Ézai 26:8 - Kazambale lé Sebe Sauunu 1979

⁸ Gakelebaleoo Gakelebale, ko a i lɛbɛnna é ziin, ilé weblebɛ yɛrama. I sele ’é dɔ ko gi, i tɔ lɔrɔ ma lé ko flin‐é.

Ézai 26:8 ပူးပေါင်းရင်းမြစ်များ

2 Samuɛl 23:5

Gipawe lé a glɛ ’ka lo, ’té Bale a kɛlɛ an va bɛ, É a giwe fe wo ke zuo ke zuo yé é a sɔbɛlawe nya, Amalé anlé kɔn lé we ’ka dan kɛlɛ lɛ ’bɛ zo loo? É ’ka dan an bélile valé anlé blibɔmawenu gɔn bɔ lɛ loo?

Lɛrɛvɔ Sɛbɛ 106:3

Munuan woo tawoo bélidɔwe ta, ’Té woo we tegele kɛla bléyi faa va, wozé a néné.

Lɛrɛvɔ Sɛbɛ 130:5

An bli a Gakelebale lɛ; an boen a é pale a ta, Yé maa a alé blivolɛdére lɛbɛnna.

Lɛrɛvɔ Sɛbɛ 18:23

A déretawenu faa a an ’lɛ Yé an ’ka saan lɛ alé bélidɔwenu gi pelo.

Lɛrɛvɔ Sɛbɛ 42:2

Fɛan zo lé vɔlɛ éé flin‐é ’yi lé éé yoroan, a minilɔrɔ nya, Oo Bale, a zo duo lé an boen éé flin‐é i yelɔrɔ nya.

Lɛrɛvɔ Sɛbɛ 65:6

Ko Siéwegibale, ilé zin ma lé i kolé we zi paan we blɛnblɛnnu kɛlɛle nya, Munu lé ke baa tɛrɛ valé wɛyi glɛ sina bɛ, wo bli a i lɛ.

Lɛrɛvɔ Sɛbɛ 73:25

De ɛ ke anzé nya la gii? Bii do kpen kaan loo? Yé an gi éé nanaan bii do ɛ gi tɛrɛ la ’ko.

Lɛrɛvɔ Sɛbɛ 84:2

Lai sunyanu lé Gakelebale, I nyanananu a é zima ’lɛ.

Fwile 3:15

Kazambale lé é ziin Moizi lɛ léé: I dan we fe lɛ ’ko zo Izraɛl lé nénu lɛ, léé: Gakelebale, wo tinu lé Bale, Abraam koo, Izak koo, Jakɔb koo, wolé Bale i nwunvɔ wo va. Yee Gakelebale ɛ ke an tɔ nya lɛɛfaama, ’bɛ ɛ ke an tɔ nya mi kulu é kulu gi.

Wegɔné Ma Lɛrɛ 5:8

Jérusalɛm lomu, an bɛ gi vɔ ka lɛ, Dé ka an sɔlɛzan ye, Ka dan a fe lɛ a lɛ nɔɔ? ’Ka fe a lɛ léé, a lɔrɔ vɔ an ma gyɛ nya. —

Ézai 12:4

Yé ka dan a fe lɛ ’bɛ yi la léé: ’Ka Gakelebale tɔ zin fe, ’ka a tɔ laa, Ka a kɛlɛwenu zana dɔɔ munu va, ’Ka a tɔ blɛn sele dɔ wo gi.

Ézai 24:15

’Ka Gakelebale tɔ bɔ fɛana lé san ke bina, ana; ’ka Gakelebale Izraɛl lé Bale tɔ bɔ wɛyi méléna tɛrɛnu ta.

Ézai 25:1

Gakelebaleoo Gakelebale, i a anlé Bale nya; Maa dan i kɛlɛ lɛ blɛn, ’té maa i tɔ ma gya, Naa, i migisanmawenu kɛlɛ; Wenu lé wo dɔ i gi a bléyi ’lɛ, i wo lɛ sɔɔ yarapalale nya.

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Ézai 26:13

Gakelebale, kolé Bale, mi bɛnu pla ko nwiin turu, ’té bii ’ka ko nwiin lo, Naa, bii do kpen lé zin ma lé ko i tɔ laan.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 33:2

Gakelebale, ’i nyanai zén ko ta. Ko bli a bii ɛ lɛ. ’I bɔ ko va tu faa do do ma; ’i ko si we gi kolé kleblebléyi va.

Ézai 49:23

Minwiinzannu valé wo lunu, wo dan kɛlɛ lɛ ilé nénu pazannu nya; Wo dan bua lɛ tɛrɛ va i ’lɛ, Yé wo dan vungoi flan lɛ i gane ma, Yé i dan a gi dɔɔ lɛ léé, maa lé ke Gakelebale nya, Yé munu faa lé wo bli ke an lɛ, yara ’ka dan wo gyɛ lɛ lo.

Ézai 51:4

Anlé munu, ’ka tɔné dɔ. Anlé bɛn, ’ka an ban ka tɔné nya. Bélidɔwe é dan si lɛ maa ɛ va, Maa dan anlé bélidɔwe kɛlɛ lɛ migɔnɔnu vakinisan nya.

Ézai 56:1

Gakelebale léma: Kalé tawogane ’é drɔ tegele yé ’ka we tegele kɛlɛ; naa, é vo sɛ yé an dan ka si lɛ we gi, yé anlé wetegele na é dan gɔɔn lɛ é kele,

Misé 4:5

Dé munu faa a tawona ’wolé bale tɔ gi do do‐oo, naa, ko, ko é dan tawo lɛ Gakelebale kolé Bale tɔ gi, yifaama, a glɛ ’ka lo.

Misé 7:7

Dé é a anzé nya, an dan an yuɛ vo lɛ Gakelebale lɛ, yé maa dan pa lɛ an siéwegizan Bale ta. Anlé Bale é dan an dére ’ma lɛ.

Malasi 4:4

Bélidɔwe lé maa a nɔ an wuozan Moizi lɛ Orɛb gɔ nwiin, a sele ’é dɔ ka gi; maa wepladére valé sɔnnénu fe a lɛ Izraɛl faa zé nya.

Mi Nɔnɔle 36:13

Bélidɔwenu valé ’é sɔnnénu lé Gakelebale a nɔ Izraɛlnu lɛ Moizi lɔlu nya, Moab lé fɛna pɛblɛɛna, Juudɛn yuu sɔnɔ, Jériko yara, yee lé ke bɛ.

WENÉNÉ LÉ LUK A GYE (Évangile selon Luc) 1:6

Wo fiénu a mi tegele nya Kazambale yuɛ gi. Mizambale lé bélidɔwe faa koo, a ma we tɛtɛnénu faa koo, wa kɛla ’kyɛ, yé gun ’ka vo lɛ wo kɛlɛwe do kpen ma lo.

Kelewenu 1:4

Jézu ke aan wo é zuomunu va, é lé wo lɛ léé, té wo si Jérusalɛm lo, naa, Tɔrɔpaazan lé a Ti a fe léé, é dan a nɔ lɛ wo lɛ, ’wa lɛbɛn, yé é lé wo lɛ léé: Yee lé maa a fe ka lɛ é kyɛn.

Rom munu 8:25

Naa, kaa bli a fɛan kaa ’ka a yé lo, a lɛ, amalé kaa a a lɛbɛnna bli tiéé nya.

2 Tɛsalɔnik munu 3:5

Yé Mizan ’é go ka nya Kazambale lé sɔlɛle va, é valé Krist lé bli tiéé va ma.