Ézai 21:2 - Kazambale lé Sebe Sauunu 1979

² Yuɛzi giwe naané do da an va. Yaamitazan a yaana mi ta, fɛsɛrɛzan a fɛ sɛrɛna. Élam munu, ’ka go loru. Médi munu, ’ka fla mabɛn. Maa dan bamaflinle dɔ lɛ.

Ézai 21:2 ပူးပေါင်းရင်းမြစ်များ

Wepélisiananu 10:22

Sɛm benu lé ke Élam koo, Asuu koo, Aapasad koo, Lud koo, Aram koo, wo nya.

2 Minwiinzannu 17:6

Ozé lɛɛ sɔraziɛnzan nya Asiri nwiinzan blɛn Samari si yé é go Izraɛl nya luu gi Asiri tɛrɛ la. É wo nyana Salaki valé Sabɔɔ yuu lé ke Gozan tɛrɛ la, a gɔ la, é valé Mɛdenu lé flanu ta.

Lɛrɛvɔ Sɛbɛ 119:158

Munu lé woo mi banwoo munu lɛ, ’Té wo ’ka tawoo i dére ta lo, wolé we an kaan.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 25:3

Munu faa lé wo bli ke i lɛ, wo fuu ’ka dan si lɛ wo ta lo. Munu lé wo yuɛ gi éé blaan é boa Wo ɛ fuu é dan si lɛ wo ta.

Lɛrɛvɔ Sɛbɛ 60:3

Baleoo, Bale, i ko si i ma; i ko kini ékema, I bli fli; ’i da ko nya é pai;

Lɛrɛvɔ Sɛbɛ 79:11

Luunu lé dunnulenu ’é go fɔɔ ’é bɔ i va ma. Yé munu lé wa gona gana za ma, ’i wo si we gi i bɛ plɛplɛ nya.

Wegɔnévɔlenu 13:15

Wedɔɔle bozen éé mi kɛla mi zin nya, naa, liwozannu lé zi a tɔntɔn.

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 14:4

ka dan Babilɔn nwiinzan tɔ vɔ lɛ lɛrɛ nya ’ko zo léé: Éé! é kɛlɛ i lɛ é yi; yaako?-?tazan ’ka é dɛrɛ lo! Yaale ko ta nyaa!

Ézai 14:7

Tɛrɛ faa gi nana ’wo flinle valé ’wo vole drɔɔ we ma; woo ginanalɛrɛnu vɔa.

Ézai 22:6

Élam munu sawɔlɛ din si; goronu lé gulidanmunu ke wo gi koo, vɔwisootazannu koo, wo bié. Kii munu wo botakuunfɛ bɔra.

Ézai 24:16

Ko munu lé lɛrɛvɔle ’ma tɛrɛ glɛ sina yé wo léé: Mi tegele tɔ ’é nwa ma. Naa, maa léé: Maa a é sanleoo, maa a é sanle! We tɔntɔn kɛlɛ an lɛ. Fɛsiéglanyazan, éé fɛ sié gla nya, fɛsiéglanyazan é ébo no élé glawe kɛlɛle lɛ.

Ézai 33:1

Bii lé i ’wiié fɛ ta yé wo ’ka ’wii lɛ izé ta lo, bii lé i fɛ sian gla nya yé wo ’ka izé sia lɛ gla nya lo, we tɔntɔn ’é kɛlɛ i lɛ ma. Dé i nyaa ’wiile fɛ ta nya, wo dan ’wii lɛ i ta; dé i fɛ sile gla nya lɛ sɔɔ, wo dan ilé fɛ sia lɛ gla nya.

Ézai 35:10

Munu lé Gakelebale wo tabo, wo dan nɔla lɛ yee zi ’léé, Wo dan go lɛ Siɔn guliwuovolɛ lɛrɛ vɔle nya, Yé ginanale lé a glɛ ’ka lo, é dan kɛlɛ lɛ bélé tɔkoro zo wo ’wuo ma; Gidrɔɔ valé ginanale é dan kɛlɛ lɛ wozé nya, Gikyɛdɔle valé dunnule é dan si lɛ ana.

Ézai 47:6

An bli fli anlé munu ma, Maa anlé tɔnɔfɛ kɛlɛ boafɛ nya, Yé maa wo pa i lee; I nyanai ’ka zén lɛ wo ta lo, I kɔné bɛnzan dɔ gɔné segele nwiin.

Jérémi 25:25

Zimri nwiinzan blɛnnu faa, Élam nwiinzan blɛnnu faa, Médi nwiinzan blɛnnu faa,

Jérémi 31:20

Éfraim a an be wezan nyaa? É a anlé ginanama né nyaa? Naa, dé maa a a mawe fena bléyio‐bléyian va, A sele éé dɔa an gi léé, an be lé. Yé é ziin, a lɔrɔ an gya; An nyanai é dan zén lɛ a ta. Maa Gakelebale ɛ ke a fena.

