Ézai 2:19 - Kazambale lé Sebe Sauunu 1979

¹⁹ Munu é dan wɔra lɛ gɔlɛkoronu gi, ’té woo goo fɔɔ tɛrɛwɔlɛ ma, léé, kana blɛn lé Gakelebale a zén‐é munu gi koo, alé fuasan bile planplan koo, yé wo so wo lee, bléyian va lé é nwa yé é di kini tɛrɛlamunu gi, a bléyi va.

Ézai 2:19 ပူးပေါင်းရင်းမြစ်များ

2 Samuɛl 22:46

Bɛnnu fuu éé sié wo ta; Dé wo ’ka ’wolé guliyɔɔkɔn gi lo, wo ma éé nyɔɔn‐an.

JOB (Job) 9:6

Éé tɛrɛ ma nyɔɔn‐an é pun ma, Yé a wɛyilinu éé zanaan a gi.

Lɛrɛvɔ Sɛbɛ 7:6

An nyanézan ’é an zuo bin yé ’é an kun ma, Yé ’é anlé tɛrɛla nyaa ma, Yé ’é anlé fua vɔ vun va ma. Ka ye do.

Ézai 13:13

Bɛwemalé maa dan lanu puo lɛ. Tɛrɛ dɔralafɛ ma é dan nyɔɔn lɛ lai sunyanu lé Gakelebale bli flile we ma, a wɛwɛbabané yi la.

Ézai 2:10

’Ka wɔra gɔlɛkoro gi yé ’ka yɔɔ nyéné gi, léé, kana blɛn lé Gakelebale a zén‐é munu gi koo, alé fuasan bile planplan koo, ’ka so wo lee.

Ézai 2:21

yé wo dan wɔra lɛ gɔlɛfeegyɛnanu valé gɔlɛkoronu gi, kana blɛn lé Gakelebale a zén‐é munu gi koo, alé fuasan bile planplan koo, wo sole wo lee we gi, bléyian va lé éé nwaan yé é di kini tɛrɛlamunu gi, a bléyi va.

Ézai 24:1

Ka ye, Gakelebale é dan ’wii lɛ Juda tɛrɛ la yé é a kɛlɛ bwi nya; é dan a yara bua lɛ yé é ana munu ta saan.

Ézai 24:18

Mi lé éé vlanburuwo dɔnvɔmunu lé plale lee, é dan dia lɛ guru gi, yé mi lé é si guru gi é dan vɔ lɛ séli gi. Naa, lagi gɔɔn lɛ so, tɛrɛ gane vɔnanu ma nyɔɔn.

Ézai 24:19

Tɛrɛ faa; tɛrɛ ’wii; tɛrɛ vɔ dada;

Ézai 30:32

Dé Gakelebale vlewɔlɛ duun do a blale yɛrama, wo dan flin valé kɔnɔ vun ’ma lɛ a gi; Gakelebale é dan guli dan lɛ a va é bɛ nwale nya.

Ézai 33:10

Gakelebale léé: Sin, maa dan nwa lɛ; sin, wo dan an tɔ bié lɛ; sin, wo dan an kɛlɛ lɛ blɛn.

Ézai 7:19

Wo dan da lɛ, yé wo dan nyana lɛ gɔworona planu koo, gɔlɛ zansinanu koo, léliyilinu faa koo, trubɛ blena faa koo, wona.

Jérémi 16:16

Gakelebale léma: Ka ye, maa dan pɔgyɛmunu kiɛre pa lɛ zia yé wo dan munu ’ko si lɛ bélé pɔgyɛle zo; yé ’bɛ zuo maa dan lupazannu kiɛre pa lɛ zia yé wo dan munu ’ko mavɔɔ lɛ, gɔ blɛnnu faa koo, gɔpanénu faa koo, gɔlɛ blɛnnu féngyɛle koo, wona.

Jérémi 4:29

Dé flamunu wisootamunu valé savulimunu vun ’ma tɔɔn, wo fwi. Wo go pɔrɔ gi, yé wo vɔ gɔlɛnu nwiin; Wo sɔn vɔ flanu ma; mi do kpen ’ka wona lo.

Jérémi 48:28

’Kaa Moab munu, ’ka sɔn vɔ flanu ma, yé ’ka nyana gɔlɛnu méléna; ’ka kɛlɛ bélé plalanu lé, woo ’wolé kɔnnu dɔa gɔlɛ worona gɔ ma, wo zo.

Ézékiɛl 33:27

Bé fe wo lɛ léma: Mizan Gakelebale léma: Maa a é yuɛma. Munu lé wo ke fla ’wiilenu ta, gwɔun é dan wo gyɛ lɛ. Munu lé wo ke bwi gi, maa dan wo kɛlɛ lɛ bwigiwinu blefɛ nya, yé munu lé wo ke guliyɔɔkɔn valé gɔlɛkoronu gi, wo dan ga lɛ migyɛgyɛ nya.

