Ézai 24:5 - Kazambale lé Sebe Sauunu 1979

⁵ Ana munu tɛrɛ sɛrɛ, naa, wo bélidɔwenu sɛrɛ, yé wo Bale déretawenu lɛgama, gipawe lé a glɛ ’ka lo, wa sɛrɛ, azama.

Ézai 24:5 ပူးပေါင်းရင်းမြစ်များ

2 Samuɛl 23:5

Gipawe lé a glɛ ’ka lo, ’té Bale a kɛlɛ an va bɛ, É a giwe fe wo ke zuo ke zuo yé é a sɔbɛlawe nya, Amalé anlé kɔn lé we ’ka dan kɛlɛ lɛ ’bɛ zo loo? É ’ka dan an bélile valé anlé blibɔmawenu gɔn bɔ lɛ loo?

2 Minwiinzannu 21:12

bɛwemalé we lé Gakelebale, Izraɛl lé Bale a fe, yee lé ke ’ko. É léé: We tɔntɔnnu lé maa dan wo bɔ lɛ Jérusalɛm valé Juda ma, dé mian é a tawe ’ma, é dan so lɛ a tɔné zi.

2 Minwiinzannu 21:15

we lé ke é naané an yuɛ gi, yee lé wa kɛlɛ yé wo an bli fli, é sia yian nya lé wo tranu si Éjipiti tɛrɛ la fɔɔ yi ’ko nya, ’bɛzama.

2 Minwiinmunu lé Wezuofe Sɛbɛ 33:9

Naa, Manasé lé we ma lé Juda valé Jérusalɛm munu zi san yé wo we naané kɛlɛ kiɛre é mini bɛnnu lé Gakelebale wo kulu ga Izraɛlnu ’lɛ, wo ta.

Lɛrɛvɔ Sɛbɛ 105:10

É a dɔ gligli bélidɔwe nya Jakɔb zé nya. É a kɛlɛ gipawe lé a glɛ ’ka lo, a nya, Izraɛl zé nya,

Lɛrɛvɔ Sɛbɛ 55:5

An zuru éé diaan an gi, Yé gale lé kana nyɛ ’wii an zuru va.

Ézai 10:6

Maa wo pa zia bɛn nyané va, munu lé an bli ke flina wo ma, maa wo nwunvɔ ’bɛnu va, léé, ’wo ’wii ’bɛnu ta yé ’wo gulizarafɛ si, yé wo ’bɛnu zɔn ’wo gane nya bélé voli zo zia.

Ézai 30:9

Naa, munu ’ko lé we ma a plɛplɛ yé wa viéwozannu nya; wa munu lé wo ’ka a nyi sié léé, ’wo tɔné dɔ Gakelebale lé bélidɔwe lɛ lo, wo nya.

Ézai 33:8

Mi do kpen ’ka zinu ta lo; mi do kpen ’ka giéan zi ’léé é dɛrɛ lo. Wo gipawenu sɛrɛ, wo serele bo flanu ma, mi do kpen ’ka wo yuɛ gi bɔa lo.

Ézai 50:1

Gakelebale léma: Lebɔrasɛbɛ lé maa gyɛ yé maa ka bu bɔra a nya, é kaa? Taa, an ma vɛɛn pazan kyɛn lɛ lé maa ka nɔ anlé vɛɛn ban laa? Ka ye, kalé weplenu ma lé maa ka dan, Yé kalé wenyanénu lé we ma lé an ka bu bɔra.

Ézai 9:17

Naa, wenyané kɛlɛle éé mi blé bélé kyɛ lé éé danan valé léliyilinu blé, a zo; éé kyɛ vɔa pɔrɔwɔlɛ ’léé, ’té a goi éé nwaan zuuu.

Jérémi 11:10

Wo nɔla wo tranu vininnu lé wo sɔn vɔ tɔné dɔle ma an dérenu lɛ, wolé weplenu zuo, yé wo go bale bɛnu zuo yé wo ’bɛnu bɔ; anlé gipawe lé maa a kɛlɛ wo tranu va bɛ, Izraɛl munu valé Juda munu a sɛrɛ.

Jérémi 50:5

Wo dan Siɔn lé zi ma laa lɛ, wo dan ’wo yara nɔla lɛ a vazia. ’Ka da, ’ka gi pa do Gakelebale va, gipawe lé a glɛ ’ka lo, ’té ka gi ’ka saan a ma monomono lo, a nya.

