Ézai 27:4 - Kazambale lé Sebe Sauunu 1979

⁴ ’Bɛ ’ka ’nana an ma lo, naa, dé maa ka ye danan valé léliyilinu nya, maa dan guli dan lɛ ka va; maa dan nwa lɛ ka ma, yé maa dan ka faa kyɛ ble lɛ ékeva,

Ézai 27:4 ပူးပေါင်းရင်းမြစ်များ

2 Samuɛl 23:6

Naa, wenyanékɛlɛmunu faa a bélé lélinu lé mi éé wo vulian, ’Té wo ’ka wo sian wo bɛ gi bɛ lo, wo zo;

2 Samuɛl 23:7

Mi lé é ke gona é bɛ mane lɛ wo ma, éé foliɛwɔlɛ sian, dé ’bɛ kaan lo éé bléin sian, Yé éé wo kyɛ blé fɛ duona.

Lɛrɛvɔ Sɛbɛ 103:9

É ’ka zɔ dɔa mi va yifaama lo, Alé bliflile ’ka goo é ’lɛ yifaama lo,

Lɛrɛvɔ Sɛbɛ 85:3

I ilé munu ma we vo wolé weplenu ma, I wolé wenyanénu faa ta yɔɔ. Ka ye do.

Ézai 10:17

Izraɛl vakinisan é dan kɛlɛ lɛ kyɛ nya, yé alé Mi Sauun é dan kɛlɛ lɛ kyɛnɛnɛ nya, yé ’bɛ é dan Asirinu nwiinzan lé léliyilinu valé danannu ble lɛ yi do kpen nya.

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 33:12

Munu é dan kɛlɛ lɛ bélé wiwɔlɛ yee zo; wo dan kɛlɛ lɛ lélinu lé wo wo bɔi yé wo wo vɔ kyɛ va, ’té wo kyɛ éé blé, wo zo.

Ézai 9:18

Lai sunyanu lé Gakelebale lé bliflile éé tɛrɛ ta kyɛ dɔa yé munu a bélé kyɛblefɛ zo; mi do kpen ’ka é bwe vo lo.

Jérémi 29:11

Naa, Gakelebale léma: We lé ke an gi kazé nya, maa a dɔɔ. Ka vole drɔɔ we lé, we tɔntɔn kaan lo, léé, tɛlɛ tɛlama yé ka vo ana, yé ka bli é vo we lɛ.

Ézékiɛl 16:63

léé, we kyɛn sele ’é dɔ i gi yé ’é i gyɛ yara nya, yé té i we zi pa é dɛrɛ lo, yé yara i kua, bléyian va lé maa i ma we vo i kɛlɛwenu faa ma, ’bɛ bléyi va. A zo lé Mizan Gakelebale a fe.

Malasi 4:3

Yé ka dan mi nyanénu zɔn lɛ; wo dan kɛlɛ lɛ ka gane wuo bélé kyɛyee zo, yi lé maa a a ma’lɛrɛna, a yi nya. A zo lé lai sunyanu lé Gakelebale a fe.

Matio 3:12

Alé guli a a lee. É dan élé ’sa sunwo lɛ, yé é a fɛɛ, yé é dan élé ’sawɔlɛ zén lɛ ’sawɔlɛ tadɔna, naa, é dan ’sa pɛɛnu kyɛ ble lɛ, kyɛ lé é ’ka dirian monomono lo, a va.

Ébrunu 6:8

Naa, dé éé léliyilinu valé goligyɛné baan, ’té é a sɔnvɔma tɛrɛ lé, é vo sɛ yé wo bale pa a ma, a nya. Alé we é dan nyaa lɛ a kyɛblele nya.

2 Piɛri 2:9

Dé Kazambale munu ’konu lé we faa yuɛ gi bo tegele a zo ’naan, ’té Mizan ’ka bɔalɛ léé, élé zisɔlɛmunu si wo gidanle gi loo? É ’ka bɔalɛ léé, é mi plenu tadɔ welɛdɔle wo gi webleyi nya we gi loo?