Ézai 26:7 - Kazambale lé Sebe Sauunu 1979

⁷ We drɔle a mi tegele lé zi nya; Bii lé i ke tegele, i mi tegele lé zi ta bɔa ékema.

Ézai 26:7 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

JOB (Job) 31:6

Bale ’é an dan kilo tegele ta ma, Yé é dan a ye lɛ léé, gun ’ka anlé tawobɛ ma lo.

Lɛrɛvɔ Sɛbɛ 1:6

Naa, Gakelebale mi tegelenu lé zi dɔɔ, Yé wenyanékɛlɛzannu lé zi éé goo mi sɛrɛna.

Lɛrɛvɔ Sɛbɛ 11:4

Gakelebale a é bankɔn sauun gi, Gakelebale lé webleblin a la gi; A yuɛ éé blaminu naginian, ’Té a yuɛlakɔné éé wo gi daan.

Lɛrɛvɔ Sɛbɛ 11:7

Naa, Gakelebale a tegele; we tegele éé sɔa a lɛ. Mi drɔlenu é dan a yara ye lɛ.

Lɛrɛvɔ Sɛbɛ 25:4

Gakelebale, ’i an bɔn‐in kini i zuo tawobɛnu ma, ’Ilé zinu tawe paa an gi.

Lɛrɛvɔ Sɛbɛ 25:5

’I go an nya ilé webozen lé zia yé ’i we paa an gi. Naa, i a an Siéwegibale nya, Bii ɛ lɛ lé an bli ke yifaama.

Lɛrɛvɔ Sɛbɛ 27:11

Gakelebale, ’i kɛlɛwenu paa an gi, ’I go an nya zi tegele ta An nyanézannu lé we ma.

Lɛrɛvɔ Sɛbɛ 5:9

Gakelebale, ’i go an nya ilé we tegele gi an nyanézannu lé we ma, ’I ilé zi ta bɔ ékema an gane wuo.

Wegɔnévɔlenu 11:5

Mi lé a dɔbɛ ke wéiin, alé we tegele alé zi ta bɔa ékema, naa, mi nyané éé diaan élé wenyané kɛlɛle ma.

Wegɔnévɔlenu 20:7

Mi tegele éé tawoo é dɔbɛ wéiin gi; alé nénu lé woo dan a zuo, wo gi éé nanaan.

Wegɔnévɔlenu 21:8

Wegyɛzan éé giéan zi plinlenu ta, naa, weanwiinlozan éé we drɔle kɛla.

Wegɔnévɔlenu 3:6

’i gi bɔrɔ a ma ilé tawobɛ faa gi, yé é dan ilé zinu ta bɔ lɛ ékema.

Wegɔnévɔlenu 4:18

Mi tegelenu lé zi a bélé san lé éé bié nyananyana, a zo; a bile gi éé goo gyɛle nya fɔɔ yé yiéyi é pa.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 35:8

Wo dan zi do pla lɛ ana gbéin nya; Zi ’ko, wo dan a laa lɛ Bale lé zi tinle. Mi tiridɔle do kpen ’ka dan gié lɛ ana lo; é dan kɛlɛ lɛ wo saa zé nya; Munu lé wo ke tawona zi ’ko ta, dé wa ’tugyɛzan boen nyaoo, wo ’ka dan saan lɛ a ’léé lo.

Ézai 42:16

Maa dan a kɛlɛ lɛ léé, yuɛwiimunu é tawo zi lé wa dɔɔa lo, a ta, Maa dan go lɛ wo nya zi prɔɔné lé wo ’ka a dɔɔa lo, a ta; Maa dan gunuti nɔla lɛ san nya wo ’lɛ, Yé maa dan zi plinle drɔ lɛ zi tegele nya; We lé maa dan a kɛlɛ lɛ, yee lé ke bɛ, yé an ’ka dan sɔn vɔ lɛ wo ma lo.

Ézai 52:12

Té ka nwa wiao lo, Té ka go bélé vɔfliizannu zo lo, Naa, Gakelebale é dan go lɛ ka ’lɛ, Yé Izraɛl lé Bale é dan da lɛ ka zuo.

Ézai 57:2

Mi lé éé tawoo zi drɔle ta, é dan wɔra lɛ vole drɔɔ na, yé é dan flin lɛ élé yialafɛ ta.

Jérémi 10:23

Oo Gakelebale maa a gi dɔɔ léé, A se ’ka blami lɛ léé, é ’ébo lé zi si a va lo, A se ’ka tawozan lɛ léé, é ’ébo lé tawogane drɔ lo.

OZÉ (Osée) 14:9

Mi lé é we dɔɔ, ’é gi bɔrɔ we ’konu ma ma. Mi lé a ’wuo ke a ta, ’é wo ’ma ma. Naa, Gakelebale lé zinu a é drɔle tegele; mi tegelenu é dan tawo lɛ wo ta, naa, nwamimazannu é dan dia lɛ ana.

Sofoni 3:5

Gakelebale a wo va mi tegele nya; é ’ka weple kɛla pelo. Bladi faa do do ma éé élé webledérenu bɔraan gɔrɔ la, é ’ka yi do kpen buuan lo. Naa, mi lé éé weple kɛla, é ’ka yaragyɛwe dɔɔa lo.

1 Korent munu 4:5

Amalé maa léé, té ka we do kpen ble a blebléyi ’lɛ lo, fɔɔ yé Mizan ’é da. Wenu lé é ke é yɔɔle gunutinu va, yee ɛ dan wo bɔra lɛ san va. Yee ɛ dan mi bɔngiwenu bɔra lɛ munu yuɛ va. Yé munu lé wo tɔ zin fe yara lé, Kazambale é dan wo tɔ zin fe lɛ.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

Éfez munu 2:10

Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.

1 Jan 3:10

We ’ko ma lé woo Kazambale lé nénu dɔɔan yé woo yo lé nénu dɔɔan. Dé miomian é ’ka we tegele kɛla lo, ’té é ’ka Kazambale zé nya lo, yé mianzan bwe ’ka sɔ lɛ ’é lɛ lo, ’bɛzan ’ka Kazambale zé nya lo é ziin.

1 Jan 3:7

Né kiénénu, té mi do é dabli kɛlɛ ka lɛ lo ma. Mian é ke we tegele kɛlɛna, ’bɛzan a tegele, bélé fɛan zo lé Jézu ke tegele, a zo.