Ézai 2:2 - Kazambale lé Sebe Sauunu 1979

² Dé bléyi voéla bɔ, Gɔ lé Gakelebale lé kɔn ke a nwiin, Alé we é dan mini lɛ gɔblɛnnu ta, Yé a tɔ é dan mini lɛ gɔpanénu lɛ, Yé bɛnnu faa é dan yoro lɛ a vazia.

Ézai 2:2 ပူးပေါင်းရင်းမြစ်များ

Wepélisiananu 49:1

Jakɔb é benu laa yé é léé: ’Ka zén ékeva, yé we lé é dan bɔ lɛ ka ma é voéla, maa dan a fe lɛ ka lɛ.

JOB (Job) 19:25

Maa gi dɔɔ léé, an Tabozan a é yuɛma, Yé é dan we ’wuodɔdére fe lɛ tɛrɛ la é voéla.

Lɛrɛvɔ Sɛbɛ 102:23

Bléyian va lé migɔnɔnu zén ékeva, É valé bɛntɛrɛ faa nya, Gakelebale bɔle we ma, a bléyi va.

Lɛrɛvɔ Sɛbɛ 2:8

Bé laa an lee yé maa dan bɛnnu nɔ lɛ i lɛ ilé tɔnɔfɛ nya, Maa dan tɛrɛ nɔ lɛ i lɛ izé nya, fɔɔ yé é bɔ a glɛ sina.

Lɛrɛvɔ Sɛbɛ 22:27

Wenaanébɔmazannu wo dan fɛ ble lɛ yé wo dan kan lɛ, Munu lé woo Gakelebale naginian, wo dan a tɔ nwa lɛ. Ka bli ’é vo é yuɛma yifaama ma.

Lɛrɛvɔ Sɛbɛ 22:28

Munu lé wo ke tɛrɛ faa glɛ sina, wo dan ’wo bɔn‐in bɔrɔ lɛ Gakelebale ma, yé wo dan nɔla lɛ a vazia; Bɛn gi munu é dan dia lɛ i ’lɛ.

Lɛrɛvɔ Sɛbɛ 48:2

Gakelebale a blɛn, yee lé wa tɔ zin fé yifaama, Kolé Bale lé fla, ’té é ke gɔblɛn sauun nwiin bɛ, ana.

Lɛrɛvɔ Sɛbɛ 68:17

Gɔblɛnnu lé ka nwiin ke kiɛre, mɛmalé ka maawoo Gɔblɛn lé Bale a si a va é nyanana nya, a maa? Iin, Gakelebale é dan nyana lɛ a nwiin lɛɛfaama, a glɛ ’ka lo.

Lɛrɛvɔ Sɛbɛ 72:8

É dan pla lɛ munu nwiin, é sia wɛyi ’ko ma yé é bɔ a koɛ ma, É sia yuu ma yé é bɔ fɔɔ tɛrɛ glɛ sina.

Lɛrɛvɔ Sɛbɛ 86:9

Mizan, bɛnnu faa lé bé kɛlɛ, wo dan da lɛ Dia lɛ ’wo bli la i ’lɛ, Yé wo dan i tɔ bɔ lɛ.

Lɛrɛvɔ Sɛbɛ 87:1

Koré kulunu lé lɛrɛ lé. Pisɔmé lé. Bale tɔbɔlɛrɛ lé. Wo Siɔn pa gɔblɛn sauun nwiin.

Lɛrɛvɔ Sɛbɛ 87:2

Siɔn gɔrɔ ’léénu sɔ Gakelebale lɛ, É mini Jakɔb nyanananu faa ta.

Ézai 11:10

’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Ézai 25:6

Lai sunyanu lé Gakelebale a fɛti ma’lɛrɛna munu faa lɛ, gɔ ’ko nwiin; nɛnɛ mlanvɔfɛnu koo, dɔrɔ kwa koo, wi zunnu koo, dɔrɔ kwa sésé koo, wo faa lé é a ma’lɛrɛna a fɛti kɛlɛfɛ nya.

Ézai 27:13

A yi la, wo dan béli blɛn fɛn lɛ, yé munu lé wo vo lu la Asiri tɛrɛ la, ’bɛ valé munu lé wo yɔɔ Éjipiti tɛrɛ la, wo dan da lɛ yé wo dan dia lɛ ’wo bli la Gakelebale ’lɛ, gɔ sauun nwiin, Jérusalɛm.

Ézai 30:29

Ka dan lɛrɛ vɔ lɛ bélé fɛti kɛlɛzannu zo é béli; ka gi é dan nana lɛ bélé mi lé ke tawona béli fɛnle yɛrama, a zo, ka gole Gakelebale lé gɔ ma we ma, ka gole Izraɛl lé gɔlɛ ma we ma.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézai 56:5

maa dan fɛna nɔ lɛ wo lɛ anlé kɔn gi yé tɔ lé é mini négɔné valé nélomu yaatɔ ta, maa dan a nɔ lɛ wo lɛ anlé munu va; tɔ lé a glɛ ’ka lo, ’té a yi ’ka dan ga lɛ lo, maa dan a nɔ lɛ wo lɛ.

