Ézai 2:12 - Kazambale lé Sebe Sauunu 1979

¹² Naa, yi do ana lai sunyanu lé Gakelebale zé nya, ’bɛ yi la é dan nwa lɛ boblɛnzannu faa valé mi gini é yuɛzuozannu ma, yé miomian ébo kɛlɛ blɛn, Bale é dan nwa lɛ ’bɛzan ma, a tuale we gi.

Ézai 2:12 ပူးပေါင်းရင်းမြစ်များ

2 Samuɛl 22:28

Munu lé wo ’wobo kɛla kiéné, i wo sié we gi, Yé i boblɛnzannu zunwo i yuɛ vɔle wo ta nya.

JOB (Job) 24:1

Mɛmalé Plɛplɛfaazan ’ka yi do pa lɛ é yɛrama webleyi nya, Yé munu lé wo Bale dɔɔ, ’té wa yé loo?

Lɛrɛvɔ Sɛbɛ 131:1

Gɔ gié lɛrɛ do lé. David zé lé. Gakelebale, an bli ’ka é fanle boblɛn nya lo, An ’ka fɛ naginian an yuɛ zuo lo, An ’ka bɔn‐in bɔrɔan we blɛn lé an bɛ ’ka sɔa a nya lo, a ma lo,

Lɛrɛvɔ Sɛbɛ 18:28

Munu lé wo ’wobo kɛla kiéné, i wo sié we gi, Yé munu lé woo mi naginian ’wo yuɛ zuo boblɛn nya, i wo zunwo.

Lɛrɛvɔ Sɛbɛ 37:13

Mizan éé yéri sié mi nyané ma, Naa, é a yé léé, alé yi bɔ é pu.

Lɛrɛvɔ Sɛbɛ 94:2

Tɛrɛlamunu lé weblezan, ’i nwa, ’I boblɛnzannu banwo wo panyanamanu yɛrama.

Wegɔnévɔlenu 16:5

Boblɛn bli faa a bélé bo zo Gakelebale yuɛ gi; weboen nya, wo ’ka dan vuru lɛ we lɛdɔle wo gi ma lo.

Ézai 10:12

Naa, dé Mizan élé we kɛlɛle faa lɛ sɔɔ Siɔn gɔ nwiin koo, Jérusalɛm koo, wona faa, maa dan we lɛdɔ lɛ Asirinu nwiinzan blɛn gi, a kɛlɛwenu lé alé boblɛn a nagɔɔn a lɛ, wo ma, ’bɛ valé alé mi naginile é yuɛ zuo nya.

Ézai 10:33

Ka ye, Mizan, lai sunyanu lé Gakelebale é dan yilibɛnu yéli lɛ gla nya. Wo lé wo ke blɛn, é dan wo so lɛ a ma; wo lé wo ke é nwale loru, é dan wo yéli lɛ.

Ézai 13:11

Maa dan we lɛdɔ lɛ tɛrɛlamunu gi, an blifliwe lé wa kɛlɛ, a we ma. Maa dan we lɛdɔ lɛ mi naanénu gi wolé weple lé we ma. Maa dan boblɛnzannu lé boblɛn nyaa lɛ; maa dan yaamitazannu lé mi naginile wo yuɛ zuo lé we nyaa lɛ.

Ézai 13:6

’Ka dunnu, naa, Gakelebale lé yi bɔ é pu; Plɛplɛfaazan lé fɛ sɛrɛle a dana.

Ézai 13:9

Ka ye, Gakelebale lé yi bɔ. Yi nyané lé, blifliyi valé wɛwɛbabané yi lé. É dan wenyanékɛlɛzannu kulu ga lɛ yé tɛrɛ ta é dan vo lɛ tété.

Ézai 14:15

Naa, wo i vuli migalenu nyanana, guru wɔlɛ ma.

Ézai 23:9

Lai sunyanu lé Gakelebale ɛ fe, fɛ faa lé woo bié, wolé boblɛn yigale we gi, tɛrɛ la mi blɛnnu faa kɛlɛle kiéné we ma.

Ézai 24:21

’Bɛ bléyi va Gakelebale é dan we lɛdɔ lɛ laworona sunyanu gi la gi, yé é dan we lɛdɔ lɛ tɛrɛla minwiinzannu gi tɛrɛ la.

Ézai 24:4

Tɛrɛ ’ko kyɛ é dan dɔ lɛ yé é dan nyaa lɛ. Ana munu plɛplɛ zana a gi yé wo yuɛgi zun. Mununwiinzannu lé plɛplɛ ’ka lo.

Ézai 40:23

Yee Bale ɛ mi segelenu kɛla fɛ pla nya, Yé éé tɛrɛla weblezannu kɛla boazannu nya;

Ézai 42:15

Maa dan gɔ blɛnnu valé gɔpanénu zana lɛ ékeva, Yé maa dan wo ta lunu faa ga lɛ; Maa dan yuunu nɔla lɛ tɛrɛ gale nya, Yé maa dan ’yidoonu béli lɛ.

Ézai 5:15

Wo dan mi kiénénu gyɛ lɛ yé wo dan mi blɛnnu zun lɛ, yé wo lé woo mi naginian ’wo yuɛ zuo, wo dan zun lɛ.

