Ézai 26:3 - Kazambale lé Sebe Sauunu 1979

³ Mi lé a bli ta ke plɛplɛ, I vole drɔɔ nɔ a lɛ. É pa bii ɛ ta, amalé é dan vo lɛ drɔɔ.

Ézai 26:3 ပူးပေါင်းရင်းမြစ်များ

Minwiinzannu lé Wezuofe Sɛbɛ 5:20

Mi bɛnu da bɔ lɛ wo va, yé wo Agarénu valé wo vamunu faa kele. Naa, gulidanbléyi va wo siaa Kazambale lɛ, yé wo ’wobo bɛ pa a lee, amalé Bale a ’ma.

2 Minwiinmunu lé Wezuofe Sɛbɛ 13:18

’Bɛ bléyi va yara Izraɛlnu gyɛ, yé guliwuo vo Judanu lɛ. Wo pa Gakelebale wo tranu lé Bale ta, azama.

2 Minwiinmunu lé Wezuofe Sɛbɛ 16:8

Étiopinu valé Libinu lé sunyanu ’ka palu blɛnblɛnnu nya loo? Goronu valé wisoota sunyanu ’ka wo va di loo? Naa, duowo, Gakelebale wo pa i lee. Ka vɔ a zi, azama.

Lɛrɛvɔ Sɛbɛ 119:165

Munuan ilé bélidɔwenu sɔ wo lɛ, vole drɔɔ kiɛre a wozé nya, Yé wenaané do ’ka bɔa wo ma lo.

Lɛrɛvɔ Sɛbɛ 125:1

Gɔ gié lɛrɛ do lé. Munuan woo paan Gakelebale ta Wa bélé Siɔn gɔblɛn zo; a ma ’ka nyɔɔnma lo, É a é dɔle gligli lɛɛfaama, a glɛ ’ka lo.

Lɛrɛvɔ Sɛbɛ 9:10

Munu lé woo yaan ’bɛnu ta, Gakelebale a ’bɛnu yɔɔna nya, É a wo yɔɔna nya wolé kle ble bléyi va.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 26:12

Gakelebale i vole drɔɔ no ko lɛ; Naa, we faa lé ko kɛla, Bii ɛ ke a lɛsɔɔzan nya ko lɛ.

Ézai 27:5

’té dé ka ’ka an si lɛ ka yɔɔna nya lo, yé kaa nana lo, yé kaa nana lo.

Ézai 31:1

Munu lé woo goo Éjipiti tɛrɛ la, bɔ ’wo vazannu gini lɛ, ’té wo pale a wisoonu ta, ’té wo bli a gulidangoronu kiɛre valé wisootazannu kiɛre lɛ yé wo yuɛ ’ka Izraɛl lé Mi Sauun lɛ lo, yé wo ’ka Gakelebale naginian lo, we tɔntɔn ’é kɛlɛ wo lɛ ma.

Ézai 32:17

We tegele kɛlɛwe é dan kɛlɛ lɛ vole drɔɔ nya, yé we tegele tɔnɔ é dan kɛlɛ lɛ flinle valé nyanale duaa nya, yifaama.

Ézai 32:18

Anlé munu é dan nyana lɛ fɛna drɔɔ na, wo dan nyana lɛ kɔnnu lé wo ’ka ’wiié lo, wo gi, wo dan nyana lɛ fɛna drɔɔ na.

Ézai 42:19

Dé é ’ka an wuozan nya lo, de ɛ yuɛ ’wii? De ɛ tɔné ’wii bélé mi lé maa a nwunvɔ, azan zoo? Mi kyɛɛn ɛ yuɛ ’wii bélé Kazambale béé zoo? Mi kyɛn ɛ yuɛ ’wii bélé Gakelebale wuozan zoo?

Ézai 42:6

Maa, Gakelebale, maa i laa i sile we gi we ma, Yé maa dan kun lɛ i bɛ ma, Maa dan yuɛ pa lɛ i va, yé maa i dɔ maa valé munu gi pa do fɛ nya, I kɛlɛle bɛnnu vakinisan nya we ma,

Ézai 48:2

Naa, wo fla plɛplɛ tɔ pa ’wo ma, Yé wo pale a Izraɛl lé Bale lé, Wa tɔ laama lai sunyanu lé Gakelebale bɛ, a ta.

Ézai 49:8

Gakelebale léma: Zin kɛlɛ mi lɛ bléyi va, maa dan i dére ’ma lɛ, Misiéwegi yi nya, maa dan bɔ lɛ i va; Maa dan i tabin lɛ yé maa dan i dɔ lɛ maa valé munu gipadozan nya Tɛrɛ vɔle a ma we ma, Yé tɔnɔfɛnu lé wo sɛrɛ turu, i dan wo guli lɛ é ziin wozannu ma;

Ézai 50:1

Gakelebale léma: Lebɔrasɛbɛ lé maa gyɛ yé maa ka bu bɔra a nya, é kaa? Taa, an ma vɛɛn pazan kyɛn lɛ lé maa ka nɔ anlé vɛɛn ban laa? Ka ye, kalé weplenu ma lé maa ka dan, Yé kalé wenyanénu lé we ma lé an ka bu bɔra.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Ézai 66:12

Gakelebale léma: Maa dan vole drɔɔ nɔ lɛ a lɛ bélé yuu zo. Maa dan bɛnnu lé fua nɔ lɛ a lɛ bélé ’yiyoro lé é bɔra ’é gɔ la, a zo. Yé ’bɛ é dan kɛlɛ lɛ kalé fɛblele nya; wo dan ka si lɛ ’wo bɛ gi, wo dan ka si lɛ ’wo bɔrɔ la.

Jérémi 39:18

Maa dan i si lɛ we gi, wo ’ka dan i gyɛ lɛ gwɔun nya lo; i dan vo lɛ é yuɛma. I pa an ta, azama. Maa Gakelebale ɛ ke a fena.

Daniɛl 3:17

Minwiinzan blɛn, bé ye, kozé Bale lé ko bɔa, é bɔa ko sile lɛ ’furu lé kyɛ a tana, a gi. Yé é dan ko si lɛ i lee.

Daniɛl 3:28

Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

Daniɛl 6:23

Yé minwiinzan blɛn gi nana é baba, yé é léé, ’wo Daniɛl bɔra guru gi. Wo Daniɛl bɔra guru gi, yé wo ’ka tuona do kpen ye lɛ a kɔlɛ ma lo; a pale a élé Bale ta, azama.

Misé 5:5

Wo dan pla lɛ Asirinu nwiin wolé gwɔun nya yé wo dan pla lɛ Nimrɔd lé tɛrɛ la flanu nwiin. ’Bɛ zo lé é dan ko si lɛ Asirinu lee, ’té dé wo da kolé tɛrɛ la yé wo wɔra ana gla nya.

WENÉNÉ LE JAN A GYE (Évangile selon Jean) 14:27

’Ka vo drɔɔ. Maa anlé vole drɔɔ no ka lɛ. Maa ’ka a no ka lɛ bélé fɛan zo lé tɛrɛlamunu a no ka lɛ, a zo lo. Té ka we do kpen gi bɔrɔ pa lo. Té ka kana monomono lo.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

Rom munu 5:1

Ko kɛlɛ tegele blipale ma, amalé ko nana sin Kazambale va, Kozan Jézu Krist lé we ma.

Filip munu 4:7

Yé Kazambale lé vole drɔɔ lé, kalé bɔn‐in bɔrɔlenu ’ka sɔa a gi ’male lɛ lo, é dan ka bli valé kalé gibɔrɔlenu tabin lɛ ka kɛlɛle Jézu Krist gi we ma.