Ézai 2:3 - Kazambale lé Sebe Sauunu 1979

³ Munu é dan go lɛ ana é bu nya é bu nya, yé wo dan a fe lɛ léé: ’Ka da, kaa go Gakelebale lé gɔ nwiin Jakɔb lé Bale lé kɔn ’léé, Yé é ’élé we paa kaa gi, Yé kaa tawo alé zinu ta. Naa, bélidɔwe é dan si lɛ Siɔn, Yé Gakelebale dére é dan si lɛ Jérusalɛm.

Ézai 2:3 ပူးပေါင်းရင်းမြစ်များ

Esitɛɛ 9:27

Juifinu dɔ a ta léé, wo yee yi fié ’ko lé we kɛla lɛɛ faa do do ma, a bléyi valé a kɛlɛbɛnu lé wa gyɛ sɛbɛ gi, wo yɛrama. Té a yi é ga monomono lo. Wo we ’ko gyɛ wobozen koo, wo kulunu koo, munu faa lé ’bɛnu zén wo va, ’bɛnu koo, wozé nya.

Lɛrɛvɔ Sɛbɛ 102:23

Bléyian va lé migɔnɔnu zén ékeva, É valé bɛntɛrɛ faa nya, Gakelebale bɔle we ma, a bléyi va.

Lɛrɛvɔ Sɛbɛ 110:2

Gakelebale é dan ilé plale mi nwiin péli sia lɛ Siɔn, yé é bɔ fɛfaana. ’I pla i nyanézannu nwiin ma.

Lɛrɛvɔ Sɛbɛ 119:171

’Maa i tɔ zin fele sɔɔla an lɔlu nya ma, Naa, i i déretawenu paan an gi.

Lɛrɛvɔ Sɛbɛ 122:1

Gɔ gié lɛrɛ do lé. David zé lé. Dé wa fé an lɛ léé, Kaa go Gakelebale lé kɔn gi, an gi éé nanaan.

Lɛrɛvɔ Sɛbɛ 48:1

Bale tɔbɔlɛrɛ do lé. Lɛrɛ lé Koré benu a vɔ, yee lé.

Ézai 1:26

Maa dan ilé weblezannu dɔ lɛ bélé é vinin zé zo, yé maa dan ilé weplamilɛzannu dɔ lɛ bélé é vinin zé zo. Wo dan i laa lɛ é ziin, yarapawelafla.

Ézai 11:10

’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Ézai 19:23

Yee bléyi duo nya, zi do é dan si lɛ Éjipiti tɛrɛ la yé é go Asiri tɛrɛ la. Asiri munu é dan go lɛ Éjipiti tɛrɛ la, yé Éjipiti munu é go Asiri tɛrɛ la, yé Éjipiti munu valé Asiri munu, wo fiénu é dan Gakelebale bɔ lɛ.

Ézai 28:9

Wo léé: Woo we paan mi kyɛn gi yé é we dɔɔ? Woo we plaan mi kyɛn ɛ lɛɛ? Nénu lé wo si nyɔ ma é dɛrɛ, ’té wo si ’wo bu ma é dɛrɛ, wo léé?

Ézai 44:5

Mi ’ko é dan a fe lɛ léé: Maa a Gakelebale zé nya, Yé a koɛ é dan é fe lɛ léé, Jakɔb‐tɔ a ’é ma; Yé a bɛ é dan sɛbɛ gyɛ lɛ ’é bɛ ta léé: Maa a Gakelebale zé nya, Yé é dan ébo ze vɔ lɛ Izraɛl tɔ gi.

Ézai 56:5

maa dan fɛna nɔ lɛ wo lɛ anlé kɔn gi yé tɔ lé é mini négɔné valé nélomu yaatɔ ta, maa dan a nɔ lɛ wo lɛ anlé munu va; tɔ lé a glɛ ’ka lo, ’té a yi ’ka dan ga lɛ lo, maa dan a nɔ lɛ wo lɛ.

Ézai 56:7

maa dan go lɛ wo nya anlé gɔ sauun nwiin, yé maa dan wo gi nana lɛ anlé bazorokɔn gi. Winu lé woo wo kyɛ blé an lɛ, yé sarakanu lé woo wo boo an lɛ an banna ta, maa dan wo ban‐ɛn ble lɛ. Naa, wo dan anlé kɔn laa lɛ munu faa lé bazorokɔn.

Ézai 60:3

Bɛnnu é dan tawo lɛ i san va, I bile é dan minwiinzan blɛnnu va kini lɛ.

Ézai 65:11

Naa, ka lé ka sɔn vɔ Gakelebale ma, ’té ka gi éé saan anlé gɔ sauun ma, ’té ka fɛblele no miyili Gad lɛ yé ka nwɛ no miyili Méni lɛ,

Ézai 66:20

Wo dan ka bwenu faa si lɛ bɛnnu faa va, yé wo dan da lɛ wo nya Gakelebale lé blɛfɛ nya; wo dan da lɛ wisoonu ta, wo dan da lɛ goronu valé sélinu gi; wo dan da lɛ wi lé wa laama mulɛ, a ta, ’bɛ valé nyɔgɔménu ta, yé wo da anlé gɔ sauun va Jérusalɛm. Izraɛl lé munu woo dan balebanfɛnu nya fɛan zo, kana gibɔle gi Gakelebale lé kɔn gi, a zo lé wo dan da lɛ. Gakelebale ɛ fe.