Ézai 56:7

maa dan go lɛ wo nya anlé gɔ sauun nwiin, yé maa dan wo gi nana lɛ anlé bazorokɔn gi. Winu lé woo wo kyɛ blé an lɛ, yé sarakanu lé woo wo boo an lɛ an banna ta, maa dan wo ban‐ɛn ble lɛ. Naa, wo dan anlé kɔn laa lɛ munu faa lé bazorokɔn.

Ézai 60:3

Bɛnnu é dan tawo lɛ i san va, I bile é dan minwiinzan blɛnnu va kini lɛ.

Ézai 65:11

Naa, ka lé ka sɔn vɔ Gakelebale ma, ’té ka gi éé saan anlé gɔ sauun ma, ’té ka fɛblele no miyili Gad lɛ yé ka nwɛ no miyili Méni lɛ,

Ézai 66:20

Wo dan ka bwenu faa si lɛ bɛnnu faa va, yé wo dan da lɛ wo nya Gakelebale lé blɛfɛ nya; wo dan da lɛ wisoonu ta, wo dan da lɛ goronu valé sélinu gi; wo dan da lɛ wi lé wa laama mulɛ, a ta, ’bɛ valé nyɔgɔménu ta, yé wo da anlé gɔ sauun va Jérusalɛm. Izraɛl lé munu woo dan balebanfɛnu nya fɛan zo, kana gibɔle gi Gakelebale lé kɔn gi, a zo lé wo dan da lɛ. Gakelebale ɛ fe.

Ézai 66:23

Gakelebale léma: Mi faa é dan dia lɛ an ’lɛ moné dɛrɛ do do faa bɔrale valé flinyi do do faa nya.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 23:20

Gakelebale bli ’ka dan dɔrala lɛ lo, fɔɔ yé a bligiwe lɛ é sɔɔ yé a ’wuo é pla. Ka dan we ’ko gi ’ma lɛ é voéla.

Jérémi 26:18

Juda nwiinzan Ézékia bléyi va, Morésɛt zan Misé balelawe fe Juda munu faa lɛ léé: Lai sunyanu lé Gakelebale léma: Wo dan Siɔn fun‐an lɛ bélé bwi zo, Jérusalɛm é dan kɛlɛ lɛ é ’bin nya, Yé gɔ blɛn lé wo Bale lé kɔn dɔ a nwiin bɛ, pɔrɔ é dan kɛlɛ lɛ ana.

Jérémi 3:17

’Be bléyi va, wo dan Jérusalɛm laa lɛ, Gakelebale lé webleblin; bɛngɔnɔ faa é dan zén lɛ ékeva Jérusalɛm Gakelebale tɔ nya yé wo ’ka dan tawo lɛ ’wolé blibɔmawe naané zuo é dɛrɛ lo.

Jérémi 30:24

Gakelebale bli ’ka dan dɔrala lɛ lo, fɔɔ yé a bligiwe lɛ é sɔɔ yé a ’wuo é pla. Ka dan we ’ko gi ’ma lɛ é voéla.

Jérémi 31:12

Wo dan da lɛ, wo dan siaa lɛ ginanale nya Siɔn gɔ nwiin; Wo dan vlanburu lɛ Gakelebale lé fɛ zinnu zuo, ’Sa koo, dɔrɔ dɛrɛ koo, nyɔnɔ koo, ’Blanu koo, dirinu koo, wo zuo; Wo boennu é dan kɛlɛ lɛ bélé féi lé woo ’yi zén‐é a ta, a zo, Yé wo ’ka dan nyané ble lɛ é dɛrɛ lo.

Jérémi 48:47

Naa, bléyi voéla gi, maa dan Moab munu si lɛ luu gi, maa Gakelebale ɛ ke a fena. A zo lé maa dan Moab zé we ’wuo dɔ lɛ.

Jérémi 49:39

Naa, é voéla, Élam munu lé wo ke luu gi, maa dan da lɛ wo nya. Maa Gakelebale ɛ ke a fena.

Jérémi 51:44

Maa dan we lɛdɔ lɛ Bɛl gi Babilɔn; maa dan fɛblele so lɛ a ’léé, yé bɛnnu ’ka dan yoro lɛ a vazia é dɛrɛ lo. Babilɔn zi gɔrɔ boen dia;

Ézékiɛl 38:16

Gɔg‐oo, Gɔg, i dan go lɛ i ’lɛzia anlé munu ma, bélé lati lé é tua tɛrɛ sɔnɔ, a zo. Yi voélanu gi, maa dan ka nwa lɛ anlé tɛrɛ ma, léé, bɛnnu an dɔɔ. Bii ɛ nya lé wo dan a gi dɔɔ lɛ léé, maa a blɛn.

Ézékiɛl 40:2

Bale we gɔɔn an lɛ yuɛzi gi. Yuɛzi gi mi, é an si an pɔlɛ gi, yé é an zun gɔ torole do nwiin, ’té fɛ do lé ke bélé fla blɛn do zo é a é pale ana yirinwana bɛyilazia.

