Ézai 27:3 - Kazambale lé Sebe Sauunu 1979

³ Maa, Gakelebale, maa ɛ ke a tabinzan nya. An ’yi zén‐é a ta bléyi faa va, an yuɛ paan a va é yiéyi valé é béli, dé wo da a sɛrɛ.

Ézai 27:3 ပူးပေါင်းရင်းမြစ်များ

Wepélisiananu 6:17

Maa dan lɛɛ blɛn zun lɛ tɛrɛ la, fɛ faa lé éé flin‐é la wuo, wo sɛrɛle we gi. Fɛnu faa lé ke tɛrɛ la, wo dan ga lɛ.

Wepélisiananu 9:9

Ka ye, maa gi pa do ka va, ka valé ka kulunu va.

1 Minwiinzannu 8:59

Zantévɔdérenu lé maa fe Gakelebale lɛ, ’é vo Gakelebale kolé Bale tɔné gi bladi nyanadi, yé ’é é wuozan valé ’élé munu mawe kɛlɛ tegele yi faa do do ma,

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:5

Yuu do ana, Bale lé fla blɛn lé ke Loruzan nyanana lé kɔn sauun nya, ana, A yorole éé ana munu gi nanama;

Ézai 31:5

Mianénu woo bɛa buaan ’wolé nénu ta fɛan zo, a zo duo lé lai sunyanu lé Gakelebale é dan bua lɛ Jérusalɛm ta. É dan wo takuun lɛ, é dan wo si lɛ munu lee; é dan gié lɛ wo ta yé é wo si we gi.

Ézai 42:6

Maa, Gakelebale, maa i laa i sile we gi we ma, Yé maa dan kun lɛ i bɛ ma, Maa dan yuɛ pa lɛ i va, yé maa i dɔ maa valé munu gi pa do fɛ nya, I kɛlɛle bɛnnu vakinisan nya we ma,

Ézai 44:3

Naa, an dan ’yi zén lɛ tɛrɛ wiéwié ta, Maa dan ’yi yoro lɛ tɛrɛ gale ta; Maa dan an léli zén lɛ i bɛn ta, Maa dan i kulu drɔɔ vo lɛ.

Ézai 46:4

Ka dan kwa gyɛ lɛ, ’té maa a an dɔbɛ gi, Ka dan kwa gyɛ lɛ, ’té maa bɔa ka va; Maa ka kɔné si é kyɛn, yé maa dan a si lɛ é ziin, Maa dan bɔ lɛ ka va, yé maa dan ka si lɛ we gi.

Ézai 46:9

Wenu lé wo kɛlɛ é kyɛn bɛ, wo sele ’é dɔ ka gi ma; Naa, maa a Bale nya, ’bɛ bɛ ’ka lo, Maa a Bale nya, an bɔmazan ’ka lo.

Ézai 49:8

Gakelebale léma: Zin kɛlɛ mi lɛ bléyi va, maa dan i dére ’ma lɛ, Misiéwegi yi nya, maa dan bɔ lɛ i va; Maa dan i tabin lɛ yé maa dan i dɔ lɛ maa valé munu gipadozan nya Tɛrɛ vɔle a ma we ma, Yé tɔnɔfɛnu lé wo sɛrɛ turu, i dan wo guli lɛ é ziin wozannu ma;

Ézai 5:6

Maa dan a vo lɛ é gɔ nya; maa ’ka dan a ma bɔi lɛ yé maa a féi pa é dɛrɛ lo; plésɔné léliyili valé lélinu é dan tuu lɛ ana; yé maa dan latinu béli dɔ lɛ léé, té wo lɛɛ da a ta é dɛrɛ lo.

Ézai 58:11

Gakelebale é dan zi gɔɔn lɛ i lɛ yifaama. É dan i boen kan lɛ fɛna gale na; é dan i wi faa dɔ lɛ plɛplɛ; i dan kɛlɛ lɛ bélé féi lé wo ’yi zén a ta, a zo, bélé ’yi’wuo lé a gi ’yi ’ka bélié lo, a zo.

Ézai 60:16

I dan bɛnnu lé fɛ nyɔnɔzannu ble lɛ Yé minwiinzannu é dan i pa lɛ, Yé i dan a gi dɔɔ lɛ léé, maa a Gakelebale, i siéwegizan nya, I tabozan nya, Jakɔb lé Mi plɛplɛ nya.

Ézékiɛl 34:11

Naa, Mizan Gakelebale léma: Bé ye, maabozen é dan anlé ’blanu mawe kɛlɛ lɛ, maa dan wo nagini lɛ.

Ézékiɛl 34:24

Maa Gakelebale ɛ dan kɛlɛ lɛ wolé Bale nya, yé an leezan David é dan kɛlɛ lɛ wo nwiinzan nya wo méléna.

Ézékiɛl 37:14

Maa dan an léli pa lɛ ka gi, yé ka dan nwa lɛ é yuɛma. Maa dan ka nyana lɛ kalé tɛrɛ la é ziin, yé ka dan a gi dɔɔ lɛ léé, maa Gakelebale, maa ɛ fe, maa ɛ kɛlɛ. A zo lé Gakelebale a fe.

Ézékiɛl 37:28

Dé maa anlé fɛna sauun dɔ wo méléna bléyi faa zé nya, ’bɛ bléyi va, bɛnnu é dan a gi dɔɔ lɛ léé, Gakelebale lé éé Izraɛl munu paan é yɛrama, maa a a nya.

1 Samuɛl 2:9

É dan é yuɛ pa lɛ é sɔlɛzannu ganepa va, Naa, mi naané é dan zamaga wo lɛ gunutinu va. Naa, guliwuo ’ka dan vo lɛ mi lɛ élé plɛplɛ ma lo.