Ézai 27:1 - Kazambale lé Sebe Sauunu 1979

¹ ’Bɛ yi ’ko la, léviatan lé ke bélé yiripan zo élé tawole fiéfié nya, Gakelebale é dan a gyɛ lɛ élé gwɔun yuyu plɛplɛ blɛn nya. Léviatan lé éé tawoo é plinle nya bélé ménénwunnu zo, é dan a gyɛ lɛ; wi blɛn lé ke wɛyi va, é dan ’bɛ gyɛ lɛ.

Ézai 27:1 ပူးပေါင်းရင်းမြစ်များ

JOB (Job) 26:13

Éé fu fɛɛan yé la é vo drɔɔ A bɛ é so wɛyi va wi blɛn zi.

JOB (Job) 3:8

’Monédɔmunu ’wo bale pa a ma ma, Munu lé woo yuéi bli flian, ’wo bale pa a ma ma.

JOB (Job) 40:19

Naa, plɛplɛ pla nya lé wa kunwoo? Wo bɔalɛ léé, wa kun séli nya yé wa nyé fɔɔn?

JOB (Job) 41:1

Mi do kpen ’ka pale ébo ta a bli nwale we gi lo. Amalé de ɛ dan dɔ lɛ an ’lɛɛ?

Lɛrɛvɔ Sɛbɛ 104:26

A ta lé ’yitagoronu éé tawoo, Wo valé wɛyi va fɛ yuɛmale blɛn lé bé kɛlɛ léé, ’é zana gyɛ wɛyi va, wo nya.

Lɛrɛvɔ Sɛbɛ 45:3

I a é nɔnɔmi é mini blami benu ta, Zin a é zénle i lɔlu gi Amalé Bale i drɔɔ vo yifaama.

Ézai 26:21

Naa, ka ye, Gakelebale nwa é nyanana yé é dan we lɛdɔ lɛ tɛrɛlamunu gi wolé wenyané blɛnnu ma, yé tɛrɛ é dan mi nyɛ zanale ta bɔra lɛ; é ’ka dan migyɛle yɔɔ lɛ é dɛrɛ lo.

Ézai 51:9

Gakelebaleoo, ’i nwa, ’i bɛ kun ilé zana ma, bé gyɛ. ’I nwa, bé kɛlɛ bélé é vinin zé zo, Bélé é li zé zo. Biian i Éjipitinu gyɛ loo? Biian i wi nyané blɛn fɔn loo?

Ézai 65:12

kazé é dan kɛlɛ lɛ gwɔun nya, yé ka faa é dan powuo zun lɛ yé wo ka bɔrɔ bo. Naa, maa ka laa, yé ka ’ka we lɛ an zi lo; maa we fe, yé ka ’ka tɔné dɔ lɛ an lɛ lo; naa, ka wenaané kɛlɛ an yuɛ gi. We lé é ’ka an ginanawe nya lo, yee lé ka si a va.

Ézai 65:25

Glau valé ’blané é dan lu ble lɛ ékeva. Golizra é dan lu ble lɛ bélé diri zo, yé méné é dan vun ble lɛ. Wo ’ka dan fɛ tuo lɛ lo, yé wo ’ka dan fɛ sɛrɛ lɛ lo anlé gɔ sauun faa nwiin. Gakelebale ɛ fe.

Ézai 66:16

Kyɛ nya lé Gakelebale élé we lɛgi paan; alé gwɔun éé we lɛdɔa mi faa gi, yé Gakelebale é dan mi kiɛre gyɛ lɛ.

Jérémi 47:6

Gakelebale lé gwɔun, i dan flin lɛ mɛ bléyi vaa? ’I wɔra i kɔlɛ gi é ziin, Yé ’i vo ana drɔɔ.

Jérémi 51:13

Bii lé i ke é nyanale ’yi blɛnnu sɔnɔ, ’té ilé fɛwezannu ke di, i bɔ izé ’wuo plana; ilé fɛyilɔrɔ glɛ dɔ.

Jérémi 51:34

Jérusalɛm léma: Babilɔn nwiinzan blɛn Nébukanɛsaa an ble, é an sɛrɛ; É an kɛlɛ bélé bɔkoro zo; É an mini bélé dragɔn zo; É kan anlé fɛwezannu nya, É an bin.

Ézékiɛl 29:3

Bé fe wo lɛ léma: Mizan Gakelebale léma: Bii yuéi blɛn lé i yiaan ilé yuunu va yé i léé: Anlé yuu a anzé nya, maa ɛ a kɛlɛ, bii Éjipiti munu nwiinzan blɛn Faraɔn, ko kee i nya kyɔ.

Amɔs 9:3

Dé wo yɔɔ Kaamɛl gɔ zoroné ma, maa dan wo gini lɛ ana, yé maa dan wo kun lɛ; dé wo yɔɔ an lee wɛyi wɔlɛ maoo, maa dan a fe lɛ ménénu lɛ léé, ’bɛnu ’é suiɛ dɔ wo ma ’bɛna.

Wegɔɔnle 12:3

Givuruwe do bɔra la gi é ziin. Dragɔn blɛn sɔɔn doan ke, a ’wuo a sɔrafié yé a béli a vu yé kyankoro sɔrafié a a ’wuo ma.

Wegɔɔnle 13:11

A zuo maa wi bɛ ye bɔrana tɛrɛ gi, a béli fié a ’blané zé zo, yé éé we fé bélé dragɔn zo.

Wegɔɔnle 13:4

Dragɔn ézé plɛplɛ nɔ wi lɛ amalé wo dia ’wo bli la a ’lɛ, yé wo dia ’wo bli la wi ’lɛ é ziin, yé wo léé: Wi ’ko danmazan a kyɛɛn? De ɛ bɔalɛ léé, é guli dan a vaa?

Wegɔɔnle 16:13

Yé yo tiridɔlenu yaa lé wo ke bélé yolunu zo, maa wo ye bɔrana dragɔn koo, wi koo, viébalelayezan koo, wo ’léé.

Wegɔɔnle 17:1

’Bɛ zuo lanje sɔrafié lé, kana sɔrafié ke wo lee, wo vazan do da yé é we fe an lɛ, yé é léé: ’I da, gɔnégini le baba lé é ke é nyanale ’yi blɛnnu ta, alé we é dan nyaa lɛ fɛan zo, maa dan a gɔɔn lɛ i lɛ.

Wegɔɔnle 17:15

Yé é lé an lɛ léé: ’Yinu lé bé ye, ’té gɔnégini le ke é nyanale wo ta bɛ, wa migɔnɔnu koo, mi gunu koo, bɛnnu koo, dérenu koo, wo nya.

Wegɔɔnle 19:21

Yé wisootazan mi pɔnénu gyɛ gwɔun lé é bɔra a ’léé, a nya; yé mianénu faa kan wo wi nya.

Wegɔɔnle 2:16

Amalé ’i bli nɔla; dé ’bɛ kaan lo, maa dan i va laoɛ, yé maa dan guli dan lɛ wo va an ’léé gwɔun nya.

Wegɔɔnle 20:2

É dragɔn kun, méné kwa lé é ke yonufaatagɔné valé Satan nya, é a kun, yé é a yere lɛɛ wuru soru zé nya.