Ézai 24:3 - Kazambale lé Sebe Sauunu 1979

³ Wo dan ’wii lɛ tɛrɛ ta, wo dan fɛ si lɛ gla nya. Gakelebale léé, ’é kɛlɛ a zo, amalé é dan kɛlɛ lɛ.

Ézai 24:3 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:21

Gakelebale dére lé é a fe Jérémi lɔlu nya bɛ, yé a lɛɛ é sɔɔ; fɔɔ yé tɛrɛ gi é nana élé flin lɛɛnu lé we ma. Naa, tɛrɛ flin a sɛrɛle tata bléyi faa va, fɔɔ, yé a lɛɛ yɔ yaa wɔlɛ vu lɛ sɔɔ, a zo.

Ézai 21:17

Kédaa munu lé wo ke savulizannu lé nyanazannu nya, wo ’léé é dan vo lɛ sɛ. Gakelebale, Izraɛl lé Bale ɛ fe, azama.

Ézai 22:25

Lai sunyanu lé Gakelebale léma: ’Bɛ yi la, pɔnté lé ke é vɔle laso gi, maa dan a so lɛ. Wo dan a bla lɛ yé é dan dia lɛ, yé munu faa lé ke a lee bélé kɔné zo, wo dan sɛrɛ lɛ. Gakelebale ɛ fe a zo, azama.

Ézai 24:1

Ka ye, Gakelebale é dan ’wii lɛ Juda tɛrɛ la yé é a kɛlɛ bwi nya; é dan a yara bua lɛ yé é ana munu ta saan.

Ézai 24:2

Balebanzan zé é dan kɛlɛ lɛ bélé munu zé zo; minwiinzan zé é dan kɛlɛ lɛ bélé mi wuozan zé zo; minwiin le zé é dan kɛlɛ lɛ bélé mi lee le zé zo; fɛdanzan zé é dan kɛlɛ lɛ bélé fɛlɔzan zé zo; drɔnpamimazan zé é dan kɛlɛ lɛ bélé drɔngyɛzan zé zo; vɛɛnpamimazan zé é dan kɛlɛ lɛ bélé vɛɛnsizan zé zo.

Ézai 24:4

Tɛrɛ ’ko kyɛ é dan dɔ lɛ yé é dan nyaa lɛ. Ana munu plɛplɛ zana a gi yé wo yuɛgi zun. Mununwiinzannu lé plɛplɛ ’ka lo.

Ézai 42:22

Wa munu lé wo ’wii wolé fɛ ta, ’té wa sié gla nya, wo nya; Wo gɔgɔbale vɔ wo ma gɔmagurunu gi, Wo wo vɔ bwatinu gi; Wo ’wii wolé fɛ ta, yé mi do kpen ’ka wo vo woboma lo, Wo wolé fɛ sia gla nya, yé mi do kpen ’ka a fe lɛ léé, ’ka nɔ wo lɛ é pa gi lo.

Ézai 5:6

Maa dan a vo lɛ é gɔ nya; maa ’ka dan a ma bɔi lɛ yé maa a féi pa é dɛrɛ lo; plésɔné léliyili valé lélinu é dan tuu lɛ ana; yé maa dan latinu béli dɔ lɛ léé, té wo lɛɛ da a ta é dɛrɛ lo.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 13:15

’Ka tɔné dɔ yé ’ka an ban ka tɔné nya. Té ka kɛlɛ boblɛnzannu nya lo. Naa, Gakelebale a we fena.

Ézékiɛl 36:4

Amalé ’kaa Izraɛl gɔnu, ’ka tɔné dɔ Mizan Gakelebale dére lɛ. Gɔ blɛnnu valé gɔpanénu koo, ’yiyoronu valé gɔ woronanu koo, fla kwala valé fla fwilenu lé wo zi bɛnnu wo gyɛ, ’té woo yéri sié wo ma bɛ, wo koo, Mizan Gakelebale a we fena wo lɛ.

Misé 2:4

’Bɛ yi la, wo dan kalé we fe lɛ gi la; wo dan ka tɔ vɔ lɛ wu lɛrɛ nya, yé wo dan a fe lɛ léé, ko sɛrɛ tata. Wo kolé munu zé nɔ mi bɛnu lɛ. Yiba, wa si an lee. É kolé féinu guli ko nyanézannu ma.

Misé 4:4

Wo faa do do é dan nyana lɛ ’wolé dɔrɔyilinu valé ’wolé bɔrɔyilinu wuo, Yé mi do kpen ’ka dan wo gi kyɛ dɔ lɛ lo; Lai sunyanu lé Gakelebale ɛ fe, azama.

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,

Bélidɔwesɛbɛ Fiézan 29:28

Gakelebale wo si wolé tɛrɛ la gla nya, bliflile koo, bli tɔntɔn koo, bli nwale blɛn koo, wo nya, yé é wo zun tɛrɛ bɛ la, ka wo ye kyɔ fɛan zo, a zo.