Ézai 26:1 - Kazambale lé Sebe Sauunu 1979

¹ ’Bɛ yi la wo dan lɛrɛ vɔ lɛ Juda tɛrɛ la léé: Kolé fla plɛplɛ a; É a gɔrɔ kɛlɛ blɛn ko takuunfɛ nya.

Ézai 26:1 ပူးပေါင်းရင်းမြစ်များ

Ezidras 3:11

Wo lɛrɛ vɔ yé wo Gakelebale tɔ kɛlɛ blɛn yé wa tɔ zin fe dére ’konu nya: Naa, é a é zin; naa, alé nyanai zénle Izraɛlnu ta éé voo ana yifaama. Yé munu faa Gakelebale tɔ kɛlɛ blɛn ginanale lé siaalenu nya léé, wa Gakelebale lé kɔn gane vɔna.

Lɛrɛvɔ Sɛbɛ 31:21

Bii ɛ wo yɔɔan i bɛ wuo nyanépawotamunu lee, Dérenu lé wa fé wo ma, bii ɛ wo takuun‐an wo lee ilé kɔn gi.

Lɛrɛvɔ Sɛbɛ 48:12

Siɔn gɔblɛn tamunu gi éé nanaan, Juda lé tɛrɛla blɛnnu gi éé nanaan é baba, Ilé weblelenu lé we ma.

Lɛrɛvɔ Sɛbɛ 48:4

Kazambale lé é ke élé fuakɔn gi, wa dɔɔ léé, é a mi yɔɔna plɛplɛ nya.

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 14:31

Duoli, ’i dunnu; fla, ’i gyɛ bo. Filisitinu lé tɛrɛ faa tere, i ma ’é nyɔɔn. Naa, kyɛgoi a nwana yirinwana bɛbolazia; i nyanézannu lé sunya balenu a é tunule ékema.

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 2:20

’Bɛ yi nya, gɔɔlifu miyilinu valé kyan miyilinu lé munu a kɛlɛ ’wo banyo nya, wo dan wo vuli lɛ koblinu valé bannu lɛ;

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Ézai 31:5

Mianénu woo bɛa buaan ’wolé nénu ta fɛan zo, a zo duo lé lai sunyanu lé Gakelebale é dan bua lɛ Jérusalɛm ta. É dan wo takuun lɛ, é dan wo si lɛ munu lee; é dan gié lɛ wo ta yé é wo si we gi.

Ézai 31:9

Di kinile wo gi lé we ma lé wo dan si lɛ wolé guliyɔɔkɔn plɛplɛ gi, yé wo nwiinzannu ma é dan nyɔɔn lɛ yé wo dan sɔn vɔ lɛ wolé drapo ma. Gakelebale lé alé kyɛ ke Siɔn yé alé ’furu a Jérusalɛm, yee ɛ fe.

Ézai 33:5

Gakelebale a é nwale, naa, a nyanana a loru, azama. É Siɔn fan we drɔle valé we tegele nya.

Ézai 33:6

I dan ilé tɛrɛla kɛlɛ lɛ drɔɔ; wedɔɔle valé ’wuoatawe a sile we gi ’wuo nya; kanale Gakelebale lee a Siɔn munu lé fɛwezan nya.

Ézai 4:2

’Bɛ bléyi va, Gakelebale lé fɛ gɔn é dan bɔ lɛ; é dan kɛlɛ lɛ Izraɛl ’lɛrɛfɛ valé a tɔbɔle nya. Yee fɛ gɔn lé tɛrɛ a bɔra bɛ, Izraɛl lé munu lé wo si we gi, é dan kɛlɛ lɛ wo tɔbɔmafɛ valé wo nyɛɛfɛ nya.

Ézai 5:1

Lɛrɛ lé an sɔlɛzan a vɔ élé dɔrɔféi ma, maa dan a vɔ lɛ an sɔlɛzan lɛ. An sɔlɛzan lé dɔrɔféi ana, Gɔpané lé ana tɛrɛ ke é zima, ana.

Ézai 56:5

maa dan fɛna nɔ lɛ wo lɛ anlé kɔn gi yé tɔ lé é mini négɔné valé nélomu yaatɔ ta, maa dan a nɔ lɛ wo lɛ anlé munu va; tɔ lé a glɛ ’ka lo, ’té a yi ’ka dan ga lɛ lo, maa dan a nɔ lɛ wo lɛ.

Ézai 60:18

Wo ’ka dan glawe ’ma lɛ ilé tɛrɛ la é dɛrɛ lo, Wo ’ka dan ’wiile fɛ ta valé fɛ sɛrɛle vun ’ma lɛ ilé fɛna é dɛrɛ lo; Wo dan i gɔrɔ laa lɛ, sile we gi; Wo dan i gɔrɔ ’léénu laa lɛ, tɔzinfele.

Ézai 62:10

’Ka giéoo, ’ka gié flagɔrɔ ’léé! ’Ka zi ma’lɛrɛ munu lɛ. Ka zi ta kɛlɛoo kɛlɛ! ’Ka gɔlɛnu si zi ta. ’Ka drapo nwa munu vazia.

Ézai 62:11

We lé Gakelebale a zana dɔɔ fɔɔ tɛrɛ glɛ sina, yee lo; É léé, ’Ka fe Siɔn munu lɛ léé, Ka yua, ka siwegizan lé é dan bɛ; Ka ye, ka gooli a a lee, Yé a ’lɛvlɛ lé ke mibanwole nya.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Ézékiɛl 40:5

Bé ye, gɔrɔ a é bole kɔn ’ko zi. Fɛdanyili do a yee gɔnézan ’ko lee. A torole a mɛtrɛ yaa. Fɛdanmɛtrɛ ’ko a é yɛrama sɛ, yee mɛtrɛ do do taa a é pale bɛlaa nya fié. É gɔrɔ ’ko dan, yé a laala a yili nya do, yé a nwale loru a yili nya do.

Zakari 2:5

yé Gakelebale léé: Maa dan kɛlɛ lɛ kyɛgɔrɔ nya a zi, yé an nyanale a méléna lé we ma lé, a tɔ é dan bɔ lɛ.

Zakari 2:9

Ka ye, an bɛ nwa wo ma, yé munu lé ka ke é plale wo wuo turu, wo dan kɛlɛ lɛ kalé gulizarafɛnu nya. Yé ka dan a gi dɔɔ lɛ léé, lai sunyanu lé Gakelebale ɛ an pa zia.

Mi Nɔnɔle 21:17

’Bɛ zuo Izraɛlnu lɛrɛ ’ko vɔ léé: ’Yiguru, ’i bɔ. ’Ka a tɔbɔlɛrɛ vɔ.

Matio 16:18

Yé maa lé i lɛ léé, bii a Piɛri nya, yé gɔlɛ ’ko ta lé maa dan anlé léglizi dɔ lɛ yé gamunu nyanana lé plɛplɛ ’ka dan gié lɛ a ta lo.