Ézai 27:9 - Kazambale lé Sebe Sauunu 1979

⁹ ’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.

Ézai 27:9 ပူးပေါင်းရင်းမြစ်များ

2 Minwiinzannu 10:26

Wo go Baal lé kɔn looné gi yé wo miyilinu bɔra béera yé wo wo kyɛ ble.

2 Minwiinzannu 23:14

Jozias miyilinu yéli yé é yo’wuo ’wii, yé fɛana lé wo ke, é ana fan miwɔlɛnu nya.

2 Minwiinzannu 25:9

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

2 Minwiinmunu lé Wezuofe Sɛbɛ 14:5

Aza fla plɛplɛnu pa Juda tɛrɛ la; naa, tɛrɛ vo drɔɔ; wo ’ka guli dan lɛ a va lɛɛ ’konu wuo lo. Gakelebale vole drɔɔ nɔ wo lɛ, azama.

2 Minwiinmunu lé Wezuofe Sɛbɛ 34:4

Wo Baal bannanu zana a gi a yuɛ va, yé yofotonu lé ke yiri zé nya, ’té wa dɔ yee Baal banna ta loru, é wo zana a gi; miyilinu koo, fɛfotonu koo, fɛfoto serelenu koo, é wo wii yé é wo pun bo. Yé é a pun nwɛɛn munu lé woo wo baan, wo vunnu ta.

2 Minwiinmunu lé Wezuofe Sɛbɛ 36:19

Wo Bale lé kɔn kyɛ ble; wo Jérusalɛm gɔrɔ guru zana a gi, wo fuakɔnnu faa kyɛ ble, yé wo fɛwezannu faa sɛrɛ.

Lɛrɛvɔ Sɛbɛ 119:67

Bléyian va lé i ’ka tan an tua lɛ lo, maa ilé zi vo an yuɛ zuo, Naa, sin, maa i dére ta tawoo.

Lɛrɛvɔ Sɛbɛ 119:71

Ilé an tuale a é zima, I déretawenu draanle we ma.

Fwile 34:13

Ka dan wolé balebannanu yara bua lɛ, ka dan wolé yofotonu ’wii lɛ yé ka dan wolé miyilinu yéli lɛ.

Wegɔnévɔlenu 20:30

Mi naané drɔfɛ lé ke a tuona pai manɔn nya, é valé fɔlɛ lé wa duun a lɛ yé é so a wɔlɛ zi, a nya.

Ézai 1:29

Térébɛnt yilinu lé woo ka gi nanaan, yara é dan ka gyɛ lɛ wolé we ma. Zianféinu lé wo ke ka ginanamafɛ nya, ka yuɛ é dan tana lɛ wolé we ma.

Ézai 17:8

é ’ka é yuɛ vɔa yobannanu lé é a kɛlɛ éboan, wo ta lo. Asataté yonu valé yiribɔnu lé é wo kɛlɛ bɛ, é ’ka dan é bɔn‐in bɔrɔ lɛ wo ma é dɛrɛ lo.

Ézai 30:22

Gɔɔlifu valé kyan lé ka sele kalé miyilinu ma, ka dan wo ye lɛ fɛ naané nya; ka dan wo vuli lɛ bélé bli zo, yé ka dan a fe lɛ wo lɛ léé: ’Ka si ko yuɛi mi.

Ézai 4:4

Mizan é dan Siɔn lomu lé weplenu si lɛ wo lee. Mi nyɛ lé wa zana Jérusalɛm Gakelebale é dan a sia lɛ we tegele kɛlɛle valé wo sɛrɛle nya.

Ézai 40:2

’Ka siaa Jérusalɛm munu lɛ, ’ka fe wo lɛ léé: Wolé luu kɛlɛle nyaa, Wolé weple ’yibo, Gakelebale we lɛdɔ wo gi Wolé wenyané faa ma gɔnɔ fié.

Ézai 48:10

Maa ka pa fɛseleégibɔ gi bélé gɔɔlifu zo; Maa ka gi dan ’furu kyɛ lé ke we tɔntɔn nya, a va.

Ézékiɛl 11:18

Ana lé wo dan go lɛ, yé wo dan miyilinu faa valé bozowenu faa si lɛ ana.

Ézékiɛl 20:38

Tɔnégiplɛplɛzannu valé munu lé woo nwaan an ma, maa dan wo si lɛ ka va. Tɛrɛ lé wo ke a ta bɛnnu nya, maa dan wo si lɛ ’bɛna. Naa, wo ’ka dan go lɛ Izraɛl tɛrɛ la lo. Yé ka dan a gi dɔɔ lɛ léé, maa ɛ ke Gakelebale nya.

Ézékiɛl 6:4

Maa dan kalé yobannanu zana lɛ a gi; kalé miyilinu lé ka a dɔ yiri zé nya bɛ, maa dan wo yéli lɛ, yé ka galenu é dan dia lɛ kalé miyilinu ’lɛ.

Daniɛl 11:35

Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

OZÉ (Osée) 14:8

Éfraim léé: Miyilinu éé mɛ kɛla an lɛɛ? Maa dan a dére ’ma lɛ, maa dan a tabin lɛ, Maa dan kɛlɛ lɛ a lɛ bélé siprɛyili drɔɔdrɔɔ zo. Maa ɛ va lé ka dan tɔnɔ ye lɛ.

Lévinu 26:30

Maa dan kalé gɔnwiin yobannanu sɛrɛ lɛ, yé kalé miyilinu lé ka wo pa é yɛrama yiri zé nya, maa dan wo sɛrɛ lɛ. Maa dan ka galenu pla lɛ kalé miyili sɛrɛlenu ta, yé anboen é dan serele bo lɛ ka ma.

Misé 5:11

Maa dan yokɛlɛle yi ga lɛ ka lee, yé yokɛlɛzan ’ka dan kɛlɛ lɛ ka va é dɛrɛ lo.

Zakari 13:2

Lai sunyanu lé Gakelebale léma: ’Bɛ yi la maa dan miyilinu tɔ yi ga lɛ tɛrɛ ’ko la, léé, té wo sele é dɔ mi gi é dɛrɛ lo. Balelayezannu koo, bli tiridɔlenu koo, maa dan wo si lɛ tɛrɛ ’ko ta.

Rom munu 11:27

Yé ’bɛ é dan kɛlɛ lɛ anlé gipawe nya wo va, ’Té dé an wolé wenyanénu si wo lee.

1 Korent munu 11:32

Naa, dé Mizan kaalé we ble, ’té é we lɛdɔ ɛ wo kaa gi, léé, té wo ga dɔ kaa nwiin tɛrɛlamunu nya ékeva lo.

Bélidɔwesɛbɛ Fiézan 12:3

Ka dan wolé yobannanu zana lɛ a gi, ’ka wolé yowɔlɛnu sɛrɛ, ’ka wolé miyilinu kyɛ ble, ’ka wolé yoyilinu yéli, yé ’ka wo tɔnu si fɛkonanu ma.

Ébrunu 12:6

Naa, mi lé é sɔ Mizambale lɛ, éé we lɛdɔa a gi, Yé munu faa lé éé wo yé é benu nya, éé wo blaan vlewɔlɛ nya.