Ézékiɛl 16:59

Naa, Mizan Gakelebale léma: Bii lé, i bale kunle ye boawe nya yé i gipawe sɛrɛ, i we kɛlɛ fɛan zo bɛ, a zo duo lé maa dan we kɛlɛ lɛ i lɛ.

Ézékiɛl 20:13

Yé Izraɛl munu nwa an ma bwi gi. Wo ’ka anlé bélidɔwenu tawe kɛlɛ lɛ lo yé an dérenu lé é a lé blami a ta tawo a vole é yuɛma we gi bɛ, wo sɔn vɔ wo ma, yé wo anlé flinyi sɛrɛ tata. É dɔ an gi léé, an wɛwɛ dɔ wo ma bwi gi, wo kulu gale we ma.

Ézékiɛl 20:24

Wo ’ka an déretawenu kɛlɛ lɛ lo; wo sɔn vɔ anlé wepladérenu ma, wo anlé flinyinu sɛrɛ, yé wo yuɛ vo wo tinu lé miyilinu lɛ, azama.

Ézékiɛl 37:26

Maa dan an gi pa lɛ wo va do, wo vole drɔɔ we ma, yé gipawe lé éé voo ana lɛɛfaama, maa dan a kɛlɛ lɛ wo va. Maa dan wo suni wɔra lɛ, yé maa dan wo fan lɛ, yé maa dan anlé fɛna sauun dɔ lɛ wo méléna lɛɛ faa zé nya.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

Daniɛl 9:10

Ko ’ka ko tɔné dɔ lɛ Gakelebale kolé Bale dére lɛ lo; bélidɔwenu lé é a nɔ ko lɛ a wuozannu balelayezannu lɔlu nya, ko wo sɛrɛ.

Daniɛl 9:5

Ko wenyané kɛlɛ; ko weplenu kɛlɛ; ko a mi nyanénu valé nwamimazannu nya. Ko sɔn vɔ ilé bélidɔwe sɔnnénu valé i déretawenu ma.

OZÉ (Osée) 6:7

Wo anlé gipawe sɛrɛ bélé mi planu lé wo nya; ’bɛna lé wo yuɛi blan an ma.

Lévinu 20:22

’Ka anlé bélidɔwenu faa valé an déretawenu faa lɛdɔma, yé ’ka wo ta tawo, léé, tɛrɛ lé maa a gona ka nya a ta yé maa ka nyana a ta kli, té é féé ka nya lo.

Lévinu 26:35

Ka a é nyanale kalé tɛrɛ la bléyian va, ka ’ka flinle nɔ lɛ a lɛ lo, amalé bléyian va lé tɛrɛ ke é sɛrɛle, é dan flin lɛ.

Misé 2:10

’Ka nwa, ’ka tawo, flinna ’ka fɛkona nya lo; ka tiri dɔle lé we ma léé, ka dan kle blɛn ble lɛ.

WENÉNÉ LÉ LUK A GYE (Évangile selon Luc) 1:6

Wo fiénu a mi tegele nya Kazambale yuɛ gi. Mizambale lé bélidɔwe faa koo, a ma we tɛtɛnénu faa koo, wa kɛla ’kyɛ, yé gun ’ka vo lɛ wo kɛlɛwe do kpen ma lo.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,

Bélidɔwesɛbɛ Fiézan 32:20

É léé: An dan an yara si lɛ wo la, Yé an dan wozé ’wuoplana ye lɛ; Naa, wa bɛn sɛrɛle nya, Wa yuɛi blaan nénu nya.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

Ébrunu 9:1

Gipawe vinin zé Bale bɔle lé bélidɔwenu ana é ziin, yé alé fɛna sauun ana tɛrɛ la.

Jozué 23:16

Gipawe lé Gakelebale, kalé Bale, a kɛlɛ ka va, dé ka a sɛrɛ, dé ka bale bɛnu bɔ yé ka dia wo ’lɛ, Gakelebale lé bliflile é dan nwa lɛ ka ma yé ka dan zamaga wo lɛ é nya do, tɛrɛ zin lé é a nɔ ka lɛ, a ta.

Jozué 24:25

Yi ko nya Jozué gipawe kɛlɛ munu va yé é bélidɔwe pun valé bélidɔwe sɔnnénu nɔ wo lɛ Sisɛm.