Ézai 26:2 - Kazambale lé Sebe Sauunu 1979

² Wo flagɔrɔ lɛ so, ’Ka zi nɔ yarapawela bɛn tegele lɛ léé, ’wo wɔra.

Ézai 26:2 ပူးပေါင်းရင်းမြစ်များ

Lɛrɛvɔ Sɛbɛ 106:5

Léé, munu lé i wo si a va, maa wolé ginanale ye, Yé an gi é nana ilé munu va, Yé anbo ze vɔ ilé munu va.

Lɛrɛvɔ Sɛbɛ 118:19

’Ka zi tegele lɛ so an lɛ, ’An wɔra ana, yé ’an Gakelebale tɔ zin fe.

Lɛrɛvɔ Sɛbɛ 118:20

Gakelebale lé kɔn ’léé lé é ke ’ko: Ana lé mi tegelenu éé wɔraan.

Lɛrɛvɔ Sɛbɛ 24:7

Duolinu, ka laklénu ’é so, ’Kaa duolinu lé ka ’ka sɛra monomono lo, ’ka lɛ so blɛɛn Minwiinzan tɔbɔle wɔrale we ma.

Fwile 19:6

ka dan kɛlɛ lɛ an banbɛn nya, bɛn sauun nya. Dérenu lé i dan a fe lɛ Izraɛl lé nénu lɛ, wo lé ke bɛ.

Ézai 45:25

Gakelebale é dan Izraɛl kulu faa kɛlɛ lɛ tegele, ’Té éé wo tɔ kɛla blɛn.

Ézai 54:14

We tegele é dan i dɔ lɛ gligli; I kanamawe ’ka lo, amalé gibɔrɔ ’ka i ma lo. Kana blɛn ’ka dan bié lɛ i lɛ é pu lo.

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

Ézai 58:8

Dé bé kɛlɛ, i san é dan bɔra lɛ bélé tukinile zo, yé i dan béli lɛ é kele. Ilé wetegele é dan tawo lɛ i ’lɛ, yé i dan tawo lɛ Gakelebale lé fuasan nya.

Ézai 60:11

Ilé flagɔrɔ ’léé lɛ é dan vo lɛ é sole bléyi faa va; A lɛ ’ka dan tan lɛ é yiéyi valé é béli lo, léé, Bɛnnu ’é da ’wolé fɛwezannu nya i va, Wo nwiinzan blɛnnu valé ’wo bɛgizannu nya.

Ézai 60:18

Wo ’ka dan glawe ’ma lɛ ilé tɛrɛ la é dɛrɛ lo, Wo ’ka dan ’wiile fɛ ta valé fɛ sɛrɛle vun ’ma lɛ ilé fɛna é dɛrɛ lo; Wo dan i gɔrɔ laa lɛ, sile we gi; Wo dan i gɔrɔ ’léénu laa lɛ, tɔzinfele.

Ézai 60:21

Mi tegele saa ɛ dan kɛlɛ lɛ i va; Ana tɛrɛ é dan vo lɛ wozé nya yifaama; Munu ’ko lé maa wo suru, wo dan fɔn lɛ a la, An wo kɛlɛ an tɔbɔzannu nya.

Ézai 61:3

Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

Ézai 62:1

Siɔn sɔle an lɛ lé we ma léé, an ’ka dan tadɔ lɛ lo; Jérusalɛm sɔle an lɛ lé we ma léé, an ’ka dan flin lɛ pelo, Fɔɔ yé munu faa a silewegi ye bélé tukinile zo, Fɔɔ yé munu faa a vole éboma ye bélé sona bile zo.

Ézai 62:10

’Ka giéoo, ’ka gié flagɔrɔ ’léé! ’Ka zi ma’lɛrɛ munu lɛ. Ka zi ta kɛlɛoo kɛlɛ! ’Ka gɔlɛnu si zi ta. ’Ka drapo nwa munu vazia.

Ézai 62:2

Yé bɛnnu é dan i sile we gi ye lɛ, Yé minwiinzannu faa é dan ilé fua tɔ bɔ lɛ; Yé wo dan i laa lɛ tɔ dɛrɛ lé É si Gakelebale ’léé, a nya.

Zakari 8:20

Lai sunyanu lé Gakelebale léma: Migɔnɔnu valé fla kiɛre tamunu wo dan da lɛ é ziin.

Kelewenu 2:47

Woo Kazambale tɔ zin fé, yé wolé we kɛlɛ é zima munu faa yuɛ gi. Yé munu lé wa sina we gi, Mizambale a léglizi gi munu taa pana wo nya yi faa do do ma.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

2 Piɛri 3:13

Naa, alé blivolɛdére yɛrama lé kaa ke la dɛrɛnu valé tɛrɛ dɛrɛ lɛbɛnna, ’bɛna lé we tegele é dan kɛlɛ lɛ.

SEBE LÉ JUD A GYE (Épitre de Jude) 1:3

An béé zinnu, é sɔ an lɛ turu léé, maa sɛbɛ gyɛ ka lɛ, sile we gi lé ke kaa faa zé nya, alé we ma. Yé sin an bli a an nyununa léé, ’maa kɛlɛ, we plale ka lɛ we ma, léé, Kazambale lé we lé wa nɔ Kazambale lé munu lɛ gɔnɔ do lɛɛ faa zé nya, ’ka a ta guli dan.

Wegɔɔnle 21:24

Bɛnnu é dan tawo lɛ a san va yé tɛrɛ la minwiinzannu é dan da lɛ ’wolé fua nya a gi.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;