Daniɛl 10:14

Wean é dan bɔ lɛ ilé munu ma é voéla, an dan a zuo fe lɛ i lɛ sin, naa, yuɛziwe ’ko a ’bɛ bléyi zé nya.

Daniɛl 2:28

Naa, minwiinzan blɛn Nébukanɛsaa, Bale do ana lanu gi; yee ɛ we yɔɔlenu bɔraan, yé wean é dan bɔ lɛ bléyi voélanu gi, é a nagɔɔn minwiinzan blɛn lɛ. Nyɛ lé bé gyɛ, é valé yuɛzi wenu lé bé ye, ’té i a é yiale, yee lé ke ’ko.

Daniɛl 2:35

Kele tɔɔn, foliɛwɔlɛ koo, bɔtɛrɛ koo, zéné koo, gɔɔlifu koo, kyan koo, wo faa wii ékeva, yé wo kɛlɛ bélé ’sapun lé éé sié ’sa sunwona yiri bi bléyi va, ’té fu éé goo a nya, a zo. Yé wo ’ka wo pagi do kpen ye lɛ é dɛrɛ lo. Naa, gɔlɛ lé é duun miyili lɛ, é kɛlɛ gɔ blɛɛn lé é tɛrɛ faa fan, a nya.

Daniɛl 2:45

Gɔlɛ lé bé ye sona gɔ ma bɛ, ’té mi bɛ ’ka a ma lo, yé foliɛwɔlɛ koo, zéné koo, bɔtɛrɛ koo, gɔɔlifu koo, kyan koo, yé é wo wii bɛ, ’bɛ gi lé ke bɛ. We lé é dan bɔ lɛ ’bɛ zuo, Bale blɛn a gɔɔn minwiinzan blɛn lɛ. A nyɛ a webozen nya, yé a gifedére a tegele.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Zakari 14:10

Ana tɛrɛ faa é dan kɛlɛ lɛ fɛna pɛblɛɛ nya, é sia Géba yé é bɔ Rimɔn, Jérusalɛm yirinwana bɛyilazia. Jérusalɛm é dan vɔ lɛ a ma, yé é vo é pa gi. É sia flagɔrɔ ’léé lé wa laama Bɛnjamɛn, a ma, fɔɔ yé é bɔ flagɔrɔ ’léé vininzan ma, fɔɔ yé é bɔ a ’léé lé ke a sun la bɛ, a ma; é sia Ananéɛl lé dɔtafɛ ma fɔɔ yé é bɔ minwiinzan blɛn lé dɔrɔ borona ma, wo faa é dan vo lɛ wo pa gi.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Zakari 8:22

Yé migɔnɔ kiɛre valé bɛngɔnɔ kiɛre wo dan da lɛ Jérusalɛm, lai sunyanu lé Gakelebale naginile valé zanté vɔle a ma we gi.

Zakari 8:3

Gakelebale léma: Maa nɔlaan an pa gi Siɔn, yé é sɔ an lɛ léé, maa nyana Jérusalɛm. Wo dan Jérusalɛm laa lɛ, yarapawela fla, yé wo dan lai sunyanu lé Gakelebale lé gɔ laa lɛ, gɔ sauun.

Malasi 3:12

Naa, kalé tɛrɛ é dan kɛlɛ lɛ miginanama tɛrɛ nya, yé bɛn faa é dan a fe lɛ léé, kazé a néné. A zo lé lai sunyanu lé Gakelebale a fe.

Mi Nɔnɔle 24:14

Yé bé ye, sin, maa dan go lɛ anlé munu va. ’I da, yé wean migɔnɔ ’ko é dan a kɛlɛ lɛ ilé munu lɛ é voéla, maa a zuo fe i lɛ.

Kelewenu 2:17

Kazambale léé: Yi voélazannu nya an Léli é dan mi faa kun lɛ; Ka benu valé ka lunu é dan balelawe fe lɛ, Yé kalé pɛniɛnu é dan fɛnu ye lɛ yuɛ zi gi, Yé kalé mi kwanu é dan nyɛ gyɛ lɛ.

2 Timoté 3:1

’I we ’ko dɔɔ ma: yi voélanu gi, bléyi tɔntɔn é dan bɔ lɛ.

Ébrunu 1:2

Naa, sin, bléyi voéla ’ko gi, é we fe kaa lɛ é Be Jézu lɔlu nya. É fɛnu faa nɔ é Be Jézu lɛ ’bɛzé nya yé Jézu nya lé é fɛnu faa kɛlɛ.

2 Piɛri 3:3

We faa ’lɛ, we lé é a lé ka gi dɔɔ, yee lé é ke léé, yi voélanu nya, mi ma we?-?nanamunu é dan bɔra lɛ ’wolé mi ma wenanalenu nya, ’té woo tawoo wobozen lé blibɔmale yɛrama. Yé wo dan a fe lɛ léé:

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.