Jérémi 31:25

Naa, munu lé ’yiminilɔrɔ wo vo tɔɔtɔɔ, maa dan ’yiminilɔrɔ si lɛ wo ma, yé munu lé lɔrɔ blɛn wo fuu si wo ta, maa dan wo kan lɛ.

Jérémi 45:3

Bii a fe léé: Wenaané kɛlɛ an lɛ, naa, Gakelebale anlé nyané blele taa pa bli kyɛdɔle nya. An bamaflin wo fɔɔ yé an wɔlɛ gi nyaa an ma, yé an ’ka flinle yé lo.

Jérémi 49:34

Gakelebale we fe balelayezan Jérémi lɛ Élam mawe nya, Juda nwiinzan blɛn Sédésias plale munu nwiin pélisia bléyi va. É léma:

Jérémi 49:35

Lai sunyanu lé Gakelebale léma: Ka ye, Élam munu lé sa lé woo baama a gi gulidanfɛ plɛplɛ nya, maa dan a yéli lɛ.

Jérémi 50:14

’Kaa savulizannu faa lé, ’ka ma’lɛrɛ yé ’ka diri Babilɔn zi gulidanle a va we ma; ’ka sa vuli a va, té ka sawɔlɛnu ta dɔ lo. Naa, é wenyané kɛlɛ Gakelebale ma.

Jérémi 50:34

Naa, wo lɛgipazan a plɛplɛ; yee lé wa tɔ laama lai sunyanu lé Gakelebale. Naa, é dan dɔ lɛ wo zuo, léé, é flinle nɔ wo lɛ wolé tɛrɛ la, yé Babilɔn munu ma ’é nyɔɔn.

Jérémi 51:11

’Kalé dinnu lɛ vɔ, ’ka kun ka botakuunfɛ ma; Gakelebale ɛ Médi munu nwiinzan blɛn bli nwa, é sɔ a lɛ léé, é Babilɔn sɛrɛ, azama. Naa, Gakelebale lé we lɛgi pale lé; a bangikɔn lé we lɛgi pale lé.

Jérémi 51:44

Maa dan we lɛdɔ lɛ Bɛl gi Babilɔn; maa dan fɛblele so lɛ a ’léé, yé bɛnnu ’ka dan yoro lɛ a vazia é dɛrɛ lo. Babilɔn zi gɔrɔ boen dia;

Jérémi 51:53

Gakelebale léma: Dé Babilɔn munu nwa kɔɔn, léé, ’wo go la gioo, dé wo wɔra ’wolé guliyɔɔkɔn torole plɛplɛnu gioo, maa dan fɛsɛrɛzannu pa lɛ wo lɛ zia duowo.

Jérémi Lé Wuvɔ Sɛbɛ 1:22

’I wolé wenyanénu faa ye ma. We lé bé kɛlɛ an lɛ anlé wenyanénu faa lé we ma, ’I wozé kɛlɛ a zo ma, Naa, an bamaflin wo di, yé an nyané ble an bli gi.

Daniɛl 5:28

Yufaasin, ’bɛ gi léé, wo dan ilé fuatɛrɛ gi bɔi lɛ, yé wa lɛ do nɔ Mɛdenu lɛ, yé wa lɛ do nɔ Pɛɛsnu lɛ.

Daniɛl 5:9

Amalé di kini minwiinzan blɛn gi, yé a kɔlɛ fuola yé alé mi blɛnnu vo é dɔle ’wo gane ta.

Daniɛl 8:2

Maa yuɛziwe ’ko ye bléyian va, ’té é a bélé maa a Élam tɛrɛ la fla blɛn lé wa laama Suz, a ta. Anlé yuɛzi gi, ’té maa a Ulai yuu sɔnɔ.

Daniɛl 8:20

’Blagɔné lé bé ye, ’té a bélinu a, é a Médi munu valé Pɛɛs munu nwiinzan blɛn nya.

Wegɔɔnle 13:10

Dé mian a go yara lé luu gi, ’bɛzan é dan go lɛ luu gi; dé mian a ga gwɔun ’léé yara lé, é a lé ’wo ’bɛzan gyɛ gwɔun nya. Fɛkona lé Kazambale lé munu ’wolé yara pale we la valé ’wolé blipale nagɔɔn‐an.

1 Samuɛl 24:13

Gakelebale é dan maa valé bii lé we ble lɛ, yé Gakelebale é dan anlé we lɛgi pa lɛ i ma; naa, an ’ka dan an bɛ nwa lɛ i ma lo.