Ézai 27:8 - Kazambale lé Sebe Sauunu 1979

⁸ Gba, é we lɛdɔ wo gi wo vole lula nya; é go wo nya yirinwanazia fu plɛplɛ giéle nya.

Ézai 27:8 ပူးပေါင်းရင်းမြစ်များ

JOB (Job) 23:6

É dan kɔɔn guli dan lɛ an va élé plɛplɛ faa nyaa? É ’ka a nyi sié léé, é tɔné kiéné boen dɔ an lɛ loo?

Lɛrɛvɔ Sɛbɛ 103:14

Naa, fɛan é ko kɔlɛ kɛlɛ a nya, é a dɔɔ, A sele a a gi léé, ko a vun nya.

Lɛrɛvɔ Sɛbɛ 103:9

É ’ka zɔ dɔa mi va yifaama lo, Alé bliflile ’ka goo é ’lɛ yifaama lo,

Lɛrɛvɔ Sɛbɛ 38:1

David a vɔ, we sele dɔle mi gi we ma.

Lɛrɛvɔ Sɛbɛ 6:1

Lɛrɛ lé David a vɔle gɔɔn lɛrɛvɔmunu lɛ. Kɔnɔ lé a balenu ke, ’té wa gya a va. Kɔnɔ lé a bale ke sɔraa, ’wa gya a va.

Lɛrɛvɔ Sɛbɛ 76:10

Bléyian va lé Bale nwa we tegele kɛlɛle we ma, Wenaanébɔmazannu faa sile we gi we ma tɛrɛ la, a bléyi va. Ka ye do.

Lɛrɛvɔ Sɛbɛ 78:38

Naa, duowo, alé nyanaizénle zi, é wo ma we vo wolé weple kɛlɛle ma, yé é ’ka wo gyɛ lɛ lo; Yi kiɛre nya é ’é bli kun yé é ’ka é bli faa fli lɛ lo.

Ézai 1:5

Dé kalé nwale an ma gi gya, mɛ nya lé maa we lɛdɔa ka gi é dɛrɛɛ? Gyɛ a ka ’wuo ma fɛfaana, yé ka bli faa a yaana.

Ézai 10:12

Naa, dé Mizan élé we kɛlɛle faa lɛ sɔɔ Siɔn gɔ nwiin koo, Jérusalɛm koo, wona faa, maa dan we lɛdɔ lɛ Asirinu nwiinzan blɛn gi, a kɛlɛwenu lé alé boblɛn a nagɔɔn a lɛ, wo ma, ’bɛ valé alé mi naginile é yuɛ zuo nya.

Ézai 50:1

Gakelebale léma: Lebɔrasɛbɛ lé maa gyɛ yé maa ka bu bɔra a nya, é kaa? Taa, an ma vɛɛn pazan kyɛn lɛ lé maa ka nɔ anlé vɛɛn ban laa? Ka ye, kalé weplenu ma lé maa ka dan, Yé kalé wenyanénu lé we ma lé an ka bu bɔra.

Ézai 54:7

Maa i vo bléyi sɛ nya, Naa, maa dan i si lɛ é ziin sɔlɛle blɛn nya;

Ézai 57:16

Munu lé maa wo kɛlɛ, dé wo dia an ’lɛ wo fuu sile nya wo ta, é ’ka sɔ lɛ an lɛ léé, maa vo za kɛlɛna yifaama lo; é ’ka sɔ lɛ an lɛ léé, an bli é vo flina yifaama lo.

Ézai 64:5

Ko faa tiri a é dɔle, kolé wetegele faa a bélé sɔ tiridɔle zo; yé ko faa ma yuru bélé blalaa zo; kolé wenyané blɛn éé ko sian bélé fu lé.

Jérémi 10:24

Oo Gakelebale, ’i we lɛdɔ an gi, naa, té é gié é glɛ la lo, Té bé kɛlɛ i bli flile nya lo, dé i da an kulu ga.

Jérémi 30:11

Gakelebale léma: Naa, maa a bii va, i sile we lee we ma; Yé bɛnnu lé maa ka sɔɔla wo va, maa dan wo faa sɛrɛ lɛ tata, Naa, bii, maa ’ka dan i sɛrɛ lɛ tata lo, Maa dan we lɛdɔ lɛ i gi we tegele nya, Maa ’ka bɔa i vole lɛ é pla lo, é a lé maa we lɛdɔ i gi.

Jérémi 4:11

’Bɛ bléyi va, wo dan a fe lɛ munu ’ko valé Jérusalɛm munu lɛ léé: Funé éé sié fɛna lorunu na nyéné saa lé fɛna yé éé giéan anlé munu lé zi ’léé. Fu zin kaan lo, fɛwɔlɛ vasi fu kaan lo,

Jérémi 4:27

Naa, Gakelebale léma: Tɛrɛ ’ko faa é dan sɛrɛ lɛ; Naa, maa ’ka dan a sɛrɛ lɛ tata lo.

Jérémi 46:28

Gakelebale léma: Bii, an wuozan Jakɔb, té i kana lo, Maa a i va. Bɛnnu faa lé maa ka sɔɔla wo méléna bɛ, maa dan wo kulu ga lɛ, Naa, bii, maa ’ka dan i kulu ga lɛ lo; Maa dan we lɛdɔ lɛ i gi i kɛlɛwe yɛrama, Maa ’ka bɔa i vole lɛ é pla lo, an dan we lɛdɔ lɛ i gi.

Jérémi Lé Wuvɔ Sɛbɛ 3:31

Naa, Mizan ’Ka sɔn vɔa ’bɛ zoɛ minu ma yifaama lo.

Jérémi Lé Wuvɔ Sɛbɛ 3:32

Alé nyané pale mi ta zuo, É élé nyanai zénle valé mi mawe dɔɔle nagɔɔn‐an a lɛ.

Ézékiɛl 19:12

Naa, wa soowɔla nyana nya, yé wa vuli tɛrɛ va; Yirinwanazia fu a poronu sɛrɛ; Wa bɛ plɛplɛnu so a ma, yé wo ga; Kyɛ wo ble.

OZÉ (Osée) 13:15

Dé Éfraim kɛlɛ blɛn é bwenu mélénaoo, yirinwana fu é dan da lɛ, Gakelebale lé fu é dan si lɛ bwi gi, yé é dan alé ’yi’wuonu ga lɛ, yé é dan a ’yibɔnanu béli lɛ. Wo dan ’wii lɛ alé fɛwezannu faa ta.

OZÉ (Osée) 4:1

Izraɛlnu, ’ka tɔné dɔ Gakelebale dére lɛ. Naa, Gakelebale a tɛrɛ ’ko la munu mawe fena. We zin do ’ka ana lo, nyanai zénle ’ka ana lo. Kazambale dɔɔle ’ka ana tɛrɛ ’ko la lo, ’bɛzama.

1 Korent munu 10:13

Wenu lé wo bɔ ka ma ka gidanwenu nya bɛ, woo bɔa munu faa ma. Kazambale a yarapawelazan nya, yé é ’ka dan a nyi si lɛ léé, ka gidanwe é ka kele lo, naa, dé gidanwe bɔ ka ma, é dan bɔ lɛ ka va, yé ka a kele.

1 Piɛri 1:6

Ka gi ’é nana we ’ko ma ma, dɔlé ’té sin é a lé ka bli gi kyɛ é dɔ bléyi sɛ nya ka gidanwenu kiɛre lé we ma. Kalé blipale gidanle wea é baba é mini kyan lé éé bɔa sɛrɛle lɛ, ’té wa gi daan kyɛ va duowo bɛ, a ta.