Jérémi 12:16

Dé anlé munu kɛlɛwe vɔ wo lee, dé wo an tɔ ’nyɔɔn a fele nya léé: Gakelebale a é yuɛma, bélé fɛan zo lé wo Baal ’nyɔɔnle paa anlé munu gi bɛ, a zo, ’té wo gi é dan nana lɛ zin yele we ma anlé munu méléna.

Jérémi 26:18

Juda nwiinzan Ézékia bléyi va, Morésɛt zan Misé balelawe fe Juda munu faa lɛ léé: Lai sunyanu lé Gakelebale léma: Wo dan Siɔn fun‐an lɛ bélé bwi zo, Jérusalɛm é dan kɛlɛ lɛ é ’bin nya, Yé gɔ blɛn lé wo Bale lé kɔn dɔ a nwiin bɛ, pɔrɔ é dan kɛlɛ lɛ ana.

Jérémi 31:6

Naa, a yi é dan bɔ lɛ yé mi tagini‐zannu é dan siaa lɛ Éfraim gɔ nwiin léé: ’Ka nwa, kaa go Siɔn, Gakelebale kolé Bale vazia.

Ézékiɛl 40:2

Bale we gɔɔn an lɛ yuɛzi gi. Yuɛzi gi mi, é an si an pɔlɛ gi, yé é an zun gɔ torole do nwiin, ’té fɛ do lé ke bélé fla blɛn do zo é a é pale ana yirinwana bɛyilazia.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Misé 4:2

Bɛn gunu é dan go lɛ ana, yé wo dan a fe lɛ léé: ’Ka da, kaa go Gakelebale lé gɔ nwiin; Kaa go Jakɔb lé Bale lé kɔn gi, Yé é élé zi ta tawole paa kaa gi, Yé kaa tawo alé zinu ta. Naa, bélidɔwe é dan si lɛ Siɔn Yé Gakelebale dére é dan si lɛ Jérusalɛm.

Matio 7:24

Bɛwemalé, dére ’konu lé maa a fé, dé mian éé a maan, yé azan a tawenu kɛla, éé kɛla bélé gikinizan lé é ’élé kɔn dɔ gɔlɛ ta, a zo.

WENÉNÉ LÉ LUK A GYE (Évangile selon Luc) 11:28

Yé Jézu a zi pa a lɛ léé: Gba, munu lé woo tɔné dɔa Kazambale dére lɛ, ’té woo a ta tawoo, wo ɛ zé ke néné.

WENÉNÉ LÉ LUK A GYE (Évangile selon Luc) 24:47

yé wo dan bli nɔlale valé mi ma we vole lé we fe lɛ a tɔ nya bɛnnu faa lɛ, é sia Jérusalɛm.

WENÉNÉ LE JAN A GYE (Évangile selon Jean) 4:22

Fɛ lé ka ’ka a dɔɔa lo, yee lé ka bɔa; naa, ko, fɛan ko dɔɔ, yee lé ko bɔa. Naa, mi sile we gi éé sié Juifinu va.

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

Kelewenu 1:8

Naa, dé Léli Sauun vɔ ka ta tɔɔn ’té ka plɛplɛ ye, yé ka kɛlɛ anlé wenayezannu nya, Jérusalɛm koo, Judé tɛrɛ faa koo, Samari tɛrɛ koo, wona, fɔɔ tɛrɛ glɛ sina.

Kelewenu 10:33

Tɔɔn, yé maa munu nwunvɔ i lɛ yé i da; ’bɛ a é zima. Sin, ko faa a Bale ’lɛ; we faa lé Kazambale a fe i lɛ, ’bé fe ko lɛ, ko ’ma.

Rom munu 10:18

Naa, maa léé: Wo ’ka a ’ma lɛ loo? ’Bɛ kaan lo. Wo dére nwɛɛn tɛrɛ faa la, Yé wenu lé wa fe, wo bɔ fɔɔ tɛrɛ glɛ sina.

Bélidɔwesɛbɛ Fiézan 33:19

Wo dan munu laa lɛ léé, ’wo go gɔ nwiin; ’Bɛna lé wo dan saraka tegele bo lɛ, Fɛ lé é ke é fanle wɛyi nya, wo dan a ma tɔnɔ ble lɛ. ’Bɛ valé fɛwezannu lé é ke é yɔɔle nyéné gi, wo nya.

Bélidɔwesɛbɛ Fiézan 6:1

Bale sɔnnénu lé Gakelebale, kalé Bale a fe léé, maa a paa ka gi, wo valé bélidɔwenu valé ka gɔnɔlawenu nya, wo lé ke ’ko. É léé, maa wo paa ka gi yé ka wo ta tawo, tɛrɛ lé ka dan a si lɛ kazé nya, a ta.

SEBE LÉ JAK A GYE (Épitre de Jacques) 1:25

Naa, bélidɔwe lé gun ’ka a ma lo, ’té éé mi voo éboma, mi lé éé a gi kulian pɛnpɛnpɛn yarapalale nya, ’té é ’ka é tɔné dɔa a lɛ é pla yé ’bɛ zuo yé éé saan a gi lo, ’té éé a tawe kɛla tegele, ’bɛzan gi é dan nana lɛ, é a lɛdɔma, ’bɛzama.