Ézai 22:12 - Kazambale lé Sebe Sauunu 1979

¹² Mizan, lai sunyanu lé Gakelebale é dan ka laa lɛ ’bɛ yi la, léé, ’ka wuvɔ, ’ka gɔlɛ gyɛ, ’ka nwin bo, ’ka bɔlɔ zén ka ta.

Ézai 22:12 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 35:25

Jérémi Jozias tɔ sia lɛrɛ nya. Lɛrɛvɔgɔnénu valé lɛrɛvɔlomu faa wo Jozias kɛlɛwe vɔ wuvɔlɛrɛnu nya fɔɔ kyɔ yi nya, yé we ’ko kɛlɛ Izraɛl lé gɔnɔlawe nya. Lɛrɛ ’konu a é gyɛle wuvɔlɛrɛ lé sɛbɛ gi.

Ezidras 9:3

Maa we ’ko ’ma aan wo, maa anlé sɔnu valé anlé varɔ blɛn fia; maa an nwinnu valé an puomagunnu soowɔla, an nyana, yé tɛrɛla lɔrɔ nyaa an ma.

Néémi 9:9

I ko tranu lé kleblele ye Éjipiti tɛrɛ la, yé i wolé siaalenu ’ma Wɛyi Sɔɔn sɔnɔ.

JOB (Job) 1:20

Yé Job nwa, élé sɔ fia, yé é nwin puiɛ; ’bɛ zuo yé ébo vuli tɛrɛ va yé é dia é bli la

Bale Lé We Gifezan 3:11

É fɛ faa kɛlɛ é nɔnɔmi ’wozé bléyi va; yé é a pa blami bli gi léé, bléyi glɛ ’ka lo, dɔlé ’té wenu lé Kazambale a kɛlɛ, a pélisia bléyi va fɔɔ yé é bɔ a ’wuoplana bɛ, blami ’ka bɔa a gi ’male lɛ lo.

Bale Lé We Gifezan 3:4

wuvɔbléyi a, yé yérisibléyi a; gyɛ wuvɔbléyi a, yé nɛnɛbobléyi a;

Ézai 15:2

Wo go yobankɔn gi, yé wo go Dibɔn, gɔnwiin yobanna na, wuvɔle we gi. Moab tɛrɛ lamunu a wuvɔna Nébo valé Médéba ta; wo ’wo nwin faa puiɛ, wo ’wo puomagun faa puiɛ.

Ézai 26:10

Dé wo zin kɛlɛ mi naané lɛ, é ’ka we tegele dɔɔa a gi lo, É ébo no wenaané lɛ we drɔle kɛlɛtɛrɛ la, Yé Bale kɛlɛle blɛn ’ka a yuɛ gi bɔa lo.

Ézai 29:1

Ariɛl, fla lé David a kɛlɛ é nyanana nya, we tɔntɔn ’é kɛlɛ a lɛ ma. ’Ka vo fɛtinu kɛlɛna lɛɛ ma lɛɛ ma; ’ka wo lɛ sɔɔ yé ’ka péli bɛ sia ma.

Ézai 3:24

Fɛvɔnle gin é dan kɛlɛ lɛ lasikɔrɔ pa gi; gyɛla é dan kɛlɛ lɛ kyɛsidi pa gi; palo é dan dɔra lɛ nwintanle pa gi; bɔlɔ prɔɔné é dan kɛlɛ lɛ varɔ blɛn pa gi; wo dan tɔmase pa lɛ wo ma kyɛ nya, wo nɔnɔmi pa gi.

Ézai 32:11

Tanyila lomu, ’ka kana ma. Kun‐anwo lomu, ka ma ’é nyɔɔn ma; ’ka sɔ si ka ta, ’ka poro, ’ka sɔ dɔ ka gyɛn.

Ézai 37:1

Minwiinzan Ézékia we ’ko ’ma aan wo, élé sɔnu fia yé é bɔlɔ zén ’é ta, yé é go Gakelebale lé kɔn gi.

Ézai 37:2

Minwiinzan lé kɔnnwiinzan Éliakim koo, sɛbɛgyɛzan Sɛbina koo, Balebanmunu va mi segelenu koo, é wo nwunvɔ balelayezan Amosi be Ézai va, ’té bɔlɔ a é zénle wo ta sɔ nya.

Ézai 58:3

Dé ko lɔrɔ sɔn yé i ’ka a yé lo, ’bɛ tɔnɔ ɛ ke mɛ nyaa? Dé kobo kɛlɛ kiéné yé i yuɛ sia ko la, ’bɛ tɔnɔ ɛ ke mɛ nyaa? Ka ye, kalé lɔrɔsɔnyi la, ka kabo no kalé bɔn‐in bɔrɔmawenu lɛ, yé ka nyané paan kalé nyanamapazannu ta.

