Ézai 2:20 - Kazambale lé Sebe Sauunu 1979

²⁰ ’Bɛ yi nya, gɔɔlifu miyilinu valé kyan miyilinu lé munu a kɛlɛ ’wo banyo nya, wo dan wo vuli lɛ koblinu valé bannu lɛ;

Ézai 2:20 ပူးပေါင်းရင်းမြစ်များ

Wepélisiananu 35:4

Bɛnnu lé balenu faa lé ke wo lee, é valé wo tɔnémakyan nya, wa nɔ Jakɔb lɛ. Jakɔb guru bo sɛnéyili lé ke Sisɛm sɔnɔ, a wuo, yé é wo zén a gi.

Bale Lé We Gifezan 3:6

fɛ ginibléyi a, yé fɛ sanbléyi a; fɛ tadɔbléyi a, yé fɛ vulibléyi a;

Ézai 10:3

Dé ka guru zanagizannu si baa, ka dan kɛlɛ lɛ kaa welɛdɔmigi yi nyaa? Ka dan vlan buru lɛ mi kyɛn ɛ va, yé ’bɛ é bɔ ka vaa? Ka dan kalé fuafɛnu yɔɔ lɛ kyɛɛn?

Ézai 17:8

é ’ka é yuɛ vɔa yobannanu lé é a kɛlɛ éboan, wo ta lo. Asataté yonu valé yiribɔnu lé é wo kɛlɛ bɛ, é ’ka dan é bɔn‐in bɔrɔ lɛ wo ma é dɛrɛ lo.

Ézai 30:22

Gɔɔlifu valé kyan lé ka sele kalé miyilinu ma, ka dan wo ye lɛ fɛ naané nya; ka dan wo vuli lɛ bélé bli zo, yé ka dan a fe lɛ wo lɛ léé: ’Ka si ko yuɛi mi.

Ézai 31:7

’Bɛ yi la, kalé gɔɔlifu miyilinu valé kyan miyilinu lé ka wo kɛlɛ kalé wenyanékɛlɛbɛ nya, ka faa do do é dan wo vuli lɛ.

Ézai 40:19

Nyanamapazan ɛ miyili kɛla, Yé gɔɔlifu folizan éé kyan giéan a ma, Yé é a nyɔɔ gya gɔɔlifu gɔgɔbale kénénénu nya.

Ézai 46:1

Bɛl zana a gi; Nébo dia; Wo miyili ’konu pla winu punu; wa pla kɔnésiwinu punu. Bale ’konu lé ka go wo nya, wo bɛn dɔ winu ta, ’Té wo wɔlɛi nyaa wo ma.

Ézai 46:6

Munu éé kyan sié ’wolé bala gi, Woo gɔɔlifu daan kilo la, Yé wa no folibozan lɛ léé, ’bɛ a kɛlɛ bale nya, ’Té woo diaan a ’lɛ, ’té wa bɔa.

Ézékiɛl 14:6

Bɛwemalé, bé fe Izraɛl munu lɛ léma: Mizan Gakelebale léma: ’Ka da ka pa gi. ’Ka yara si kalé miyilinu ta; ’ka yara si kalé bozofɛnu faa ta.

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Ézékiɛl 7:19

Wo dan ’wolé gɔɔlinu nwɛɛn lɛ zinu ta, wo dan serele bo lɛ ’wolé kyan ma. Wolé gɔɔli valé wolé kyan ’ka dan wo si lɛ we gi Gakelebale wɛwɛ dɔyi nya lo. Wolé fuafɛnu ’ka dan lɔrɔ si lɛ wo boennu ma lo, yé é ’ka dan wo bɔn fan lɛ lo; naa, fɛ ’konu ma lé wo vɔ weplenu gi.

OZÉ (Osée) 14:8

Éfraim léé: Miyilinu éé mɛ kɛla an lɛɛ? Maa dan a dére ’ma lɛ, maa dan a tabin lɛ, Maa dan kɛlɛ lɛ a lɛ bélé siprɛyili drɔɔdrɔɔ zo. Maa ɛ va lé ka dan tɔnɔ ye lɛ.

Lévinu 11:19

bwibalo koo, gyɛɛsunani valé é bɔlunu koo, daliwé koo, ban koo, woo lé. Té ka wo ble lo.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

WENÉNÉ LÉ LUK A GYE (Évangile selon Luc) 23:30

Yé wo dan a fe lɛ gɔ blɛnnu lɛ léé: ’Ka zana ko ta. Yé wo dan a fe lɛ gɔ sɛsɛnu lɛ léé: ’Ka dia ko gi.