Ézai 61:2

É an pa zia Gakelebale lé zin‐yelɛɛ zana dɔɔle we ma, ’Bɛ valé kolé Bale lé welɛgipayi nya. É an pa zia nyanéblemunu faa tɔrɔpaale we ma,

Jérémi 12:9

Anlé tɔnɔfɛ kɛlɛ an ma wiblemiané nya; é kɛlɛ glau nya; Yé é ziin wiblemianénu faa é dan si lɛ fɛfaana, yé wo péli vɔ a ma. ’Ka go, ’ka bwigiwinu faa zén ékeva, ’Ka da wo nya yé ’wo yee tɔnɔfɛ ble.

Jérémi 13:9

Gakelebale lé an lɛ léma: ’Ko zo lé maa dan Juda munu lé boblɛn yi ga lɛ, yee valé Jérusalɛm munu lé boblɛn baba nya.

Jérémi 30:7

We tɔntɔn lé. Naa, yi blɛn lé; ’Bɛ zoɛ yi vinin ’ka tan bɔ lɛ lo. É a Jakɔb lé klebleyi nya, Naa, é dan si lɛ a gi.

Jérémi 46:10

Yi ’ko a Mizan, lai sunyanu lé Gakelebale lé yi nya, We lɛgi payi lé, we lɛgi payi nya Gakelebale nyanézannu ma. Gwɔun é dan fɛ ble lɛ, é dan kan lɛ, Yé wo nyɛ é dan gwɔun gyɛ lɛ bélé nwɛ zo. Naa, Mizan lai sunyanu lé Gakelebale, éé saraka boo Yirinwana bɛbolazia tɛrɛ la, Yufrat yuu gɔ la.

Jérémi 50:31

Mizan, lai sunyanu lé Gakelebale léma: Boblɛnzan, bé ye, maa a i ma; ilé yi bɔ; we lɛdɔ i gi bléyi bɔ.

Ézékiɛl 13:5

Ka ’ka go lɛ gɔrɔ guru buruna lo, yé ka ’ka gɔrɔ bo lɛ Izraɛl lé kɔnnu zi, wo dɔle gligli Gakelebale lé gulidanyi nya lo.

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

Amɔs 5:18

Munu lé é sɔ wo lɛ léé, Gakelebale lé yi ’é bɔ, we tɔntɔn a wozé nya. É dɔ ka gi léé, mɛ we ɛ dan bɔ lɛ ka ma Gakelebale lé yi nyaa? É dan kɛlɛ lɛ gunudɔrayi nya, fɛnafu ’ka dan kɛlɛ lɛ lo.

Misé 2:3

Bɛwemalé Gakelebale léma: Maa gi bɔrɔan wenaané kɛlɛle ma bɛn ’ko lɛ; yé ka ’ka bɔa sole lɛ a lee lo, yé ka dan tawo lɛ ka ’wuo vɔle nya ka wuo. Naa, ’bɛ bléyinu é dan kɛlɛ lɛ é nyané, azama.

Misé 5:11

Maa dan yokɛlɛle yi ga lɛ ka lee, yé yokɛlɛzan ’ka dan kɛlɛ lɛ ka va é dɛrɛ lo.

Sofoni 1:16

É a yi lé woo béli fɛɛn, ’té woo siaan guli ma, fla plɛplɛnu valé flataginifɛna nwalenu ma, a yi nya.

Sofoni 3:11

’Bɛ yi la, i kɛlɛwenu faa ’ka dan i gyɛ lɛ yara nya lo; i kɛlɛwenu lé i wenyané kɛlɛ an ma wo nya, woo lé. Naa, ’bɛ bléyi va, munu lé wo gi éé nanaan boblɛn dére nya turu bɛ, maa dan wo si lɛ ka méléna, yé i ’ka dan ibo kɛlɛ lɛ blɛn anlé gɔ tinle nwiin é dɛrɛ lo.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Malasi 4:5

Ka ye, maa dan balelayezan Éli pa lɛ ka lɛ zia Gakelebale lé kana?-?mayi blɛn bɔle ’lɛ.

Matio 23:12

Mi lé ébo nwaan blɛn, wo dan a tua lɛ, yé mi lé é ébo tuaan, wo dan a nwa lɛ blɛn.

WENÉNÉ LÉ LUK A GYE (Évangile selon Luc) 14:11

Naa, dé mian ébo nwaan blɛn wo dan a tua lɛ, yé mi lé ébo tuaan wo dan a nwa lɛ blɛn.

1 Korent munu 5:5

mian é ’bɛ zo we kɛlɛ, é a lé ’wo ’bɛzan nɔ Satan lɛ, a kɔlɛ sɛrɛle we gi, a léli sile we gi we ma Mizan Jézu dayi nya.

1 Tɛsalɔnik munu 5:2

Kabozen a gi dɔɔ é zima léé, Mizan dayi é dan bɔ lɛ bélé kyeenwozan zo é béli.

SEBE LÉ JAK A GYE (Épitre de Jacques) 4:6

Naa, Kazambale éé zin taa kɛla kaa lɛ, bɛwemalé Kazambale lé sɛbɛ léé: Kazambale éé dɔa boblɛnmunu ma plɛplɛ; Naa, éé zin kɛla bokiénémunu lɛ.