OZÉ (Osée) 10:8

Gɔ nwiin yobannanu lé wo ke Bɛt‐Avan, ’té Izraɛlnu wenyané kɛlɛ ana, maa dan wona sɛrɛ lɛ; léliyilinu valé danan é dan tuu lɛ wolé yobannanu na. Wo dan a fe lɛ gɔnu lɛ léé: ’Ka ’bua ko ta, yé wo dan a fe lɛ gɔpanénu lɛ léé: ’Ka dia ko gi.

Misé 7:17

Wo dan vungoi ble lɛ bélé méné zo, bélé tawoplɛlawinu zo tɛrɛ la. Dé wo si wolé guliyɔɔkɔn plɛplɛnu gi, di é dan kini lɛ wo gi; wo ma é dan nyɔɔn lɛ Gakelebale kolé Bale ’lɛ, yé wo dan kana lɛ a ma.

Naum 3:11

Bii é ziin, nwɛ é dan i gyɛ lɛ, yé i dan yɔɔ lɛ; bii é ziin, i dan i yɔɔna gini lɛ i nyanézannu lee.

Agajé 2:6

Naa, lai sunyanu lé Gakelebale léma: A bléyi vo sɛ yé maa dan la valé tɛrɛ ma nyɔɔn lɛ, wɛyi valé fɛna gale koo é ziin;

Agajé 2:7

maa dan bɛnnu faa ma nyɔɔn lɛ; bɛnnu faa lé fɛwezannu é dan da lɛ yé maa dan kɔn ’ko fan lɛ fuafɛnu nya. A zo lé lai sunyanu lé Gakelebale a fe.

WENÉNÉ LÉ LUK A GYE (Évangile selon Luc) 23:30

Yé wo dan a fe lɛ gɔ blɛnnu lɛ léé: ’Ka zana ko ta. Yé wo dan a fe lɛ gɔ sɛsɛnu lɛ léé: ’Ka dia ko gi.

2 Tɛsalɔnik munu 1:9

Kazambale é dan wo si lɛ Mizan valé élé plɛplɛ lé fuasan ma baa, yé é dan we lɛdɔ lɛ wo gi wo sɛrɛle tata nya.

Ébrunu 11:38

a yara ’ka tɛrɛlamunu yara léé, blipamunu ’é vo wo va lo; wo kɛlɛ nɔɔzannu nya bwinu gi valé gɔnu nwiin, wo vo gɔlɛkoronu valé gurunu gi.

Ébrunu 12:26

Bale dére tɛrɛ ma nyɔɔn é vinin, yé sin é lé kaa lɛ léé, é dan fɛnu ma nyɔɔn lɛ é ziin gɔnɔ do, tɛrɛ saa kaan lo, la koo é ziin.

Wegɔɔnle 11:13

’Bɛ bléyi va, tɛrɛ ma é dan nyɔɔn lɛ blɛɛn, yé dé flakɔnbale a vu a bale do guru é zanaan a gi, yé a sɔraziɛn é voo; tɛrɛ manyɔɔnle ’ko é dan mi baa yaa wuru soru gyɛ lɛ, yé mi pɔnénu gi nyɛ é dan kini lɛ yé wo dan la gi Bale tɔ bɔ lɛ.

Wegɔɔnle 11:19

Balebangikɔn lé é ke la gi, a lɛ so yé munu gipawe pagikɛsu ye Balebangikɔn gi. Lɛɛ yuɛ wuo vɔ yé dérenu we, zagelenu ban yé tɛrɛ manyɔɔn, yé goowɔlɛlɛɛ plɛplɛ da.

Wegɔɔnle 16:18

Yé lɛɛ yuɛ wuo vɔ, ’té dérenu éé wé, ’té zagelenu éé baan, ’té tɛrɛ ma éé nyɔɔn‐an. É sia mi bɔrale tɛrɛ la ma, ’bɛ zoɛ tɛrɛ ma ’ka tan nyɔɔn lɛ do lo.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.

Wegɔɔnle 9:6

’Bɛ yinu nya, é dan sɔ lɛ munu lɛ léé, ’wo ga, yé wo ’ka dan ga lɛ lo; ga lɔrɔ é dan wo gyɛ lɛ, ’té ga a é sile wo ma baa.

1 Samuɛl 13:6

Wo wo tunu yé Izraɛl munu a ye léé, guli bɛ mini wo lɛ, yé wo yɔɔ gɔmagurunu gi koo, yilinénu kwɛɛ gi koo, gɔlɛnu méléna koo, zéiinnu gi koo, ’yigurunu gi koo, wona.

1 Samuɛl 14:11

Wo fiénu wobo ta bɔra Filisitinu lé gulimabɛnna yé Filisitinu léé: Ka yua, Ébrunu bɔra wo yɔɔna gurunu gi.