Ézai 2:18 - Kazambale lé Sebe Sauunu 1979

¹⁸ Miyilinu faa ta é dan saan lɛ.

Ézai 2:18 ပူးပေါင်းရင်းမြစ်များ

Ézai 2:17

Boblɛnzan é dan kɛlɛ lɛ kiéné yé mi gini é yuɛzuozan ta é dan zana lɛ. ’Bɛ yi la Gakelebale do kpen ɛ dan kɛlɛ lɛ blɛn.

Ézai 21:9

Yé bé ye, wisootazannu a dana, ’té woo tawoo mi fié, mi fié. É we fe é ziin yé é léé: Babilɔn diaoo, é dia! Alé miyilinu faa dia tɛrɛ va yé wo yéli nuu.

Ézai 27:9

’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.

Ézai 46:1

Bɛl zana a gi; Nébo dia; Wo miyili ’konu pla winu punu; wa pla kɔnésiwinu punu. Bale ’konu lé ka go wo nya, wo bɛn dɔ winu ta, ’Té wo wɔlɛi nyaa wo ma.

Jérémi 10:11

’Ka fe wo lɛ léma: Balenu lé wo ’ka lanu valé tɛrɛ kɛlɛ lɛ lo, Wo dan san lɛ tɛrɛ la, yé wo dan san lɛ lanu wuo.

Jérémi 51:18

Wa fɛnu lé wo ’ka we do nyian wo mi ma lo, wo nya; wa dabli panyanama nya; Dé we lɛdɔ mi gi yi bɔ, wozé é dan nyaa lɛ.

Ézékiɛl 30:13

Mizan Gakelebale léma: Maa dan miyilinu sɛrɛ lɛ tata yé maa dan Nofa lé yonu si lɛ ana. Éjipiti munu nwiinzan ’ka dan kɛlɛ lɛ é dɛrɛ lo yé maa dan kana blɛn zén lɛ Éjipiti tɛrɛlamunu gi.

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Ézékiɛl 37:23

Wo ’ka dan wobo tiri dɔ lɛ wolé miyilinu koo, wolé bozowenu koo, wolé bélidɔwe sɛrɛlenu koo, wo nya é dɛrɛ lo. Fɛ faa lé wo nyana ana yé wo wenyané kɛlɛ, maa dan wo si lɛ ana yé maa wo kɛlɛ tegele. Wo dan kɛlɛ lɛ anlé munu nya, yé an dan kɛlɛ lɛ wolé Bale nya.

Ézékiɛl 6:6

Fɛ faa lé ka nyanaan ana, ana flanu é dan kɛlɛ lɛ é ’bin nya, yé kalé gɔ nwiin yobannanu guru é dan zana lɛ a gi, yé ka dan daan lɛ kalé yobannanu ma yé ka wo vo; wo dan kalé miyilinu yéli lɛ yé wo ta é dan saan lɛ. Yé kalé miyilinu lé ka a dɔ yiri zé nya bɛ, wo dan wo sɛrɛ lɛ, yé ka bɛ panyanamanu é dan sɛrɛ lɛ tata.

OZÉ (Osée) 14:8

Éfraim léé: Miyilinu éé mɛ kɛla an lɛɛ? Maa dan a dére ’ma lɛ, maa dan a tabin lɛ, Maa dan kɛlɛ lɛ a lɛ bélé siprɛyili drɔɔdrɔɔ zo. Maa ɛ va lé ka dan tɔnɔ ye lɛ.

Misé 1:7

Maa dan alé miyili nyaalenu faa yéli lɛ; maa dan wolé tɔnɔyémafɛ naanénu faa kyɛ ble lɛ, maa dan wolé miyilinu faa sɛrɛ lɛ; wo wo ye gɔné ginile nya, yé wo dan kɛlɛ lɛ gɔnéginifɛ nya.

Misé 5:13

Maa dan kalé Asataté miyilinu sɛrɛ lɛ tata, yé maa dan kalé flanu ’wii lɛ.

Sofoni 1:3

Blaminu koo, winu koo, lagi mianénu valé wɛyi va pɔnu koo, mi saanfɛnu valé mi nyanénu koo, maa dan wo sɛrɛ lɛ tɛrɛ la. Maa dan blaminu kulu ga lɛ tɛrɛ la. A zo lé Gakelebale a fe.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Zakari 13:2

Lai sunyanu lé Gakelebale léma: ’Bɛ yi la maa dan miyilinu tɔ yi ga lɛ tɛrɛ ’ko la, léé, té wo sele é dɔ mi gi é dɛrɛ lo. Balelayezannu koo, bli tiridɔlenu koo, maa dan wo si lɛ tɛrɛ ’ko ta.