɛbɛ Fiézan 12:25

Té ka ble lo, ka gi nanale we gi ka valé kalé nénu nya ka zuo, naa, we lé ke we drɔle nya Gakelebale yuɛ gi, dé mi ’bɛ kɛlɛ, ’bɛzan gi é dan nana lɛ.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.