Jérémi 16:6

Mi segelenu valé nunukénénénu é dan ga lɛ tɛrɛ ’ko la yé wo ’ka dan wo pa lɛ pelo; wo ’ka dan wo wuvɔ lɛ lo, wo ’ka dan pɔɔ gyɛ lɛ wo kɔlɛ ma lo, wo ’ka dan ’wo nwin bo lɛ wolé we ma lo.

Jérémi 16:8

Té i wɔra fɛtikɛlɛkɔn gi lo, té i nyana wo va lo, té i fɛ ble wo va lo, té i ’yi mini wo va lo.

Jérémi 4:8

Amalé, ’ka bɔlɔ zén ka ta, ’ka wuvɔ yé ’ka dunnu; Naa, Gakelebale lé bliflile blɛn ’ka dan vuru lɛ ka ma lo.

Jérémi 7:29

Jérusalɛm munu, ’ka ka nwin bɔi yé ’ka a vuli baa; ’Ka vɔ fɛna nwalenu na, yé ’ka wu lɛrɛ vɔ. Munu lé wo Gakelebale bli nwa, É sɔn vɔ wo ma yé é wo sié ma baa.

Ézékiɛl 27:31

Wo dan wo nwun puiɛ lɛ ilé we ma, Wo dan bɔlɔ zén lɛ ’wo ta, Yé wo dan wuvɔ lɛ i ta ’wo bli kyɛ dɔle nya, Kleblele blɛn nya.

Daniɛl 5:1

Minwiinzan blɛn Bɛlsasaa fɛti blɛn kɛlɛ alé mi blɛnnu lé wo ’léé bɔa mi wuru soru, wozé nya. Yé é dɔrɔ mini wo yuɛ va.

OZÉ (Osée) 9:1

’Kaa Izraɛlnu, ka sɔn vɔ Gakelebale ma bélé bɔrɔdɛ le zo, té ka gi é nana ’bɛ ma lo; yé wenyané ma gɔɔli lé ka ye kalé ’sa sunwona faa na, ’té é sɔ ka lɛ bɛ, té kabo nɔ ginanale lɛ ’bɛ lé we ma, bélé bɛn bɛnu zo lo.

Joɛl 1:13

Balebanzannu, ’ka doa dɔ yé ’ka wuvɔ; ’Kaa balebanna nyanamapazannu, ’ka wuvɔ. Anlé Bale wuozannu, ’Ka tu kini bɔlɔ nya é zénle ka ta. Naa, blɛnu valé baleban’yinu ’ka é dɛrɛ kalé Bale lé kɔn gi lo.

Joɛl 1:8

’I wuvɔ, blɛnzan lé éé bɔlɔ zén‐é ’é ta, ’Té é é boronéla bwɛ wuvɔa, a zo.

Joɛl 2:12

Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Joɛl 2:17

Balebanmunu lé Wo ke Gakelebale wuozannu nya, ’Wo wuvɔ ’kɔn lɛɛ valé balebanna worona, Yé ’wa fe léé: Gakelebale, ’i nyanai zén ilé munu ta. Té i yaragyɛwe bɔ ilé munu ma lo, Té bɛnnu é we nana wo ma lo. Mɛmalé wa fé bɛngɔnɔnu méléna léé: Wolé Bale a kyɛɛn?

Amɔs 8:10

maa dan kalé fɛtinu nɔla lɛ gyɛbole nya, yé maa dan kalé lɛrɛnu faa nɔla lɛ wuvɔlenu nya. Maa dan bɔlɔ vɔ lɛ mi faa tɛrɛ la, yé maa dan mi faa gyɛ lɛ palo nya. Maa dan mi faa kɛlɛ lɛ gyɛbozannu nya, bélé mi be wɔlɛ do kpen gyɛbole zo, yé a ’wuo é dan pla lɛ é nyanale bélé ziri zo.

Jonas 3:6

Ninive nwiinzan blɛn we ’ko ’ma aan wo é si élé webleblin ta. É ’élé varɔ blɛn si é ta; yé é bɔlɔ zén é ta; yé é nyana kyɛyee va.

Misé 1:16

’I puo ma gun bo, ’i nwin puiɛ ilé né wezannu lé we ma. ’Ibo kɛlɛ palogyɛzan nya bélé gyɛn zo; ilé nénu é dan go lɛ luu gi tɛrɛ baa la, ’bɛzama.

SEBE LÉ JAK A GYE (Épitre de Jacques) 5:1

’Kaa fuablezannu, ’ka tɔné dɔ an lɛ do. ’Ka wuvɔ, yé ’ka siaa, wenaanénu lé wo dan bɔ lɛ ka ma bɛ, wolé we ma.