Ézai 27:12 - Kazambale lé Sebe Sauunu 1979

¹² ’Bɛ bléyi va Gakelebale é dan yilinu nyɔɔn lɛ yé wo poro é dan dia lɛ; é sia yuu yorole ma fɔɔ Éjipiti lé yuu blɛn va, ’kaa Izraɛlnu, é dan ka sia lɛ do do.

Ézai 27:12 ပူးပေါင်းရင်းမြစ်များ

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Ézai 56:8

Mizan Gakelebale lé, éé Izraɛl lé lulazannu zén‐é ékeva, é léma: Munu lé wo zén Izraɛl va é kyɛn kwakwa, maa dan mi bɛnu zén lɛ wo va.

Néémi 1:9

naa, dé ka da an va é ziin, yé dé ka an sɔnnénu pa yé dé ka wo ta tawo, dé wo ka bin fɔɔ yé ka bɔ la glɛ sinaoo, maa dan ka si lɛ ’bɛna yé maa ka zén ékeva, yé fɛ lé maa ana si a va an tɔ pale ’bɛna we ma, maa dan da lɛ ka nya ’bɛna é ziin.

WENÉNÉ LE JAN A GYE (Évangile selon Jean) 10:16

’Bla bɛnu a é ziin anzé nya, ’té wo ’ka gɔrɔ ’ko gi ’blanu nya lo. ’Bɛnu é ziin, é a lé an da wo nya; wo dan an dére ’ma lɛ yé wo dan kɛlɛ lɛ trubɛ do kpen nya yé ’blatabinzan é dan kɛlɛ lɛ do kpen.

WENÉNÉ LE JAN A GYE (Évangile selon Jean) 6:37

Munu faa lé an Ti éé wo no an lɛ, wo dan da lɛ an va, yé mi lé é da an va, an ’ka dan sɔn vɔ lɛ a ma monomono lo.

WENÉNÉ LÉ LUK A GYE (Évangile selon Luc) 15:4

Ka va mi kyɛn lé, dé ’bla yɔ soru a a lee yé a do san a lee, é ’ka a yɔ ziɛn wɔlɛ vu ta sɔraziɛn voo bwi gi yé yee lé é san, yé é go a nagini fɔɔ yé é a ye loo?

Amɔs 9:9

Ka ye, maa dan an dére do fe lɛ, yé maa dan Izraɛlnu fɛɛ lɛ bɛngɔnɔnu faa méléna, bélé fɛan zo lé woo ’sa fɛɛan guli ta, ’té a wɔlɛ do kpen ’ka diaan tɛrɛ va lo, a zo.

Jérémi 3:14

Gakelebale léma: ’Kaa nwamimazannu, ’ka da ka pa gi. Naa, maa a kazan nya. Maa dan mi do do si lɛ fla do do ta, yé an dan mi fié fié si lɛ ka nyanale gi do do yé maa da ka nya é ziin Siɔn.

Ézai 17:6

É dan vo lɛ bélé ɔliviyili gɔ ma zo, ’té wa yili nyɔɔn, ’té a poro fié valé yaa vo a nwiin yé a poro ziɛn valé soru vo a bɛnu ’léé, a zo. Gakelebale Izraɛl lé Bale ɛ fe.

Lɛrɛvɔ Sɛbɛ 72:8

É dan pla lɛ munu nwiin, é sia wɛyi ’ko ma yé é bɔ a koɛ ma, É sia yuu ma yé é bɔ fɔɔ tɛrɛ glɛ sina.

Lɛrɛvɔ Sɛbɛ 68:22

Iin, Bale é dan é nyanézannu ’wuo ’wii lɛ, Munu lé woo ’wolé tɛrɛla kɛla wenyané kɛlɛle nya, é dan wo bɛlo fɔn lɛ.

Ézai 49:5

Sin, Gakelebale a wefena, Yee lé é an ma’lɛrɛ an yaabléyi va an kɛlɛle ’é wuozan nya we ma Léé, maa da Jakɔb nya ’é va é pa gi, Izraɛlnu lé wo ke é kinile ékema, an da wo nya ’é va é pa gi; Naa, an tɔ a é bɔle Gakelebale yuɛ gi, Yé anlé Bale a anlé plɛplɛ nya.

Jérémi 44:28

Mi ’léé kiéné lé wo so gwɔun lee, wo dan si lɛ Éjipiti tɛrɛ la yé wo dan go lɛ Juda tɛrɛ la. Naa, Juda munu faa lé wo da nyana lɛ Éjipiti tɛrɛ la, dé an dére lɛ é dan sɔɔ lɛɛ? ɛɛ, dé wozé lɛ é dan sɔɔ lɛɛ? wo dan a ye lɛ.

Ézékiɛl 20:34

Maa dan ka si lɛ munu méléna, maa dan ka si lɛ tɛrɛnu lé ka go ana, wo ta, yé maa ka zén ékeva an bɛ plɛplɛ valé an bɛ soile nya, é valé an wɛwɛ dɔle nya ka ma.

Ézékiɛl 20:41

Tɛrɛnu lé maa ka nwɛɛn ana munu méléna, dé maa ka si ana bléyian va, ’bɛ bléyi va maa dan ka si lɛ bélé lasikɔrɔ gin néné zo. Yé ka dan maa kɛlɛ lɛ segele bɛnnu yuɛ va.

Ézékiɛl 39:25

Amalé Mizan Gakelebale léma: Sin, maa dan Jakɔb lé munu si lɛ luu gi yé maa da wo nya wo pa gi. An nyanai é dan zén lɛ Izraɛl munu faa ta, yé maa dan kɛlɛ lɛ maawozan nya an tɔ sauun lé we ma.

Ézékiɛl 47:19

A yirinwana bɛyilazia glɛ éé sié Tamaa fɔɔ yé é bɔ Mériba ’yinu ma Kadɛs, yé é go ’yiyoro zuo fɔɔ yé é zén wɛyi blɛn ma. ’Bɛ ɛ dan kɛlɛ lɛ alé yirinwana bɛyilazia zé glɛ nya.

Zakari 8:7

Lai sunyanu lé Gakelebale léma: Ka ye, maa dan anlé munu si lɛ yirinwanazia valé yirivɔnazia tɛrɛnu ta.

Jozué 15:4

’bɛ zuo é Asimɔn kini yé é go fɔɔ Éjipiti lé yuu va yé é nyaa wɛyi ma. Yee lé ke kalé yirinwana bɛyilazia glɛ nya.

1 Minwiinzannu 8:65

’Bɛ bléyi va Salomɔn valé Izraɛl faa fɛti kɛlɛ. Mi gbau lé wo si Amata zi fɔɔ yé é bɔ Éjipiti lé yuu ma, wo zén ékeva Gakelebale kolé Bale ’lɛ yi sɔrafié, a zuo wo yi sɔrafié kɛlɛ é ziin, a faa kɛlɛ yi vu ta ziɛn nya.