Ézai 26:4 - Kazambale lé Sebe Sauunu 1979

⁴ ’Ka pa Gakelebale ta, té ’bɛ glɛ é dɔ lo, Naa, Gakelebale a gɔlɛgɔ nya lɛɛfaama zé nya.

Ézai 26:4 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:20

’Bɛ é tu kini, wo zi sia bladi tutu gole Tékoa bwi la we ma. Wo zi sia bléyian va, tɔɔn Jozafat dɔ wo ’lɛ yé é léé: Judanu valé Jérusalɛm munu, ’ka tɔné dɔ an lɛ. ’Ka pa Gakelebale, kalé Bale ta, yé ka dan dɔ lɛ gligli. ’Ka pa alé balelayezannu ta, yé kalé we va é dan gyɛ lɛ.

2 Minwiinmunu lé Wezuofe Sɛbɛ 32:8

Blaminu bɛ nya lé wo ’wozé kɛla, naa, Gakelebale, kolé Bale ɛ ke ko va, yé é dan bɔ lɛ ko va, yé é dan ko ta guli dan lɛ. Yé munu pa Juda nwiinzan blɛn Ézékia dére ta.

JOB (Job) 9:19

É a lé maa plɛplɛ naginii? Yee ɛ ke plɛplɛfaazan nya. É a lé anlé wenéné naginii? De ɛ dan go lɛ an nya weblezan vaa?

Lɛrɛvɔ Sɛbɛ 125:1

Gɔ gié lɛrɛ do lé. Munuan woo paan Gakelebale ta Wa bélé Siɔn gɔblɛn zo; a ma ’ka nyɔɔnma lo, É a é dɔle gligli lɛɛfaama, a glɛ ’ka lo.

Lɛrɛvɔ Sɛbɛ 18:2

Oo Gakelebale, anlé plɛplɛ, i sɔ an lɛ.

Lɛrɛvɔ Sɛbɛ 46:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. ’Wa vɔ lɛrɛvɔafɛ lé wa laama alamota, a va. Bale tɔbɔlɛrɛ do lé.

Lɛrɛvɔ Sɛbɛ 55:22

A nɛnɛ la a néné bélé zɔrɔnyɔnɔ blagi lé, Naa, guli a a bli gi; A dérenu a yɔrɔyɔrɔ bélé nyɔnɔ zo, Naa, wa bélé gwɔun lé wa soo é kɔlɛ gi, a zo.

Lɛrɛvɔ Sɛbɛ 62:11

Té ka pa glawe ta lo, Yé té ka bli pa kyeenwole gi lo, a tɔnɔ ’ka lo. Dé fuanu gi gyɛ, Té ka bli é vo ’bɛ lɛ lo.

Lɛrɛvɔ Sɛbɛ 62:8

Bale va lé an sile we gi valé an ginanale ke. Bale a an takuun gɔlɛgɔ nya; yee ɛ gi lé maa yɔɔma.

Lɛrɛvɔ Sɛbɛ 62:9

Migɔnɔnu, ’ka pa a ta bléyi faa va, ’Ka blinu faa nɔ a lɛ. Bale a ko yɔɔna nya. Ka ye do.

Lɛrɛvɔ Sɛbɛ 66:7

Alé plɛplɛ nya lé éé plaan munu nwiin, Éé bɛnnu naginian é yuɛ nya, Té tɔnégiplɛplɛ munu é nwa lo ma. Ka ye do.

Lɛrɛvɔ Sɛbɛ 93:1

Gakelebale a é plale mi nwiin, fuasan a é zénle a ta bélé varɔ zo, Gakelebale plɛplɛ dɔ é gyɛn bélé kyɛsidi zo. É ziin, tɛrɛ a é dɔle gligli, a ma ’ka nyɔɔn‐an lo.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 17:10

Naa, Bale lé é ka si we gi, ka gi san ’bɛ ma, i yɔɔwuogɔlɛ sele saan i gi, azama. Ka féi pa yonu zé nya, ka dɔrɔyili suru bale bɛnu lɛ.

Ézai 30:29

Ka dan lɛrɛ vɔ lɛ bélé fɛti kɛlɛzannu zo é béli; ka gi é dan nana lɛ bélé mi lé ke tawona béli fɛnle yɛrama, a zo, ka gole Gakelebale lé gɔ ma we ma, ka gole Izraɛl lé gɔlɛ ma we ma.

Ézai 32:2

Wo faa do do é dan kɛlɛ lɛ miyɔɔna nya, mi éé yɔɔan fu lɛɛ fɛan zo, a zo, bélé mi lé éé yɔɔan lɛɛ plɛplɛ lee, a zo. Wo dan kɛlɛ lɛ bélé ’yi lé éé yoroan fɛna gale na, a zo; bélé gɔlɛ blɛn furɔ zo, tɛrɛ kyɛdɔle ta.

Ézai 44:8

Té ka kana lo, té ka ma é nyɔɔn lo; Maa ’ka a fe lɛ ka lɛ é li é kyɛn loo? Ka a anlé wenayezannu nya; Dé é ’ka maa nya lo, Bale bɛ aa? Gɔlɛgɔ bɛ ’ka lo, maa ’ka a do kpen dɔɔa lo.

Ézai 45:17

Gakelebale ma lé Izraɛlnu si we gi, Sile we gi lé a glɛ ’ka lo, yee lé. Yaragyɛwe ’ka dan bɔ lɛ ka ma lo, yé yara ’ka dan ka gyɛ lɛ lo, Fɔɔ, lɛɛfaama, a glɛ ’ka dɔa lo.

Ézai 45:24

Wo dan a fe lɛ an lɛ léé: Gakelebale do kpen gi lé wetegele valé plɛplɛ ke; Munu faa lé wo bli fli a ma, Wo dan da lɛ a va, wo gi blinle wo ma we gi.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Ézai 51:5

Anlé wetegele kɛlɛle bɔ é pu, anlé mi sile we gi é dan bɔra lɛ, An dan munu lé we ble lɛ an bɛ nya; Wɛyiworona tɛrɛ lamunu bli é dan kɛlɛ lɛ an lɛ, Dé wa an bɛ gi, wo gi é dan san lɛ wo ma.

Ézai 63:1

Mi kyɛn ɛ ke sina Édom valé Bozra, ’té éé dan varɔ sɔɔn valé sɔ bile nyananyana nya é ta bɛɛ? Alé plɛplɛ blɛn lé é a fe, yé é ébo kɛla a gi blɛn bɛ, de léé? Maa lé; maa ɛ mi sile we gi fe yé mi vole éboma lé plɛplɛ a an lee.

Daniɛl 3:17

Minwiinzan blɛn, bé ye, kozé Bale lé ko bɔa, é bɔa ko sile lɛ ’furu lé kyɛ a tana, a gi. Yé é dan ko si lɛ i lee.

Daniɛl 3:28

Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.

Bélidɔwesɛbɛ Fiézan 33:27

Bale lé a glɛ ’ka lo, é a mi vɔzizan nya, Yé woo yɔɔan a bɛ lé é ’ka nyaan lo, a wuo. É i nyanézan bin i ’lɛ, Yé é léé: ’Bé kulu ga.

Filip munu 4:13

Krist lé é an dɔ plɛplɛ, an bɔa we faa kɛlɛle lɛ alé plɛplɛ nya.

1 Samuɛl 2:2

Mi do kpen ’ka sauun Gakelebale zo lo; Bii do kpen ɛ ke Bale nya. Kolé Bale ɛ ke gɔlɛgɔ nya é do kpen.